Kɔnyana Buwulo 4:13 - Katɔti Ɔku Kedee

¹³ Yerusalem Katɔti kenye bediene ku bakpane bábla ekpidi bonwu bonwu geen ɔni náya na bekyuli bani nátabla lɛla lɛdi muedi békpi, anwuɔsu na Unwoti ɔ́ni ɔma ɔmmɔ kɔtu lɛni.

Kɔnyana Buwulo 4:13 ပူးပေါင်းရင်းမြစ်များ

Yeremia 14:14

Mmɔ na Unwoti údie kenye ɔnini, “Ama alati mɔɔsu taatina ka ami mina kenye na beedie, nsu ɔkɔ na baanyi! Ɔsika ńtasu-ma lɛla lɛdi muedi útédu ka mɔɔƒuna-ma nnii benwini mina kenye bediene. Kenye kani baasu kási ana ekpludi ani na beegyé ku like lɛni na beebó ku ama alati ala ani na baakali taanu kemmo.

Yeremia 2:20

“Na kuuku uwi ɔni návi kemmo ni, bídie-mi atu na bíni ka lɛdi-mii lɛlɔ, na bɛnii bɛsɔ bilabla-mi kabla. Na ɔƒaani ni, baƒiɔ bammɔ na bɛɛkpá na biisié lɛlɔ kudɔ ɔnana ku uleku na egyii bonwu ammɔ ɔyuli kalɔ na abi eli.

Yeremia 2:30

Lɛ́du bina bebi líti lɛ́ni-mii kɔtu nsu bíni na bítenwini bítebo-mii kudɔ. Bina kuwii na amii alati bíti bɛ́du bina kenye bediene aani bagyata bani néti kɔnyi.

Yeremia 5:31

Kenye bediene baakɔ́ bana etemila lɛsa na baƒiɔ lɛnyi kemmo. Na mina bakpane baláwia ka babla-mi kabla. Na amii mina kadi bekyuli lɛnɔ bɛɛyɔ́-nwu lɛni! Na ɔgbankpi limeyi ni, ɔma na bɛdubo bukeli bɔtamiku bɛnii ubunku-mii?”

Yeremia 6:13

“Bawabane ku balakɛne ƒui ɔdivo bɔdi ku litemi geen tasu kani náƒɔ bana ƒui lɛlɔ kemmo. Na kenye bediene ku bakpane muedi baaadi bekyuli bani na basɔ beti kayi basia.

Kɔnyana Buwulo 2:14

Ƒula kenye bediene bátɔlɔ-ɔ ku ɔkɔ kɔyu kemmo ala bɔnu ku linyesia lɛni naaadi litemi geen. Bétedie ƒula bɔƒiɔ bátatina-a, na enwini ƒula ekpidi kama na akɛ bɔƒɔ. Mmomu bányi ɔkɔ na bátɔlɔ-ɔ bátáyila.

Esekiel 11:6

Bɛ́ɛdu bekyuli pii ɔni na bekpine báƒɔ ɔma unengudi ɔmmɔ ƒui!

Esekiel 22:25

Bana batɔnkune bese aani bagyata bani mɔɔkwanyi na baaduli ebuo ɔni béƒie teegyingya kɔkɛ kɔkɛ. Baadú bekyuli. Na beeyú ala ani na bánu ka áƒɔ kuye na bekyuli kudɔ. Na baadu beleku bagya na bana beleku baaƒɔ́ lɛlɔ teelie aani bekpinele.

Mateo 23:31

Nsu bina ala ani bɛɛbla mɔɔtina geen ka bekyuli bani nádu Katɔti kenye bediene bammɔ kaba bebi na bɛdi.

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.