Kɔnyana Buwulo 3:24 - Katɔti Ɔku Kedee

²⁴ Na mina kayi ɔkwalɛ kemmo ƒui ni, mɔɔsu lɛlɔ geen nnini, “Unwoti kani ndi ukyuli ɔni mɔɔwia. Na nwuna lɛlɔ kani na ndubukpo kama!”

Kɔnyana Buwulo 3:24 ပူးပေါင်းရင်းမြစ်များ

Ala Alɛdi 1 5:20

Na béti bana anu básia Katɔti lɛlɔ. Na bákpali-nwu ka ute-ma kebunku. Na Katɔti lɛnɔ únu-ma bɔkpali. Na békpo bádi Hagarƒuɔ bammɔ ku bakladi bammɔ lɛlɔ.

Hiob 13:15

Ina bɔdu na ɔnii wadu-mi muedi ni, nwuna lɛlɔ kani na mina anu asia. Na anwu na ndubudie ala ani muukpóku-mi lɛsu.

Hiob 22:25

Na aya na Katɔti Ɔyikune Ƒui unwini ƒula sika ugyiedi ku ɔƒualadi ɔni náƒɔ kuye geen ute-ɔ.

Kɔgya 119:57

Unwoti, awɔ ndi mina kese. Na mɔɔsu kpakplaa ka ndubɔdi ƒula litemi lɛlɔ.

Kɔgya 130:7

Israel kadi bekyuli ƒui, biti bina anu bɛsia Unwoti lɛlɔ. Ɔsika Unwoti kani mbo lɛƒɔndia uwi ndi uwi, na ɔɔƒɔ́ ukyuli ngba.

Kɔgya 142:5

Lɛ́kpali awɔ, mina Unwoti Katɔti, na lɛ́su-ɔ nnini, “Awɔ ndi mina katamikukɔ. Na awɔ kani mɔɔwia na mina ngba ƒui kemmo.

Kɔgya 16:5

Awɔ kani némo-mi, ɔsika awɔ ndi mina kadikɔ. Na eete-mi kusɛ kusɛ na eete-mi ala ani mɔɔwia na aada-mi kɔkɔɔkɔ.

Kɔgya 31:24

Ɔmmɔ ɔsu amii bani ƒui néti anu bɛ́sia Unwoti lɛlɔ ni, bise kayi na bɛkya ɔkplu.

Kɔgya 33:18

Nsu Unwoti anumi asia bekyuli bani ƒui mɔɔbu-nwu na bana anu asia nwuna bɔyɔ bɔni naaavumana kudii lɛlɔ.

Kɔgya 42:11

Bi ɔsu na naaakɛ́ bɔnwuna na mina lɛlɔ ƒui kemmo na enu-mi lɛni? Ndubuti mina anu lɛsia Katɔti lɛlɔ na lɛsɔ limwi-nwu, ɔsika anwu ndi mina Ɔƒɔne ku mina Katɔti.

Kɔgya 42:5

Bi ɔsu na naaakɛ́ bɔnwuna na mina lɛlɔ ƒui kemmo na enu áƒɛ-mi lɛni? Líti mina anu lɛ́sia-a lɛlɔ. Na ngyi ka nsɔ ndubo awɔ mina Ɔƒɔne ku mina Katɔti bumwi lɛnɔ, ɔsika awɔ muubunku-mi.

Kɔgya 43:5

Bi ɔsu na naaakɛ́ bɔnwuna na mina lɛlɔ ƒui kemmo na enu áƒɛ-mi lɛni? Ndubuti mina anu lɛsia Katɔti lɛlɔ, ɔsika ɔdubɔya na lɛsɔ limwi-nwu aani mina Katɔti ku mina Ɔƒɔne kalɛ.

Kɔgya 62:8

Amii bekyuli ƒui, biti bina kayi ƒui bɛsia Katɔti lɛlɔ uwi biala. Na biteevele-nwu ala ani ƒui na bɛɛyaki. Ɔsika Katɔti ɔdi katamikukɔ.

Kɔgya 71:14

Nsu ami ni, ƒula lɛlɔ kani na ndubɔsia anu uwi ndi uwi. Na ndubumwi-ɔ libu ƒui.

Kɔgya 73:26

Mina kasusu ku ɔlɔna ɔdubɔyuɛ, nsu Katɔti ndi mina ɔyikun na anwu kani ndi lɛla lɛni na mɔɔwia uwi ƒui.

Kɔgya 84:12

O Unwoti Ɔyikune Ƒui, ukyuli ɔni mbo lɛnunsia na ƒula lɛlɔ ni, anwu na lɛlɔ lɛdubo bɔyɔ.

Kɔgya 94:19

Uwi ɔni na ala étulo-mi na kayi kaakpulu-mi ni, awɔ násia-mi kɔnu na mina kayi kákɛ ebiti.

Yeremia 10:16

Nsu awɔ Israel Katɔti ni, eeese lɛni, awɔ nédie ala ƒui na áƒuna Israel kadi bekyuli na badi awɔ badi geen. Ƒula lɛnyi ndi Unwoti Ɔyikune Ƒui.

Yeremia 51:19

Nsu awɔ Israel Katɔti ni, eeese lɛni. Awɔ nédie ala ƒui na áƒuna Israel kadi bekyuli na badi awɔ badi geen. Ƒula lɛnyi ndi Unwoti Ɔyikune Ƒui.

Kɔnyana Buwulo 3:21

Nsu muunyimo lɛla linwi lɛni mɔɔyá na nsɔ mɔɔkɛ́ kayi.

Mika 7:7

Nsu mina anu ƒui asia Unwoti Katɔti lɛlɔ ka ɔƒɔ-mi ngba, na anwu kani na ndubunye ntaanu ulu teete ka unu-mi bɔkpali na ubunku-mi.

Romaƒuɔ 15:12

Yesaia lɛnɔ ɔ́sɔ únweni ɔnini, “Yese kugyii ugyiitu ɔdubɔta. Na ɔdi ukyuli ɔni ndubɔta na ɔdi kadi ƒui bekyuli lɛlɔ. Na bekyuli bani naaadi Yudaƒuɔ ƒui badubɔkɛ lɛnunsia na nwuna lɛlɔ.”

Lɛkpa Ulu 18:2

Na Lewiƒuɔ bamɛni beeebo kuƒi ka bakɛ kalɔ kadi bete lɛlɔ aani kalɛ na adua bakladi bekyuli bebo kalɛ. Bana kɔsia kani ndi ka badi bakpane bete Unwoti aani kalɛ na anwu Unwoti úse kenye úse.

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Samuel 1 30:6

Na kayi kébo kaakpulu Dawid geen, ɔsika nwuna bekpone bammɔ baasu ka badububo-nwu atabi na livoƒi ku ɔƒɛ ɔni mɔɔdá-ma na bana bebi bananabi ku belekubi ɔsu. Nsu ɔ́kɛ ɔyikun ɔ́siku Unwoti, nwuna Katɔti kudɔ.