Kɔnyana Buwulo 4:22 - Katɔti Ɔku Kedee

²² Sion kadi bekyuli báaƒɔ bana ekpidi ani na bábla kayu, na badubo bɔsɔ bunwini buteesie bana ɔma. Nsu amii Edomƒuɔ ni, Unwoti ɔdubo-mii kɔtu bɔni na udie bina alaekpidi keyi.

Kɔnyana Buwulo 4:22 ပူးပေါင်းရင်းမြစ်များ

Kɔgya 137:7

O Unwoti, nyimo lɛla lɛni na Edomƒuɔ bábla na limeyi lɛni na Yerusalem ɔ́yu kalɔ. Báva básu banini, “Bigyingya ɔma ɔmmɔ! Bɛƒɛ lɛtɔ lɛmmɔ ku ana atabi ani bakya kalɔ ƒui kede kede!”

Yesaia 40:2

Na atɛmiku Yerusalem ku lɛdi buɛɛ ku bɔyɔ, na aya na bati ka bana kabla ku lɛbibo lɛ́sa. Na báƒɔ bana ekpidi lili kayu, ɔsika Unwoti ɔ́ni-ma kɔtu ɔ́sia kama kunyɔ kunyɔ na bana ekpidi ɔsu.

Yesaia 52:1

Yerusalem, ta nye! Sion ɔma kedee, nye lɛgba lɛlɔ kpakplaa na ada lɛlɔ ku ƒula adala abuni ƒui. Ɔsika baƒɔ bani nébo bébebile ɔma kedee ɔmmɔ kemmo basɔ baaadubo keliekɔ kadi bɔkɛ na ƒula kemmo ɔƒɛni amu.

Yesaia 60:18

Na basɔ belénu kekpo ku ala bubile kɔku na ƒula liku. Na ndubo-mii bɔgyumana aani kalɛ na awodu aaka taamana lɛla lɛdi na bimwi-mi ka lɛ́ƒɔ-mii ngba ɔsu.

Yeremia 33:7

Ndubɔsɔku kalɔ kamɛni lite Israel ku Yuda na lɛya na basɔ bakɛ ɔyikun ɔni nákya-ma kudeedi.

Yeremia 33:8

Bábla alaekpidi na báta bénye-mi lɛlɔ, nsu ndubuti lɛkyiɛ-ma na lidie bana bɔƒiɔ ƒui bana lɛlɔ.

Yeremia 49:10

Nsu ami ndubo lɛla biala na lɛdi Edomƒuɔ lɛdi bɔda buti na libimi-mii ala na kesi kesii na bɛdubɔkali bɛnii bɛɛbɛ́ bɛkya. Na bɛdubo bukpi ƒui ku bina lɛlɔ bekyuli ku badukɛne ƒui.

Yeremia 50:20

Ndubudie Israelƒuɔ ku Yudaƒuɔ nkyuli ɛlɛɛ badi na ndubuti bana ekpidi lɛkyiɛ-ma ɔni na ɔdi ɔsɔ ulanu ekpidi bɔƒiɔ biala bɔdi ka bɔkya-ma lɛlɔ.”

Kɔnyana Buwulo 4:21

Amii Edomƒuɔ, bɛkana na bɛdi limeyi na bɛkɛ ebiti ɔƒɛni amu ƒaa. Nsu amii lɛnɔ bɛdubo bibebo abi na bɛkɛ bitaagbanta taavi ku kasɔngya.

Kɔnyana Buwulo 4:6

Unwoti ɔ́ni mina kalɔ bekyuli kɔtu útulo kalɛ na ɔ́ni Sodom ɔma unengudi ɔmmɔ bekyuli kɔtu, na ɔ́ya na bábwɛ-ma ɔma uwi klukwii ɔdi kemmo kani, na ɔdi uuubo na ubunku-nwu.

Esekiel 37:28

“ ‘Kalɔ lɛlɔ kadi biala bekyuli badubɔnu ka mina kakpakɔ kenye Israel, na ami náƒuna-ma ka babla mina kadi bekyuli.’ ”

Esekiel 6:12

Bekyuli bani na bakya ɔgyu ni, ɔlɛ ukpidi ɔdubo-ma bubo na bekpi na bani na bede ni, badubukpi na kekpokɔ. Na bani mebu lɛnɔ ni, kɔka kɔdubo-ma bɔdu. Kalɛ na líti kɔnyi ńtédu ni, lɛni kani na ndubo-ma kɔnyi kɔmmɔ ala bɔbla butédu!

Obadia 1:10

Bɛ́bla bina lɛlɔ bekyuli bani ndi Yakob kaba kemmo bebi kalala. Anwuɔsu ɔƒaani ni, bɛdubo kɔƒa bɔdi uwi ƒui na badi-mii lɛlɔ.

Malakai 1:3

nsu líni Esau. Lɛ́bla nwuna abi lɛlɔ kalɔ na kénwini kalɔ kakwiidi kesii kani na beƒiebuo beelie.

Malakai 1:4

“Esau bebi ku bawɔ badubɔkana na basu banini, ‘Ina ka bula Edom kalɔ káyii udu ni, bɔdubɔsɔku-ka bɔtu.’ “Nsu ami, Unwoti Ɔyikune Ƒui, líse kenye ka lɛla biala na bátu ni, ndubudi-ni lɛbwɛ liwi kalɔ na bekyuli ƒui banu ka lɛɛɛdubo kɔnyi bɔda buti taakya-ma bɔya na uwi ɔni kemmo na bamu benye bana ekpidi bɔbla lɛlɔ ɔsu.