13 na áƒuaala-mi kayi álɛ.
Na buse na atabi ani na béƒwimi na kavwinvwi kemmo bálɛ-nwu ese aani kamu ligyɔ. Na kebweyi kammɔ geen ni, kalayia lɛtula biala.
Unwoti úbo nwuna atula ɔ́lɛ-mi, na ugyulo ɔmmɔ ɔkɛ ɔ́vi-mi lɛlɔ kemmo ƒui. Na nwuna liƒu akɔla budie taatina bonwu enye-mi anumi aani bekpone.
Bekpone na bana ƒui badi na bana atula adanku kukpi.
Úbo nwuna kɔtaminta atula ɔ́lɛ-nwu aani ukisine kalɛ. Na ɔ́du nwuna bayɔne, na ɔ́kyula kɔduli kɔni ƒui nkya Sion Kɔbi lɛlɔ.
Ndubɔya na ɔgbankpi ɔni kenye naaadubo bɔyɔ kudii ubo-ma lɛlɔ aani kalɛ na baata kataminta.
