Kɔnyana Buwulo 3:39 - Katɔti Ɔku Kedee

³⁹ Ka bɔmu bulie ngba ɔsu ni, utalɛ ka buteeni lɛla lɛdi si báni-bu kɔtu na bula ekpidi ɔsu.

Kɔnyana Buwulo 3:39 ပူးပေါင်းရင်းမြစ်များ

Baga 2 3:13

Amu na Elisa úye Israelƒuɔ ɔga ɔnini, “Bi na ami ku awɔ bubo bute lɛlɔ? Teesie na atánu kenye bediene bani na ƒ'ɔti ku ƒ'ini bátaanu mmɔ.” Amu na Israel ɔga údie kenye ɔnini, “Oowo! Unwoti néti bula baga ɛtɛ bamɛni ɔ́sala kalɛ na uti-bu ɔkya Moabƒuɔ ɔga enu kemmo.”

Baga 2 6:32

Ɔƒɛni ni, Elisa ulie nwuna kaduli anwu ku benengu badi asa na ɔga ɔmmɔ ɔ́tala nwuna batu na bágyu bátɔ-nwu anumi. Na asa na anwu ɔlati ɔdubɔda ɔlɛ ni, Elisa ɔ́su benengu bammɔ ɔnini, “Bilánu kalɛ na bekyuli ɔdune ɔmɛni ɔ́tala ukyuli ɔdi ka ubekulo-mi lili. Bɛnu, si nwuna ɔtalane ɔmmɔ úbo ni, na bɛkalɛ ɔtɔ ɔmmɔ bɛda-nwu na ɔtɔ ɔmmɔ uteenye lɛni. Na ɔɔɔdi anwu ɔlati lɛgba bɔnya na muunú ka lɛ́ku lɛdubo mmɔ na nwuna ɔtu ɔmmɔ kama?”

Baga 2 6:33

Na uwi ɔni na Elisa ɔmu ɔdaku bɔtɛmi kani na ɔga ɔmmɔ ɔtalane ɔmmɔ ɔ́da úbalɛ na ɔɔsu ka ɔga ɔnini, “Unwoti kudɔ na ɔgbankpi ɔmɛni ɔ́si. Na bi ɔsu na mɔɔsɔ linye ntaanu Unwoti anumi lɛnɔ?”

Esra 9:13

“Ala ani nálɛku-bu ƒui ni, ɔkɛnku bula likyulikpi ku alaekpidi bonwu ani na bɔ́bla ɔsu na úbo-nwu kemmo lɛni. Nsu awɔ bula Katɔti átani-bu kɔtu kɔni námanku bula ekpidi na áya na bula akɔ badi búbu bulie ngba.

Hiob 11:6

Na ɔsu-ɔ ka lɛnunda lɛɛɛdi unwi, na abɛla lɛnɔ akya-nwu kemmo. Ɔlɛka ɔbla-a nwaa ka bɔyiƒala muedi na Unwoti ɔ́yiƒala ƒula ekpidi adi bene.

Hiob 15:13

na livo liiƒí-ɔ na Katɔti lɛlɔ, na aatɛmiku-nwu kalɛ kalɛ na aayɔ́?

Kɔgya 107:17

Badi badi badɔlɔdi ɔ́si bana likyulikpi ala bɔbla ɔsu. Na badi lɛnɔ bana ekpidi ani baabla ɔsu beebó abi pii.

Agba 19:3

Bekyuli beebile bana ngba na bana kɔdɔlɔ ɔsu, na beeti kɔnyi taakya Unwoti.

Yesaia 51:20

Bina Unwoti Katɔti úti kɔnyi ɔ́kya-mii, na ɔkɛ ɔmmɔ ɔsu bina bebi ƒui bewi lilu lɛlɔ bávi kesii biala na kablakɔ kadi kasɔ keeebo-ma aani akwa ɔni na kakpagyuɛ kéƒie na ɔsɔ ulakana lɛlɔ bunene na abuli ammɔ kemmo.

Yeremia 10:19

Mmɔ na bekyuli bammɔ básu banini, “Bɔ́ƒɔ ɔlɛ na bukpi kani na bɔdubo bukpi. Bi náya na bɔ́su bɔnii bɔdubɔkana lɛbibo lɛmmɔ kenye bunye?

Yeremia 30:15

Anwuɔsu ɔdia-mii utulo ka bíbile kenye kpoo na bɛ́sɔ bítewulo bɛnii ɔdi ubaƒɔ-mii na bina ɔlɛ bunu kemmo.

Kɔnyana Buwulo 3:22

Unwoti uleni lɛƒɔndia bɔbla kudii! Ɔsika si ɔɔɔdi nwuna kɔnyana kɔni na ɔ́nu-bu ɔsu ni, nka bɔ́yii ku udu.

Lewiƒuɔ Ɔda Bubo 26:41

ɔsu na ami lɛnɔ lɛ́ta línye-ma lɛlɔ na líti-ma ńtákya bana bekisine kalɔ lɛlɔ, na si bana kayi kani lɛlɔ na bétekulo ekpidi bétedie mmɔ kébo kalɔ buɛɛ ku udu buni na báƒɔ bana ekpidi lili kayu ni,

Lewiƒuɔ Ɔda Bubo 26:43

Ɔsika badubɔda kalɔ kammɔ bewi na kakɛ kana bɔnwuna akwa ka basɔ balábla-ka lɛlɔ kabla kadi ɔsu. Na badubɔƒɔ bana ekpidi kayu, ɔsika béni mina ɔda bubo na bátadi mina litemi lɛlɔ.

Mika 7:9

Lɛ́bla likpidi lɛ́ƒiɔ Unwoti, anwuɔsu na lɛkana libo abi si nwuna kɔnyi kúbo-mi lɛlɔ wetédu uwi ɔni na ɔ́nu-mi kɔnyana na ɔ́sɔ ɔ́klibi ami ku-nwu ntɛ na ɔ́ƒɔ-mi. Na ngyi ka ɔdubɔsɔku-mi ubenyene mina kenyekɔ kabuni kammɔ lɛlɔ na lɛnu nwuna bukeye na udie-mi.

Bumomo Bɔka 11:11

Mmɔ na Mose ɔ́kpali Unwoti ɔnini, “Bi ɔsu na éti etila amɛni udu ásia-mi ƒula kabla ɔblane lɛlɔ lɛni? Bi na lɛ́bla-a na útayɔ-ɔ kaƒɔ ɔsu na eti bekyuli bamɛni ƒui etila asia-mi lɛlɔ?

Bumomo Bɔka 16:41

Ka kalɔ kébweli Kora badi kadi kégye kani na Israelƒuɔ ƒui báta na bákya baakya ku Mose ku Aaron unyeƒi na baasu-ma banii, “Amii nádu Unwoti bekyuli badi.”

Bumomo Bɔka 17:12

Mmɔ na Israelƒuɔ bammɔ básu Mose banini, “Bɔdubo bukpi! Bɔ́yii ɔƒɛni amu! Bula ƒui bɔyii!

Budie Taatina 16:9

Na bekyuli bákywi ɔ́si ogya liwulu kpakplaa lɛmmɔ ɔsu. Na béwida Katɔti lɛnyi, ɔsika nwuna ɔyikun ɔsu na lɛbibo lɛmɛni líbo-ma lɛlɔ. Nsu ɔmɛni kama ƒui ni, bétenwini kama bátakya bana ekpidi na bemwi Katɔti.