Kɔnyana Buwulo 4:10 - Katɔti Ɔku Kedee

¹⁰ Ngba bulie na ɔma unegudi kemmo bubo ɔkplu geen, na ɔni na bebi beni béƒulo ama alati bebi bákun.

Kɔnyana Buwulo 4:10 ပူးပေါင်းရင်းမြစ်များ

Baga 2 25:3

Na kɔbuli kunedi limeyi yaalenwi na lɛkwa lɛmmɔ kani kemmo ni, uwi ɔmmɔ na kɔka kɔmmɔ kenye kébo kaayu ɔkplu geen úte bekyuli bammɔ kalɛ bakɛ lɛla lɛdi muedi badi.

Yesaia 22:2

Lɛlɔyɔ kudu kani nda ɔma umodi ɔmmɔ ƒui ku lɛsɛ. Na bani na békpi ni, ɔɔɔdi kuwii kenye na békpi, na ɔɔɔdi kekpokɔ lɛnɔ na bésie.

Yesaia 49:15

Nsu Unwoti údie kenye ɔnini, “Ubi uni ɔdi ɔdubɔkana na ɔyiƒala ubi ɔni nányimi-nwu lɛnyii? Munuu ɔdubuni na uláyɔ ubi ɔni nálɛ ɔ́si-nwu lɛlɔ kemmo? Ina ubi uni ɔdi ɔdubɔbla lɛni ni, ami lɛɛɛdubo-mii bɔyiƒala kudii.

Yeremia 19:9

Na uwi ɔni kani na bina bekisine badubɔbwɛ beduo-mii lɛlɔ na beteekpoku-mii mmɔ lɛlɔ kani na bina adila adubo bɔsa ƒui. Na kɔka kɔdubo-mii bɔda ɔni na bɛdubo bina bakpana ku bebi muedi ɔlɔna bɔkun aani lɛna.’

Kɔnyana Buwulo 2:11

Mina anumi asɔ alanu na keku ɔsu, na mina kaƒɔ kébo-mi likpo na ɔ́ya na mina lɛlɔ ekpo ƒui aadu-mi. Ɔdu ɔ́ƒɔ-mi lɛlɔ kemmo ƒui, ɔsika mina bekyuli báyii udu na bebi ku bebiwɔ báƒɔ lɛlɔ bewi ɔma unengudi ɔmmɔ lɛblɔnu ƒui lɛlɔ beekpi ku kɔnyana ɔni na lɛblala liiibo.

Kɔnyana Buwulo 2:20

Unwoti! Awɔ ɔlati, bu ɔmɛni nu anii áabla bekyuli badi ulikplu ɔmɛni udu dii! Na ɔdia ka bebi beni beƒie ama alati bebi bataakun? Munuu bɔdia na ɔdia ka badu ƒula bakpane ku kenye bediene na ƒula kakpakɔ ɔtɔ kemmo?

Kɔnyana Buwulo 3:48

Báyila mina bekyuli udu! Na imii sɔɔn nda-mi anumi.

Kɔnyana Buwulo 4:3

Beƒiebuo muedi baanyuɛ bana bebi, nsu mina bekyuli bese aani aasɛ bonwu ɔdi ɔni muudie nwuna bebi atu.

Esekiel 5:10

Lɛdila lɛni na bamini bakya kenye muedi ɔdubo ubenwini lɛnungyiela geen lite bebi bati ku bebi beni ɔni na badubuti ama alati bebi muedi bakun. Na bebi lɛnɔ bakun bana bawɔne. Na bekyuli bani ndubɔlɛ ɔgbankpi ku liƒu ala ani ndubɔlɛ mɛni kemmo muedi badubo-ma bɔbɔku bugyingya bɔkya ekpo ekpo na lɛƒɛnyi ƒui lɛlɔ.

Lewiƒuɔ Ɔda Bubo 26:29

Na bɛdubɔdu bina bebi bananabi ku belekubi muedi bɛkun.