Kɔnyana Buwulo 3:38 - Katɔti Ɔku Kedee

³⁸ Lɛbuni lɛdi o-o likpidi lɛdi o-o ni, Katɔti Ɔyikune Ƒui muudie lɛdi asa na uubo-nwu kemmo lɛni.

Kɔnyana Buwulo 3:38 ပူးပေါင်းရင်းမြစ်များ

Samuel 2 16:10

Nsu Ɔga Dawid ɔ́su ɔnini, “Seruia bebi, bi nkɛ-mii na lɛmɛni lɛlɔ? Ɔƒɛni kalɛ Unwoti násu-nwu ɔnini, ‘Teesie na etéwida Dawid.’ Ɔma ndubɔkana na weye ɔnini, ‘Bi ɔsu na aasu lɛni?’ ”

Hiob 2:10

Mmɔ na Hiob údie kenye ɔnini, “Bi ɔsu na aatɛmi aani uleku ɔdɔlɔdi? Uwi ɔni na Unwoti úte-bu ala abuni ni, bɔ́ƒɔ-nya. Na si ɔƒaani anwu úte-bu lɛbibo ni, útalɛka bɔƒɔ ɔmmɔ lɛnɔ?” Na ɔmɛni kemmo ƒui ni, Hiob útasu lɛla lɛdi na ɔƒiɔ Unwoti.

Kɔgya 75:7

Mmomu Katɔti ɔmmɔ ɔlati ndubɔtɛ litemi na ɔkɔliku badi katɔ na uboku badi kalɔ.

Agba 29:26

Bekyuli pii baawia ka bada bana litemi bava lɛlɔ ɔdine ɔdi anumi. Nsu litemi bɔtɛ ulu siin lɛlɔ ni, Unwoti kudɔ na ɔɔsí.

Etemila 7:14

Si ala aatɛku ukyuli ɔdi ni, lɛlɔ lɛyɔ-nwu. Na si bubie na ala eebieku-nwu ni, na ulie kalɔ na uye lɛlɔ lɛla lɛni kudɔ na ɔ́si. Ɔsika Katɔti nábla alakpa anyɔ ammɔ kalɛ na ukyuli ɔsia lɛlɔ anu ka ɔɔɔgyi lɛla lɛni nsɔ ndubo bɔlɛ ɔsu.

Yesaia 45:7

Ami nédie bukeye ku lɛdisa, na ami muute kusɛ kusɛ na ɔgbankpi lɛnɔ ɔɔsiáku ukyuli. Ami Unwoti mɔɔbla ɔmɛni ƒui.

Yeremia 32:42

“Ina ka lɛ́ya na ɔgbankpi ɔ́siaku-ma ni, limeyi lɛdi lɛdubo lɛni na ndubo ala abuni amɛni ƒui bɔbla bute-ma.

Amos 3:6

Lɛlɔ lɛɛtɔ́ ukyuli biala na ɔma kemmo si bávwi kekpo lise. Na ɔgbankpi ulalɛ na ɔma ɔdi kemmo si Unwoti útatuna.