Kɔnyana Buwulo 4:2 - Katɔti Ɔku Kedee

² Na Sion bebi bani na nka báƒɔ kuye betulo sika ugyiedi ni, bekyuli baanu-ma aani lɛvɔti akyami ani naaadi ku lɛla.

Kɔnyana Buwulo 4:2 ပူးပေါင်းရင်းမြစ်များ

Yesaia 30:14

Anwuɔsu na bɛdubo bɔbwɛ aani ebui kɔkɛ kpɛtɛ kpɛtɛ ɔni na kakɛ kadi muedi kaladia ina ogya buti butédie bɔsiku asi bamba kemmo.”

Yesaia 51:18

Na bina bebi pii bani na bɛ́wɔ mmɔ ɔdi uuubo na ɔtɔnku-mii iye udie kɔnu ɔda-mii lɛnɔ.

Yeremia 19:1

Unwoti ɔnini, “Yeremia, sie ebui ɔvɔne ala kavɔkɔ na etéye libui lɛdi. Na akpanku ɔma ɔmmɔ bakutine ku bakpane benengu ada.

Yeremia 19:11

Na asu-ma ka lɛ́su lɛnɔ nnini, ‘Ami ndi Unwoti Ɔyikune Ƒui na mɔɔsu-mii kpakplaa ka ndubo Yuda ku Yerusalem kadi ku kalɔ kammɔ bɔbwɛ aani kalɛ na libui lɛmɛni lɛ́bwɛ na bɔsa bɔsɔ buuubo-ni lɛlɔ. Na Toƒet mɛni na bɛdubo bina bekpine bɔva. Na bina akɔ pii bɛdubo bukpi ɔni na kalɔ kasɔ kaaadubo bɔkya na bava bina ƒui.

Yeremia 22:28

“Yekonia, ukyuli biala údie-ɔ atu na basɔ balayɔ-ɔ aani libui lɛni nábwɛ. Anwuɔsu awɔ ku ƒula bebi ƒui na badubo bɔbɔku butákya kalɔ kani na bɛɛɛgyi-ka lɛlɔ lɛla lɛdi lɛlɔ.

Kɔnyana Buwulo 2:21

Benengu ku banamu ƒui békpi bewi lɛblɔnu lɛlɔ ɔni na badi mina bekyuli. Na ɔkɛnku ƒula kɔnyi ɔsu ni, bekisine bébeyi mina bakloƒu ku begblebi ƒui bádu kalala kemmo.

Kɔnyana Buwulo 5:12

Béƒie bula batɔnkune bényimi, na bábla bula benengu kɔƒa ala na kadi anumi.

Hosea 8:8

Israel amii ɔdi ɔ́sa, na kadi bamba bekyuli badubo-mii bɔnu ka bɛɛɛdi lɛla lɛdi.

Sakaria 9:13

Na ndubuti Yuda lɛbla aani mina kataminta na liti Israel lɛbla atula. Na ndubuti Sion bekyuli lɛbla aani mina kewii na likpoku Grikiƒuɔ.”

Korintoƒuɔ 2 4:7

Na abu bani mbo Kɔyu kemmo akɛla enengudi amɛni ni, buse aani ebwi avɔdi ani nátamanku ala ammɔ bɔkya. Na ɔmmɔ mɔɔtina geen ka ɔɔɔdi bula kudɔ na ɔyikun ɔmmɔ ɔ́si, mmomu Katɔti kudɔ na ɔ́si.

Timoteo 2 2:20

Na ɔlakɛne ɔtɔ ni, akyami lidu lidu liisé. Na adi adi sika ugyiedi ku ɔƒualadi. Na adi lɛnɔ adi kavɔ ku kanwi akyami. Na akyami amɛni lɛlɔ kabla ni, adi ese ete emeyi buni bɔdi. Na adi lɛnɔ emeyi keeke bɔƒuƒuɛ na ese ete.