Kɔnyana Buwulo 4:7 - Katɔti Ɔku Kedee

⁷ Yerusalem batɔnkune bétebie na beekeye aani etubankɛ iye aani si nnɔmii báwɛɛ. Na bebo ɔlɔkplu na baadia bɔnu aani asɛɛ ebi ani náƒɔ kuye na aatu anumi.

Kɔnyana Buwulo 4:7 ပူးပေါင်းရင်းမြစ်များ

Hiob 28:16

Lɛnunda lɛ́ƒɔ kuye litulo sika ugyiedi ku asɛɛ ebi ani muukeye.

Hiob 28:18

Lɛnunda lɛ́ƒɔ kuye litulo atabi ani baalɔ Yaspa ku Koral ku ana lidu biala.

Kɔgya 144:12

Ya na bula bebi bakɔdi babla aani egyii ani mbo ɔkplu. Na bula belekubi beteekeye aani atabi ani na béti bátu ɔga lɛgbanya na bákwaa-nya na eekeye kalɛ.

Kɔgya 51:7

Kpila-mi na edie ekpidi ƒui mina lɛlɔ sɛɛn na nteekeye teetulo etubankɛ.

Israelƒuɔ Bɔlɛ 24:10

na bánu Israelƒuɔ Katɔti. Na kesii kani na nwuna lɛgba lɛnya ni, use aani ulu ɔni na béti sika atabi ani baalɔ Saƒaya bákya bávi na uukeye aani kayaa.

Lɛnu Ƒui Ɔnu 5:10

Na nkyuli mpim leevu akɔ ni, anwu nálɛ-mi lɛkloƒu utulo na ɔɔdia bɔnu na ubo ɔlɔkplu geen.

Lɛnu Ƒui Ɔnu 5:15

Na nwuna lɛgba lise aani ɔtɔ akpa ani lɛlɔ na bámana atabi ani náƒɔ kuye na eekeye geen na enye sika ugyiedi atabi lɛlɔ. Na unye lɛgadi kemmo aani Lebanon Kɔbi ku kuna egyii kpakplaa ani nálɛ lili enye bonwu bonwu.

Daniel 1:15

Emeyi leevu kama ni, Daniel ku nwuna bakpana bákɛ lɛlɔ na baadia bɔnu teetulo bakloƒu bakladi bani na beete adila ani na beete ɔga kesii bekyuli bammɔ.

Luka 1:15

Ɔdubo ukyuli ubendi bɔbla na Katɔti anumi. Útalɛka ɔni ntɛ kpakplaa iye bɔbambadi bɔdi udu lɛnɔ. Na ɔ́si nwuna bɔwɔ uwi ni, Katɔti kɔyu kɔdubɔƒɔ-nwu lɛlɔ kemmo.

Litemi Batɛne 13:5

Ɔsika adubo kaƒɔ bɔda na adubɔwɔ ubi ɔnanabi. Na si áwɔ-nwu taya na bekpeyi-nwu lili kudii. Ɔsika ubiwɔ ɔmmɔ ɔdubo buse bute Unwoti lɛti. Na anwu ndubuse kalɔ uteekpo taaƒɔ Israelƒuɔ ɔlɛku Ƒilistiƒuɔ enu kemmo.”

Litemi Batɛne 13:7

Nsu bɔsu kani na ɔ́su-mi ɔnii ndubo kaƒɔ bɔda na lɛwɔ ɔnanabi. Ɔƒɛni ntani ntɛ kpakplaa iye ntɛ biala. Na ntadi adila ani muusé lɛlɔ lɛnɔ. Ɔsika ubi ɔmmɔ ɔdubunwini Unwoti ukyuli ɔƒunadi ɔ́si nwuna bɔwɔ uwi úti útédu nwuna kukpi uwi.”

Litemi Batɛne 16:17

Anwuɔsu ɔ́su Delila lɛla biala ɔnini, “Ɔ́si mina lɛwɔmeyi ni, béteti lɛla lɛdi bétekpeyi-mi linwini kudii. Ɔsika ndi Katɔti ukyuli ɔni na ɔ́ƒuna úte lɛlɔ.”

Samuel 1 16:12

Anwuɔsu Yisai ɔ́tala na bátálɔ-nwu béboku, na ɔdi ɔnamu ɔni na ubo ɔlɔkplu na úgyie na ɔɔdia bɔnu lɛnɔ. Mmɔ na Unwoti ɔ́su Samuel ɔnini, “Ta na ewi-nwu nnɔmii lili, ɔsika anwu na lɛ́ƒuna.”