Kɔnyana Buwulo 3:23 - Katɔti Ɔku Kedee

²³ Unwoti ɔdi ukyuli ɔni lɛlɔ na basia anu ka ɔdubɔnu-bu kɔnyana ɔtanta biala.

Kɔnyana Buwulo 3:23 ပူးပေါင်းရင်းမြစ်များ

Kɔgya 146:6

Anwu nédie kalɔ kammɔ ƒui ku ɛpu ku ala ani ƒui nkya-nya kemmo, na ɔɔdi nwuna litemi lɛlɔ uwi biala.

Kɔgya 30:5

Uléti kɔnyi taakya ukyuli uwi gyɔlɔɔ. Mmomu nwuna lɛƒɔndia lise lísela uwi ƒui. Si ina keku sɔɔn na buuwulo usien umodi ni, lɛlɔ lɛdubɔyɔ-bu ɔtanta.

Kɔgya 36:5

Unwoti, ƒula bɔyɔ bɔni naaavumana kudii ku kalɛ na aadi ƒula litemi lɛlɔ ulu lɛlɔ úbomo geen aani kalɛ na bɔɔnu kalɛ na kayaa kébomo.

Kɔgya 36:6

Kalɛ na ese siin ɔ́da lidu kalɔ utulo abi ani nnye na bɔɔnu. Na kalɛ na aatɛ litemi taasiaku ulu lɛlɔ utulo kalɛ na ɛpu kemmo kágyu. Na awɔ kani mɔɔnu bekyuli ku bebuo ƒui lɛlɔ.

Kɔgya 89:33

Nsu lɛɛɛdubo-ma bɔda bɔyɔ bɔya na lɛɛɛdubo mina litemi kama bɔlɛ lɛnɔ kudii.

Israelƒuɔ Bɔlɛ 34:6

Amu na Unwoti úsie ɔ́vi Mose anumi na ɔ́su-nwu ɔnini, “Ami Unwoti ndi Katɔti ɔni mɔɔnu kɔnyana, na mɔɔbla lɛƒɔndia uwi ƒui, na neeeti kɔnyi pla pla. Mmomu mɔɔyɔ́ mina bekyuli na mɔɔbla ala ulu lɛlɔ teete-ma.

Yesaia 33:2

Unwoti, buvele na bɔda-a, tina-bu ƒula lɛƒɔndia! Ƒula lɛlɔ na bɔsia anu. Ya na bɔkɛ ɔyikun ɔtanta biala, na ebo na ebedie-bu si uwi ɔni na búduo ɔgbankpi kemmo.

Seƒania 3:5

Alaekpidi bablane bammɔ basɔ baaagyi kɔƒa, nsu Unwoti ɔɔbla ala siin uwi biala. Na ɔɔnu ka kadi biala negye ni, ɔɔtɛ litemi ulu lɛlɔ siin.

Tito 1:2

Ulu ɔmɛni ndanku ngba ƒui lɛnunsia lɛni bɔƒɔtaadi na bubo lɛlɔ. Na Katɔti ɔni naaanyi ɔkɔ ɔlati nése-bu kenye kamɛni úse asa na údie kayawi.

Hebriƒuɔ 10:23

Na bɛya na bunye bɔƒɔtaadi bɔni kenye na buudie lɛlɔ kpakplaa. Ɔsika ukyuli ɔni nése-bu kenye kammɔ ni, ɔɔbla ala ulu lɛlɔ.

Hebriƒuɔ 6:18

Katɔti ɔ́bla ɔmɛni ɔkɛnku alakpa anyɔ ani naaavumana lɛlɔ. Na Katɔti lɛnɔ ulakana ɔkɔ bɔnyi. Na ɔmɛni ɔdubɔya na abu bani nékeli bɔ́tamiku-nwu ni, enu alaƒɛ-bu na lɛnunsia lɛni na úti ɔ́kya-bu lɛlɔ kemmo ɔsu.