Kɔnyana Buwulo 4:21 - Katɔti Ɔku Kedee

²¹ Amii Edomƒuɔ, bɛkana na bɛdi limeyi na bɛkɛ ebiti ɔƒɛni amu ƒaa. Nsu amii lɛnɔ bɛdubo bibebo abi na bɛkɛ bitaagbanta taavi ku kasɔngya.

Kɔnyana Buwulo 4:21 ပူးပေါင်းရင်းမြစ်များ

Ala Kalɔ Buse 36:28

Disan bebi bananabi ndi Us ku Aran.

Hiob 1:1

Ɔnana ɔdi ɔ́kya Us kalɔ lɛlɔ na baalɔ-nwu Hiob. Útaayia Katɔti geen, anwuɔsu ɔ́da lɛlɔ siin ɔni na lɛla lɛdi lɛɛɛda-nwu na Katɔti anumi, ɔsika ɔɔdi nwuna etemila ƒui lɛlɔ kaduɛ.

Kɔgya 137:7

O Unwoti, nyimo lɛla lɛni na Edomƒuɔ bábla na limeyi lɛni na Yerusalem ɔ́yu kalɔ. Báva básu banini, “Bigyingya ɔma ɔmmɔ! Bɛƒɛ lɛtɔ lɛmmɔ ku ana atabi ani bakya kalɔ ƒui kede kede!”

Etemila 11:9

Lɛlɔ lɛyɔ-ɔ na ƒula lɛkloƒu uwi na enu ngba emini. Na teni lɛbuni biala na ánu iye ƒula kayi kaayɔ́ tete lɛlɔ. Nsu tayiƒala ka Katɔti ɔdubɔtɛku-ɔ litemi na lɛla biala lɛni na ábla lɛlɔ.

Yeremia 49:12

“Na kadi bani bekyuli na útalɛka nka bani-ma kɔtu muedi ni, badubo mina kɔnyi bɔni aani kalɛ na baaní lɛla lɛdi na ɔɔƒɛɛ kemmo na bebo abi. Anwuɔsu bina ɔdi ulakana bulekeli.

Yeremia 49:7

Unwoti Ɔyikune Ƒui ɔ́su ɔ́siku Edomƒuɔ lɛlɔ ɔnini, “Lɛnunda ku kasusu kása na Teman ɔma kemmo. Na ndubo bɔya na ɔgbankpi ubo-mii lɛlɔ liti lɛni amii Esau bebi ku bawɔ kɔtu. Anwuɔsu ɔdi biala nási Dedan ɔma ɔsɔ unwini na ukeli ɔtɔlɔ uteesie ɔma mmomu.

Esekiel 25:6

Biikisi Israelƒuɔ ɔni ɔsu na enukpɛ kani na bɛ́gya na bɛ́va ku lɛlɔyɔ na lɛla lɛni nálɛku-ma ɔsu.

Esekiel 25:8

Unwoti Katɔti ɔ́su ɔnini, “Moab kadi bekyuli bákali ka Yudaƒuɔ bátavumana ku kadi bamba bekyuli.

Esekiel 26:2

“Esekiel, ɔyawine ubi, Tiro ɔma unengudi bekyuli bátɔ ku lɛlɔyɔ lɛnu budie ka bekisine békpo Yerusalem na badi-nwu lɛlɔ na baasu banini, ‘Yerusalem úbuli! Uwi ɔni návi ni, badi kadi bekyuli bani na bebo ɔkplu geen na mmɔ kadi kuye kadikɔ kenengudi geen lɛnɔ. Na ɔƒaani ni, ɔmmɔ ɔ́yii udu na úbo kalɔ. Na abu ndubo-ma kenye bɔƒɔ ɔƒaamu.’

Amos 1:11

Unwoti ɔnini, “Ndubo Edomƒuɔ kɔtu bɔni na bana ekpidi pii ani na ɔ́bla ɔsu, na lɛɛɛdubo mina kasusu bɔvumana. Bádu ama alati bana lɛlɔ bekyuli ku lɛnungyie lɛni ɔsu na bátakana na banu-ma kɔnyana ina blii suɛ.

Obadia 1:1

Unwoti ɔ́su kenye kadi ɔ́siku Edomƒuɔ lɛlɔ na údie ɔ́tina Obadia ɔnini, “Ami Unwoti lɛ́tala ɔtu ɔdi ku kenye kadi, na líbo ɔda ka kadi bekyuli ƒui betékpo Edom.”

Mika 1:11

Na amii Saƒirƒuɔ, bɛvi bɛtɔlɔ ku kasɔngya ku kɔƒa. Na ka bekisine báka Sanaanƒuɔ bákya ɔsu ni, ɔdi ɔɔɔdubo bɔkana bɔlɛ. Na keku ku kɔvanu kɔni nkya Bet-Esel ɔsu ni, bɛgyi bɛnii mmɔ kaaadi kaatamikukɔ kadi.

Habakuk 2:16

Kɔƒa kɔdubo-mii bukpo na basɔ belemwi-mii. Ɔsika Unwoti ɔdubɔya na bɛni ntɛ bikpi na bina bakpana banu-mii kasɔngya na bɛyila ɔbu biala na bana anumi.

Budie Taatina 16:15

“Binu! Ami Yesu ndubo bɔda bɔlɛ-mii lɛlɔ kɔnakunwi aani uyune kalɛ! Lɛlɔ lɛdubɔyɔ ukyuli ɔni nnye kagyumana na ɔda adala ani mɔɔtina ka use siin uwi biala kemmo, kalɛ na ulakɛ kasɔngya ku kɔƒa na kadi akɔ!”