Kɔnyana Buwulo 3:11 - Katɔti Ɔku Kedee

¹¹ Na ɔ́tu úbada-mi, na ɔ́ni-mi ɔtɔlɔku ulu lɛlɔ útáduli-mi kɔkɛ kɔkɛ.

Kɔnyana Buwulo 3:11 ပူးပေါင်းရင်းမြစ်များ

Hiob 16:7

O Unwoti, áya na mina ɔyikun ɔ́sa na lɛ́bla kpɛtɛ kpɛtɛ, na áyila mina kaduli bekyuli ƒui udu.

Kɔgya 143:4

Ɔmmɔ ɔsu enu adaku-mi bɔƒɛ na nsɔ liiibo lɛnunsia lɛdi.

Kɔgya 50:22

Bɛkali ala amɛni lɛlɔ bɛnu kaduɛ amii bani náyiƒala-mi. Si ɔɔɔdi lɛni ni, ndubo-mii udu bɔyila ɔni na ɔdi ulakana-mii bɔƒɔ.

Yesaia 3:26

Na Yerusalem lɛban kenye ƒui lɛdubuse aani bekyuli bani néduo kɔnyana, na beewulo bani nékpi. Na ɔma umodi ɔmmɔ ɔdubɔbla aani uleku ɔni náyu uwi kalɔkplu na ɔsɔ uuubo lɛla lɛla.

Yeremia 15:3

“Ndubo-mi kɔtu bɔni na lilu ine bun bun lɛlɔ. Badubo-mii bɔdu na kekpokɔ na bakpewe bani bina ɔlɔna ukpine batɔlɔku. Na baasɛ baduli-mii lɛna bebweli. Na bakumbweyi bababwɛ-mii ekubi.

Yeremia 19:8

Ndubɔya na ɔma unengudi ɔmmɔ únwini aani kebu alakpi ku lɛmala na ɔbla bekyuli bammɔ kalɛ kadi na ukyuli biala ɔni násia mmɔ ɔɔví ɔpii-mii na udumi-mii lɛnɔ na bina ɔgbankpi ɔsu.

Yeremia 32:43

“Yeremia, uwi ɔni na éye kalɔ kammɔ ni, ɔ́tina ka limeyi lɛdi lɛdubo ɔni na basɔ badubɔkana na beye kɔlɔ bete lɛlɔ. Aasu anii bádi kalɔ kamɛni lɛlɔ na bekyuli ku bebuo ƒui bása-ka lɛlɔ na kenwini ketele kalɔ kakwiidi.

Yeremia 5:6

Bekyuli bammɔ báta bénye Unwoti lɛlɔ na béni-nwu kɔlɛ kɔlɛ na ɔ́ɔvi ntu. Anwuɔsu bekisine badubo bebekpo-ma aani bagyata bani nálɛ bási lɛku kemmo iye beƒukutu bani nási kalɔ kakwiidi kemmo. Bekisine bammɔ badubunye bataasia Yuda lɛma lɛmmɔ anu na ɔdi biala masu ɔnii ɔɔlɛ́ usie kesii kadi ni, na bani-nwu babwɛ aani bebuoƒuala.”

Yeremia 6:8

Amii Yerusalem ku Yudaƒuɔ, bise atu na binu, ndubo-mii atu budie na bina kalɔ kenwini kalɔ kakwiidi na kasɔ kewi ukpludi.

Kɔnyana Buwulo 1:13

“Áya na ogya ɔ́si katɔ úbo na ɔɔkyula-mi teeduo-mi ekubi kemmo. Ákywɛ-mi kakpagyuɛ, na nsɔ naaakɛ́ kavikɔ. Na áya na ɔtɔtɔ ɔɔgyú-mi limeyi limodi na ɔlɛ ɔni na muunú uwi biala ɔsu.

Kɔnyana Buwulo 3:10

Na ɔɔtú-mi aani kalɛ na gyata uubi ulu lɛlɔ taatu ebuo ɔni na uƒie.

Daniel 7:23

Mmɔ na ukyuli ɔni nnye mmɔ ɔ́su-mi ɔnini, “Kebweyi kenedi kammɔ ndi lɛga kadikɔ kenedi kani ndubo kalɔ kammɔ lɛlɔ bɔkya na ɔdubo bɔvumana ku lɛga kɔdikɔ kɔni néebo kúbavi ƒui. Anwu ɔdubo busie bɔvi kalɔ kammɔ ƒui lɛlɔ na utu-ka ugyingya kpɛtɛ kpɛtɛ.

Hosea 6:1

Ɔmmɔ kama ni, Israel kadi bekyuli bammɔ básu banini, “Bɛya na bɔsɔ bunwini busie Unwoti Katɔti kudɔ. Anwu nébo-bu ɔ́kya ɔlɛ, nsu anwu kani ndubo-bu bɔbwi. Ɔ́ya na bɔ́ƒɔ lɛlɛ, nsu ɔdubo-ni bunyimi bute-bu na likpi ƒui.

Mika 5:8

Ɔƒaani ni, bekyuli négyingya-ma bákya kalɔ ekpo ekpo ƒui. Nsu kama ni, badubɔta na bekpo bana bekisine aani kalɛ na gyata ɔni néti kɔnyi geen ɔɔta teetéƒie koƒonu. Na begyingya bana bekisine bammɔ kɔkɛ kɔkɛ ɔni na ukyuli ɔdi ulakana-ma bɔƒɔ.

Mateo 23:38

Ɔmɛni ɔsu ni, Katɔti ɔdubudie ɔma ɔmɛni atu na ɔyii udu.

Budie Taatina 18:19

Amu na béti enu béwi lili na béwulo kɔnyana geen na básu banini, “ ‘Bɔbuɛ, bɔbuɛ na buute ɔma unengudi ɔmɛni. Kesii kani na bekyuli bani mbo lɛkɔlɔ bonwu na beesiénku-ni ntu anumi bákɛ bana lɛkɛ! Ɔdɔ bubo unwi kemmo kani ni, lɛla biala líbie!