Kɔnyana Buwulo 4:3 - Katɔti Ɔku Kedee

³ Beƒiebuo muedi baanyuɛ bana bebi, nsu mina bekyuli bese aani aasɛ bonwu ɔdi ɔni muudie nwuna bebi atu.

Kɔnyana Buwulo 4:3 ပူးပေါင်းရင်းမြစ်များ

Baga 1 3:21

Amu ka kadi kégye ni, lɛ́ta nnii muute mina ubi lɛnyii. Na ka mɔɔnu ni, na ubiwɔ ɔmmɔ úkpi. Ka lɛ́sia-nwu anu kaduɛ uwi ɔni na kadi kábla nwaa ni, lɛ́nu lɛ́ti ka ɔɔɔdi ubi ɔni lɛ́wɔ mmɔ na ɔdi.”

Yesaia 13:22

Na bebuoƒuala ndubo adi buteebo na bana ala abuni kesekɔ, na beƒukutu bataatɛ bana kuliekɔ kɔbuni kɔni baaƒɔ́ baƒɔ. Na uwi ɔmmɔ úude geen, na ɔsɔ ulésie kama lɛnɔ.

Yesaia 34:13

Baga kesii ku kɔgyumanakɔ kɔni na bátu bényene ƒui kɔdubunwini liyu alakpi sɔɔn ɔni na beƒukutu ku bekuku ndubo mmɔ bulie.

Yesaia 49:15

Nsu Unwoti údie kenye ɔnini, “Ubi uni ɔdi ɔdubɔkana na ɔyiƒala ubi ɔni nányimi-nwu lɛnyii? Munuu ɔdubuni na uláyɔ ubi ɔni nálɛ ɔ́si-nwu lɛlɔ kemmo? Ina ubi uni ɔdi ɔdubɔbla lɛni ni, ami lɛɛɛdubo-mii bɔyiƒala kudii.

Yeremia 19:9

Na uwi ɔni kani na bina bekisine badubɔbwɛ beduo-mii lɛlɔ na beteekpoku-mii mmɔ lɛlɔ kani na bina adila adubo bɔsa ƒui. Na kɔka kɔdubo-mii bɔda ɔni na bɛdubo bina bakpana ku bebi muedi ɔlɔna bɔkun aani lɛna.’

Kɔnyana Buwulo 2:20

Unwoti! Awɔ ɔlati, bu ɔmɛni nu anii áabla bekyuli badi ulikplu ɔmɛni udu dii! Na ɔdia ka bebi beni beƒie ama alati bebi bataakun? Munuu bɔdia na ɔdia ka badu ƒula bakpane ku kenye bediene na ƒula kakpakɔ ɔtɔ kemmo?

Kɔnyana Buwulo 4:10

Ngba bulie na ɔma unegudi kemmo bubo ɔkplu geen, na ɔni na bebi beni béƒulo ama alati bebi bákun.

Esekiel 5:10

Lɛdila lɛni na bamini bakya kenye muedi ɔdubo ubenwini lɛnungyiela geen lite bebi bati ku bebi beni ɔni na badubuti ama alati bebi muedi bakun. Na bebi lɛnɔ bakun bana bawɔne. Na bekyuli bani ndubɔlɛ ɔgbankpi ku liƒu ala ani ndubɔlɛ mɛni kemmo muedi badubo-ma bɔbɔku bugyingya bɔkya ekpo ekpo na lɛƒɛnyi ƒui lɛlɔ.

Lewiƒuɔ Ɔda Bubo 26:29

Na bɛdubɔdu bina bebi bananabi ku belekubi muedi bɛkun.

Romaƒuɔ 1:31

Badi bekyuli bani naaagyi lɛbuni ku likpidi kavumana. Na baládi bana ala ani na básu lɛlɔ. Na lɛla lɛdi lilakywi-ma kaƒɔ. Na balánu ukyuli kɔnyana.