Kɔnyana Buwulo 4:20 - Katɔti Ɔku Kedee

²⁰ Ɔtɔnkune ɔni na Unwoti ɔ́ƒuna úte-bu kani nsɔ ndi-bu lɛnunsia ka anwu ndubɔƒɔ ute-bu na bɔkɛ keliekɔ kadi na kadi bamba bekyuli bammɔ akɔ, nsu anwu muedi bana kɔkpagyuɛ kɔmmɔ kɔdi kani nédie anwu lɛnɔ.

Kɔnyana Buwulo 4:20 ပူးပေါင်းရင်းမြစ်များ

Ala Kalɔ Buse 2:7

Unwoti Katɔti ɔ́vɔ ukyuli ɔ́lɛku kalɔ kammɔ lɛti kemmo. Na ɔ́nwuna ɔƒɛƒɛɛ ɔni muute ngba ɔ́kya ukyuli ɔmmɔ enwu kemmo aani ɔyawine.

Ala Kalɔ Buse 44:30

“Ɔmmɔ ɔsu ɔƒɛni ni, si ɔnanabi ɔmɛni ɔɔɔsiaku-mi si lɛ́sɔ línwini ńtéduo mina ɔti ɔni ndi ƒula kabla ɔblane kudɔ ni,

Samuel 2 1:14

Dawid úye-nwu ɔnini, “Bi ɔsu na átayia ka adu ukyuli ɔni na Unwoti úwi-nwu lili nnɔmii?”

Samuel 2 1:21

“O Gilboa abi, muuvele nnii, ɔnantu iye amii muedi asɔ atayu etewi mmɔ. Na edula ebi adi asɔ alálɛ alási kemo kadi na mmɔ na beti babla etela akpala. Ɔsika mmɔ na bayikune kekpo agyumanala ásɔ na eesé lɛlɔ, na basɔ belesusu Saul lɛgyumanala nnɔmii.

Samuel 2 18:3

Nsu bekyuli bammɔ básu-nwu banini, “Útalɛ ka awɔ alɛ ebo mmɔ, ɔsika si ɔƒɛni kalɛ úbo ka baabɔku-bu iye bula kakɛ bekyuli békpi muedi ni, balakpete. Mmomu awɔ áƒɔ kuye etulo nkyuli mpim leevu muedi. Anwuɔsu awɔ taakya-bu ogya akpagya taasiku ɔma unengudi ɔmmɔ kemmo kani na ɔ́bɔ.”

Samuel 2 19:21

Amu na Seruia ubidi Abisai ɔ́su ɔnini, “Bi ɔsu na utalɛka badu Simei na lɛla lɛni na ɔ́bla ɔsu? Na ukyuli ɔni na Unwoti úse likpo na ɔdi ɔga ni, uwida-nwu?”

Ala Alɛdi 2 35:25

Amu na Kenye Udiene Yeremia údie ɔkwanu ɔdi úti ɔ́kɔliku-nwu lɛnyi katɔ. Na ɔ́si uwi ɔmmɔ lɛlɔ ni, ukyuli biala muuwulo Yosia kukpi ni, uudie ɔkwanu ɔmmɔ. Na bénweni ɔnu ɔmmɔ bákya lɛkwanu ɔku kemmo.

Yesaia 32:2

Na badubunwini kabɛkɔ bete bekyuli si uwi ɔni na ɔƒɛƒɛɛ kpakplaa uukpó. Na badubunwini libiɔ bete bekyuli na kalɔ kakwiidi kemmo ku lɛtakpɛ lɛni ndubɔkya bekyuli ɔyuli si ɔƒɛ ɔɔbi.

Yeremia 39:5

Nsu Babilonƒuɔ bekpone bábi básiaku-ma na bétéƒie-ma na Yeriko ɔma kudɔ na bákpanku Ɔga Sedekia bésienku ɔma ɔnii baalɔ Ribla na Hamat kalɛkɛ kemmo. Mmɔ na Nebukadnesar ɔ́tɛku-nwu litemi na ɔ́du-nwu kɔtɔ ka nwuna litemi lɛɛɛdia.

Yeremia 52:8

Nsu Babilonƒuɔ bekpone básia-ma kama na bétéƒie-ma na Yeriko na béƒie Sedekia na nwuna bekpone ama békeli bégyingya amadɔ mmɔ bene bátɔlɔ.

Yeremia 52:9

Béti Sedekia bésienku ɔma ɔni baalɔ banii Ribla na Hamat kalɔ lɛlɔ kesii kani na Nebukadnesar ɔ́tɛku-nwu litemi na ɔ́du-nwu kɔtɔ.

Kɔnyana Buwulo 2:9

Sion lɛban kɔyakun ƒui kɔ́ƒɛ kúbi anumi kalɔ, na abuala ani mɔɔbala kɔyakun kɔmmɔ kenye ƒui kɔ́ƒɛ eku eku. Na nwuna baga ku bagadine bammɔ ƒui bénwini bekyuli beƒiedi na bakya kɔlɔ bamba kemmo. Nwuna bakpane basɔ balátina ala, na nwuna kenye bediene bammɔ lɛnɔ basɔ balakɛ linyesia lɛdi taasiku Unwoti kudɔ.

Esekiel 12:13

Unwoti ɔla ndubo nwuna asawu bubo na udie-nwu uwi ɔni na ɔ́si ɔɔlɛ́ Yerusalem ɔma kemmo. Na ɔmmɔ kama na bakpanku-nwu besienku Babilon, nsu ɔɔɔdubo mmɔ bɔnu ku nwuna anumi kudii.

Esekiel 17:18

Yudaƒuɔ ɔga útadi nwuna linyese lɛlɔ na útabu lɛla lɛni na únyimiku Babilonƒuɔ. Anwuɔsu badubo-nwu kɔtu bɔni!

Esekiel 31:17

Na bekyuli bani ƒui nákɛ katamikukɔ na kuna kalɔ lɛnɔ béduo kekpine na bátáblaku-ma unwi na mmɔ.

Daniel 4:12

Evete áƒɔ-ku lili na kɔ́nwu ebi bonwu bonwu lɛnɔ pii na adubudu kayawi bekyuli ƒui bɔdi. Na alakpi akɔ bebweyi bákɛ ɔyuli na kuna kalɔ na baasɛ lɛnɔ bábla ayu bákya-ku kɔgba akɔ. Na kuna ebi ammɔ na kayawi ala ediedi ƒui aadi.

Hosea 13:10

Aasu anii ɔga ku lɛlɔ badine na aawia ɔƒaani ka lise lite-ɔ. Ama nɔɔ? Lɛma lɛmani kemmo na bakya na bebebunku-ɔ?

Litemi Batɛne 9:15

“Amu liyu egyii ásu egyii anini, ‘Si sɔsɔ na bɛɛyɔ́ ka lɛbla ɔga lite-mii ni, na bibo na bibabɛ na mina ɔyuli kalɔ. Nsu si bilayɔ-nwu lɛni amu ni, na ogya ɔsi liyu egyii amɛni kemmo na ubakyula bina egyii enengudi ani nnye Lebanon!’ ”

Samuel 1 12:3

Na bɛɛnu kalɛ na nnye-mii anumi ɔmwi. Na ɔni na bunye Unwoti ku bina ɔga ɔƒunadi anumi mɛni ni, ɔdi ɔdubɔkana na udie ɔtina likpidi lɛni na lɛ́bla-nwu? Bina akɔ ɔmani ɔmantɛ akɔ iye ebuo ala utine na líƒie lɛ́ƒɔ? Munuu ɔdi ɔkya-mii akɔ ɔni na lɛ́nya-nwu lɛ́kya na ulu ɔdi lɛlɔ? Iye ni, líti etila adi lɛ́sia ɔdi lɛlɔ? Iye lɛ́bɛ lɛ́ƒɔ lɛla lɛdi lɛ́siku ɔdi kudɔ lɛ́di, na lɛ́du ɔbambadi kalala kɔtɔ na líte anwu ubo? Na si ɔdi ɔ́kana na údie kenye ka ala amɛni ɔdi use lɛni ni, bɛsu bɛlɛku na lɛƒɔ kayu kammɔ na lɛla lɛmmɔ lili.”

Samuel 1 12:5

Mmɔ na Samuel ɔ́su-ma ɔnini, “Ɔmwi ni, Unwoti ku Ɔga Ɔƒunadi ɔmɛni ndi bekyuli bani nnye na bénu etemila ani na amii alati bɛ́su mɛni. Na ani ndi ka bítanu ɔdi lɛla lɛdi na mina enu kemmo.” Amu na bana ƒui bédie kenye ku lɛdi linwi banini, “Ɛɛn, ama ndubudie-bu etemila amɛni kenye.”

Samuel 1 16:6

Uwi ɔni na bébeduo mmɔ ni, Samuel ɔ́nu Eliab, Yisai ubidi unengudi. Mmɔ na ɔ́su lɛlɔ ɔnini, “Ngyi ka okloƒu ɔmɛni na Unwoti ɔɔwia use lɛga.”

Samuel 1 24:10

Ɔmwi limeyi lɛmɛni lɛlɔ ni, awɔ ɔlati ánu ku ƒula anumi nwaa ka nka Unwoti úti-ɔ ɔ́kya-mi enu kemmo na lɛtabi ubu ɔmmɔ kemmo. Na mina bekpone badi bénye-mi lɛlɔ banii ndu-ɔ, nsu líni na lɛ́su-ma nnii lɛɛɛdubo mina kɔnu bɔtala bɔbla awɔ mina ati lɛla lɛdi, ɔsika Unwoti ukyuli ɔni na úse likpo na adi.

Samuel 1 24:6

Amu na ɔ́su nwuna bekpone ɔnini, “Unwoti utaya na ubo-nwu kemmo lɛni munu munu ka lɛbla lɛla lɛni na lise lɛni udu ku mina ɔga ɔni na Unwoti uwi-nwu lili nnɔmii iye ɔya na liti mina kɔnu lituku-nwu, ɔsika ɔdi Unwoti ukyuli ɔni na úwi nnɔmii lili.”

Samuel 1 26:16

Lɛla lɛni na bɛ́bla lítamanku-ɔ. Na mɔɔsu-ɔ na Unwoti ɔni nli ngba anumi ka nka ɔlɛka badu awɔ ku ƒula badi, ɔsika bítakana na bɛgyumana bina Ati, Unwoti Ɔga Ɔƒunadi. Bɛsia anumi na bɛnu si bɛdubɔnu ɔga lɛtula ku ntu ɔsii ɔni nlɛ nde-nwu lili?”

Samuel 1 26:9

Nsu Dawid ɔ́su Abisai ɔnini, “Tadu-nwu! Ɔsika ukyuli biala madu ɔga ɔni na Unwoti ɔlati ɔ́ƒuna ni, Unwoti ɔmmɔ ɔdubo-nwu kɔtu bɔni.”