Kɔnyana Buwulo 3:25 - Katɔti Ɔku Kedee

²⁵ Ukyuli biala ɔni néti nwuna anu ɔ́sia Unwoti lɛlɔ na uunú-nwu litemi ni, Unwoti ɔɔbla-nwu lɛƒɔndia.

Kɔnyana Buwulo 3:25 ပူးပေါင်းရင်းမြစ်များ

Ala Kalɔ Buse 49:18

“O Unwoti, nnye mɔɔnu-ɔ anumi ka aƒɔ-bu ngba!

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Ala Alɛdi 2 15:2

Mmɔ kani na Asaria ɔ́ta kɔnakunwi úsie Asa kudɔ na útásu-nwu ɔnini, “Awɔ Ɔga Asa ku Yuda ku Benyamin kadi bekyuli, binu! Uwi biala na bɛɛsia Unwoti ɔda bubo anu na bɛɛdi-mu lɛlɔ na bɛɛkpá-nwu ni, ɔdubulieku-mii na ubunku-mii na uledie-mii atu na uni-mii kudii.

Ala Alɛdi 2 19:3

Nsu ɔɔɔdi ala ƒui nébie na ƒula lɛlɔ. Awɔ náƒɛ Asera baƒiɔ lɛƒiɔgyii lɛni na bálɛ na baakpá-ma na lise-ma kedee ƒui na ɔmmɔ lɛti ɔɔtina ka aayɔ́ ka ataadi Unwoti litemi lɛlɔ.”

Esra 8:22

Kɔƒa kuukpó-mi ka lɛsu ɔga ɔmmɔ na ute-mi bekpone ku bapɔnkɔ beliene na bagyumana-bu balɛku bula bekisine enu kemmo, ɔsika lɛ́su ɔga ɔmmɔ nnini, “Bula Katɔti kɔnyana bɔnu ɔdanku ukyuli biala ɔni mɔɔsia-nwu anu. Na nwuna kɔnyi kɔɔsiaku ukyuli biala menwini kama makya-nwu.”

Kɔgya 105:3

Amii bani ƒui mɔɔwia Unwoti ni, lɛlɔ lɛyɔ-mii na bimwi-nwu lɛnyi kedee na bɛkɔliku-nwu katɔ.

Kɔgya 119:2

Na lɛlɔ lɛdubɔyɔ bani ƒui mɔɔsia nwuna ɔda bubo anu na baadi-mu lɛlɔ ku bana kayi ƒui.

Kɔgya 22:26

Bawabane badubo bɔdi bumo. Na bani mɔɔwia Unwoti Katɔti ni, badubo-nwu buteemwi uwi ndi uwi na ɔdubɔtɛ ute-ma uwi ƒui.

Kɔgya 25:8

Ka Unwoti use siin na ɔdia ɔsu ni, ɔɔtina alaekpidi bablane ulu ɔni lɛlɔ na ɔlɛka basia.

Kɔgya 27:14

Kya ɔkplu na ataanu Unwoti ulu. Enu ataƒɛ-ɔ taanu-nwu anumi.

Kɔgya 27:8

Unwoti, mina kayi kaasu-mi ka lɛni lide-ɔ. Anwuɔsu na líbo-ɔ kudɔ.

Kɔgya 37:34

Taanu Unwoti anumi uwi ndi uwi na asia nwuna ulu lɛlɔ. Ɔdubɔkɔliku-ɔ katɔ na adi kalɔ kammɔ ala. Na uwi ɔni na baayila bekyuli bekpidi udu ni, adubunye anu.

Kɔgya 37:7

Kɛ bɔnwuna na Unwoti lɛlɔ na akɛ kayi na enye ataanu-nwu anumi. Kayi ketekpoku-ɔ na ala ani mɔɔtɛku ukyuli ɔdi ɔsu, iye ka ukyuli ukpidi kɔkwɛ kɔni na ɔɔkya kɔɔtɛ-nwu ɔsu.

Kɔgya 39:7

“Unwoti, bi lɛnɔ na nsɔ nsia anu ɔƒɛni? Ƒula lɛlɔ kani na mina anu asia.

Kɔgya 61:1

Katɔti, buvele, nu-mi kɔvanu na abla ete-mi kalɛ na muuvele-ɔ.

Kɔgya 61:5

Énu ala ani lɛ́kpali-ɔ líse kenye ka mabla, O Unwoti. Na kadikɔ kani na eete bekyuli bani mɔɔyia-a ni, aka na éte ami lɛnɔ.

Kɔgya 69:32

Na si bekyuli bani muubó abi na bekyuli enu kemmo bánu ɔmɛni ni, kubiti kɔdubɔda-ma.

Kɔgya 71:14

Nsu ami ni, ƒula lɛlɔ kani na ndubɔsia anu uwi ndi uwi. Na ndubumwi-ɔ libu ƒui.

Yesaia 25:9

Na limeyi lɛmmɔ lɛlɔ na bekyuli ƒui badubɔsu banini, “Sɔsɔ geen ni, bula Unwoti Katɔti ɔmmɔ na ɔdi mɛni. Anwu na bunye bɔɔnu ulu teete ka ubaƒɔ-bu. Bɛɛnu Unwoti ɔmmɔ, bɛya na lɛlɔ litaayɔ-bu na bɔkɛ ebiti geen na kalɛ na úbo ubaƒɔ ɔsu.”

Yesaia 26:9

Mɔɔwia-a kpakplaa usien umodi, na ɔtanta ni, ƒula kɔka kɔɔda mina kɔyu. Ɔsika si átɛku bayawine litemi ni, kayawi bekyuli baatɛya kalɛ na babla ƒula lɛyɔla.

Yesaia 30:18

Unwoti Katɔti ɔɔyɔ́ geen ka ɔnu-mi kɔnyana ku lɛƒɔndia, ɔsika Unwoti ɔdi Katɔti ɔni mɔɔtɛ litemi na ulu siin lɛlɔ. Na bekyuli bani ƒui muunye taanu-nwu anumi ni, uute-ma kusɛ kusɛ.

Yesaia 40:31

Nsu bani néti bana anu básia Unwoti lɛlɔ ni, bana ɔyikun ɔdubɔsɔ ɔbla ɔwɔdi. Na bana ɔyikun ɔdubuse aani kalɛ na kɔdigbo aasɛ uuveyi taavi kayaa. Na badubo usi bukeli na balanɔ bukeli. Na badubusie lɛgba na lɛgba lilakpulu-ma.

Yesaia 55:6

Bɛwia Unwoti ɔƒɛni, ɔsika bɛdubɔkana na bɛnu-nwu. Na bɛkpali-nwu, ɔsika ude-mii na ɔdubunu-mii bɔkpali.

Yesaia 64:4

Na ɔ́si bati kuuku uwi ƒui ni, ukyuli biala útenu ku nwuna kɔtu iye ɔnu ku nwuna lɛnumi ka Unwoti bamba ɔdi ɔkya aani ƒula kalɛ na uukpó teete bekyuli bani na béti bana anu ƒui básia-nwu lɛlɔ lɛni.

Kɔnyana Buwulo 3:26

Ɔdia geen ka bɔkɛ kayi na bunye butaanu Unwoti anumi na udie-bu.

Hosea 10:12

Anwuɔsu lɛ́su-ma nnii, ‘Biteegulu kalɔ na bɛgya edula buni ulu lɛlɔ siin na bɛƒɛ kɔnyana bɔnu ebi. Ɔsika uwi údu ka bɛkya lili kalɔ bite ami, bina Unwoti. Na ndubɔya na bɛnu kalɛ na mbo ɔyikun na mɔɔƒɔ́ bekyuli aani kalɛ na ɔnantu ɔɔna teewi kalɔ lɛlɔ.’

Seƒania 3:8

Unwoti ɔnini, “Amii bɛsɔ binye, limeyi lɛni na ndubo amii kadi bekyuli ƒui kɔtɔ bɔdu lɛdubo. Lɛ́ɛlɛ limeyi lɛdi ugyii líse ɔni na ndubo bina kadi bekyuli ku lɛga kɔdikɔ ƒui bɔsala na lɛni-mii kɔtu kaduɛ na mina kɔnyi kpakplaa kemmo. Na kɔnyi kɔmmɔ kɔdubɔkɔ-mi katɔ útédu ka lɛkyula kalɔ kammɔ ƒui.

Tesalonikaƒuɔ 1 1:10

Na binye bɛgya Ubidi Yesu ɔni na ɔ́gyila ɔ́lɛku bekpine akɔ, na úbo uli ngba ku Katɔti, na ɔsɔ ɔdubɔsi Katɔ Ɔga Ɔma mmɔ ubo. Yesu ɔmɛni kani ndubɔkana na ɔƒɔ-bu ɔlɛku kɔtu bɔni bɔni na Katɔti ɔdubute ekpidi bablane ƒui kemmo.

Yakobo 5:7

Banwa, kalɛ na umonsene ɔɔkɛ́ kayi teete kaƒendi ɔnantu ku ketudi ɔnantu ute nwuna edula ani na ɔ́va bɔdia ɔsu ni, lɛni kani na ɔlɛka bɛkɛ kayi utédu uwi ɔni na Blɔti wasɔ webo.