Kɔnyana Buwulo 3:2 - Katɔti Ɔku Kedee

² Na ɔ́bɔku-mi útákya kesii kani na bukeye bɔdi bulakana buduo.

Kɔnyana Buwulo 3:2 ပူးပေါင်းရင်းမြစ်များ

Hiob 18:18

Badubo-nwu bɔbɔku bɔlɛku bukeye kemmo butákya kasuudikɔ, na bayila-nwu udu kede kede na kayawi.

Hiob 30:26

Nsu ka ami muuvele kebunku na lɛkɛ bɔnwuna ni, ɔgbankpi kani na lɛ́siaku na ɔƒɛ ɔ́sa ɔ́kya-mi na mina ulu lɛlɔ.

Yesaia 59:9

Ka bénu ala amɛni ni, básu banini, “Ukyuli biala útebo ɔnii ubekpo ute-bu iye ubatɛ bula etemila ute-bu na ulu siin lɛlɔ. Nka bula anu asia bukeye nwaa lɛlɔ, nsu lɛdisa kemmo na bɔkɛ susuusu.

Yeremia 13:16

Binye bɛɛsia bukeye anu, nsu lɛdisa na Unwoti úti uumene-mii. Bɛɛnu ka ɔyuli kɔyu kɔ́ɔƒɔ abi ammɔ lɛlɔ suu ɔdubo. Anwuɔsu binwini bibo Katɔti kudɔ na bidie bina alaekpidi kalɔ bite-nwu asa na bigyiile bibuli.

Yeremia 4:23

Ɔmɛni kama ni, lɛ́nu lɛ́mana kalɔ kammɔ ƒui lɛlɔ na lɛ́nu ka kese ƒue, na alanu ngba lɛla lɛdi na kesii kadi. Ɔƒɛ ku kɔbuli ku ayabi ƒui áyii.

Kɔnyana Buwulo 2:1

Unwoti úti kɔnyi! Anwuɔsu na ɔ́kya Sion kɔƒa. Na nwuna kɔnyi kemmo ni, úbo Sion ɔni ndi Israel bukeye ɔ́va kalɔ. Na ɔ́sɔ úteti mmɔ ka ɔdi nwuna lɛgba kanyakɔ.

Lɛkpa Ulu 28:29

Na ɔƒiiwi bɛduti bina enu bitaawia ala taanɔ aani banumbwɛne kalɛ. Na lɛla biala bɛdubɔbla limeyi ndi limeyi ni, lilatɛ lilete-mii. Bɛdubo abi bubo na bekyuli beteekpeli bina ala taaƒɔ, nsu ukyuli biala uuubo na ukpo ute-mii.

Yuda 1:13

Bese aani ɛpu ntu bɔni mɔɔnwanɛ lɛlɔ ku avlɔvɔ. Bana kɔƒa ala na bada baatina lɛlɔ aani kalɛ na avlɔvɔ aata. Na bese aani ayabi ani mɔɔkpa na kayaa na aayii. Bekyuli bamɛni udu geen na Katɔti ɔ́klibi kasuudikɔ kammɔ úse ka uti-ma ɔkya mmɔ uwi ƒui.

Yuda 1:6

Na Katɔti batu bani nátakana na benye bana kenyekɔ na ɔyikun ɔni na Katɔti úte-ma kenye ni, Katɔti úbo-ma kɔgba ɔ́kya kasuudikɔ wetédu limeyi lɛni na watɛku-ma litemi na limeyi likplodi lɛmmɔ lɛlɔ.