Kɔnyana Buwulo 3:64 - Katɔti Ɔku Kedee

⁶⁴ Unwoti, ƒɔ-ma lɛla biala na bábla-mi kayu!

Kɔnyana Buwulo 3:64 ပူးပေါင်းရင်းမြစ်များ

Kɔgya 28:4

Ƒɔ-ma kayu kani námanku-ma na eti ani-ma na ekpidi ani na bábla kenye.

Yeremia 11:20

Lɛ́kpali Unwoti na lívele-nwu nnini, “Unwoti Ɔyikune Ƒui, lɛla lɛni na ndia na aabla uwi ndi uwi na agyi ukyuli biala kasusu lɛnɔ. Anwuɔsu bunku-mi na edie bekyuli bamɛni kasi.”

Yeremia 15:15

Unwoti, eenú kalɛ na bekyuli benye beedumi-mi taasia kama na awɔ ɔsu. Anwuɔsu takɛ kayi ku mina bekisine lɛni. Die bana ƒui kasi asa na bakɛ-mi badu.

Yeremia 50:29

“Bikpoku Babilon amii nwuna bekisine atula bebone. Na bɛbla kakyakɔ bɛmana ɔma unengudi ɔmmɔ. Na bitaya na ɔdi biala ukeli ɔtɔlɔ. Babilon ɔ́ta na únye ɔ́siaku ami Katɔti kedee. Anwuɔsu ala ani na ɔ́bla lɛma linengudi bamba ni, amii lɛnɔ bɛbla-nwu lɛni kani.

Yeremia 51:24

“Nsu ɔƒaani ni, mina bekyuli badubunye banu uwi ɔni na muudie-mii kasi na kalɛ na bɛ́bla Sion kenye.

Yeremia 51:56

Ukisine ɔdi ɔdubo ubekpo Babilon na ɔyila-nwu udu. Na badubuƒie nwuna bekpone na baƒɛ bana ekpola, ɔsika ami ndi Katɔti ɔni muudie kadi biala bekyuli kasi na ala ani na bábla ɔsu.

Yeremia 51:6

Bɛvi bɛlɛ Babilon! Na bɛƒɔ bina lili ngba! Nsu si bɛ́ƒɔ lɛlɔ bɛkya mɛni bɔdi ni, bɛdubo bukpi si uwi ɔni na muudie ɔma ɔmmɔ kasi na mɔɔní-nwu kɔtu na nwuna ekpidi ani na ɔ́bla ɔsu.

Timoteo 2 4:14

Aleksandro ɔni ndi ɔkywɛne ɔ́bla-mi kalala geen. Na Blɔti ɔdubɔƒɔ-nwu lɛla lɛni na ɔ́bla kayu.

Budie Taatina 18:6

Amii Katɔti batu ni, bɛƒɔ-ma kayu na lɛla lɛni na bábla Katɔti kenye. Na bɛƒɔ-ma kayu kammɔ akpa anyɔ na bana ablala kenye. Ala ani na ɔma ɔmmɔ ɔ́sala aani ɔdu ala na ɔɔƒɛɛ kemmo úte bekyuli na báni ni, bɛsala ɔdu ɔmmɔ akpa anyɔ na ɔɔƒɛɛ ɔmmɔ kani kemmo na bite nwuna bekyuli na bani!

Budie Taatina 6:10

Ayu amɛni áva ku lɛdi momoomo anini, “Blɔti, ala ƒui lɛlɔ ɔdine, awɔ nse kedee na ƒula etemila lɛnɔ adi litemi geen. Uwi ɛlɛ sɔɔn na adubunye etédu asa na bekyuli bani nádu-bu na kalɔ kamɛni lɛlɔ ni, atɛku-ma litemi na ani-ma kɔtu?”