Kɔnyana Buwulo 3:46 - Katɔti Ɔku Kedee

⁴⁶ “Na bula bekisine beewida-bu.

Kɔnyana Buwulo 3:46 ပူးပေါင်းရင်းမြစ်များ

Kɔgya 22:13

Mina bekisine bébimi bana inye voo aani gyata ɔni muubó lɛdi ka babaduli-mi kɔkɛ kɔkɛ aani kalɛ na gyata ɔɔduli ebuo ɔni na úƒie.

Kɔgya 22:14

Mina ekubi ányonu lɛlɔ. Mina ɔlɔkplu ɔ́tɔlɔ na línwini aani kalɛ na beewilimi ntu teewi kalɔ. Na mina utu ɔɔyɛlɛ aani banwɛnwɛ lɛyu.

Kɔgya 79:10

Bi ɔsu na kadi bamba bekyuli beeye-bu banini, “Wɛ na bina Katɔti ɔkya?” Buuvele-ɔ bɔnii die-ma kasi na kalɛ na béwi ƒula kadi bekyuli ubugya kalɔ kalala kemmo kenye na abu ku bekyuli ƒui bɔnu.

Kɔgya 79:4

Ɔmmɔ ɔsu kadi bamba bekyuli bani na bula amadɔ ƒui balánu-bu taakya lɛla lɛdi kemmo na beedumi-bu na baamá-bu.

Israelƒuɔ Bɔlɛ 11:7

Nsu Israelƒuɔ keliekɔ aka ni, akpewe ina unwi muedi ulébo kudu na ukyuli iye ebuo ɔdi ɔsu.’ Na mmɔ na adubo bɔnu bɔti ka ami ɔni ndi Unwoti mɔɔkya kavumana Egyipteƒuɔ ku Israelƒuɔ ntɛ.

Kɔnyana Buwulo 2:16

Sion, ƒula bekisine beedumi-ɔ taama banii “Útakɛ-ɔ kaduɛ, lɛni geen na bɔɔwia ɔ́si kukuuku ka bubile-ɔ na bɔyila-a udu. Na ɔmwi limeyi lɛmɛni na bɔ́kɛ-ɔ sɔsɔ.”