Kɔnyana Buwulo 2:9 - Katɔti Ɔku Kedee

⁹ Sion lɛban kɔyakun ƒui kɔ́ƒɛ kúbi anumi kalɔ, na abuala ani mɔɔbala kɔyakun kɔmmɔ kenye ƒui kɔ́ƒɛ eku eku. Na nwuna baga ku bagadine bammɔ ƒui bénwini bekyuli beƒiedi na bakya kɔlɔ bamba kemmo. Nwuna bakpane basɔ balátina ala, na nwuna kenye bediene bammɔ lɛnɔ basɔ balakɛ linyesia lɛdi taasiku Unwoti kudɔ.

Kɔnyana Buwulo 2:9 ပူးပေါင်းရင်းမြစ်များ

Baga 2 25:7

Bádu Sedekia bebi bananabi uwi ɔni na anwu ɔlati unye ɔɔnu. Na bátu-nwu anumi bédie evuo kemmo na bákya-nwu ɔbuli báni-nwu bésienku Babilon.

Ala Alɛdi 2 15:3

“Ɔsika uwi gyɔlɔɔ ɔdi mɛni ni, Israelƒuɔ béni na basɔ balakpa Katɔti geen ɔmmɔ na iye benu bakpane bani na nka badubɔkana na batina-ma ala basiku Katɔti ɔmmɔ lɛlɔ. Na béni na baladi Unwoti ɔda bubo lɛlɔ.

Nehemia 1:3

Amu na bédie kenye ka bani nébu na bátakana-ma buƒie mmɔ bakya lɛbibo ku kɔƒa bonwu kɔdi kemmo geen. Ɔsika Yerusalem awodu ani na áka ámana ɔma ɔmmɔ ƒui áƒɛ éwi kalɔ. Na bákyula ana kɔyakun lɛnɔ.

Kɔgya 74:9

Na bɔsɔ bulánu akɔla ala budie taatina adi, na ƒula kenye bediene badi lɛnɔ basɔ beeebo. Na bula akɔ ɔdi ɔɔɔgyi uwi ɛlɛ ɔni na ɔmɛni ɔdubuse lɛni utédu.

Yesaia 24:12

Na lɛla biala líbie lɛ́yii udu na ɔma umodi ɔmmɔ kemmo na bétu kɔyakun kɔmmɔ ƒui bégyingya na bébile ala ƒui.

Yeremia 14:14

Mmɔ na Unwoti údie kenye ɔnini, “Ama alati mɔɔsu taatina ka ami mina kenye na beedie, nsu ɔkɔ na baanyi! Ɔsika ńtasu-ma lɛla lɛdi muedi útédu ka mɔɔƒuna-ma nnii benwini mina kenye bediene. Kenye kani baasu kási ana ekpludi ani na beegyé ku like lɛni na beebó ku ama alati ala ani na baakali taanu kemmo.

Yeremia 23:16

Unwoti ɔ́su bekyuli bammɔ ɔnini, “Amii Yudaƒuɔ! Bitenu ɔkɔ kenye bediene bamɛni ɔkɔ etemila ani na baasu. Ɔsika ama alati bana kasusu kani na belie beeti etemila na adi na ɔɔɔdi ami Unwoti Ɔyikune Ƒui kudɔ na ási.

Yeremia 39:2

Na kɔbuli kunedi limeyi yaalenwidi na lɛkwa leevu-unwidi kemmo ka Sedekia ɔɔdi lɛga ni, bábwɛ awodu ammɔ na báda bálɛ-ma lɛlɔ.

Yeremia 39:8

Na uwi ɔmmɔ kemmo ƒui ni, na Babilonƒuɔ bekpone báakyula kɔduli kɔni nkya Yerusalem ƒui úbunku ɔga kesii lɛtɔ lɛmmɔ ƒui. Na báƒɛ ɔma unengudi awodu ammɔ ƒui béwi kalɔ.

Yeremia 51:30

Babilonƒuɔ bekpone báyila bana ɔyikun ku ɔtɔtɔ na báƒɔ lɛlɔ bakya bana kagyumanakɔ lɛtɔ kemmo na balakana na bekpo uwi ɔni na bana bekisine baabwɛ bana ɔma awodu taasia ɔban kenye teeduo-ma lɛlɔ na baatu ogya taakya bana kɔduli.

Yeremia 52:14

Na Nebusaradan ɔmɛni ɔ́kpanku Babilonƒuɔ bekpone ƒui na bátáƒɛ Yerusalem awodu ɔba.

Kɔnyana Buwulo 1:3

Kekpo kéƒie Yuda kátɔlɔku késinku kalɔ bamba, na únwini bekyuli bamba kabla ɔblane ku lɛbibo. Kadi bamba bekyuli akɔ na ɔkya na útakɛ kanwunakɔ kadi. Na bekyuli bani nsia beekpóku-nwu báavi báda-nwu na kesii kani na úmii ɔkya.

Kɔnyana Buwulo 4:15

Mmomu bekyuli ƒui baava taabɔku-ma banini, “Bɛgyu-bu lɛlɔ mɛni biteesie, na bitetuku-bu! Ɔsika biisé lɛlɔ, na bítamanku ka amii lɛnɔ bɛbla Katɔti bekyuli akɔ badi.” Ɔmmɔ ɔsu ɔlɛka batɔlɔ mmɔ na beténwini baƒɔ na kalɔ bamba. Nsu mmɔ lɛnɔ ni, kalɔ kammɔ bekyuli básu-ma banini, “Bilakana bula kalɔ mɛni lɛnɔ bulie!”

Kɔnyana Buwulo 4:20

Ɔtɔnkune ɔni na Unwoti ɔ́ƒuna úte-bu kani nsɔ ndi-bu lɛnunsia ka anwu ndubɔƒɔ ute-bu na bɔkɛ keliekɔ kadi na kadi bamba bekyuli bammɔ akɔ, nsu anwu muedi bana kɔkpagyuɛ kɔmmɔ kɔdi kani nédie anwu lɛnɔ.

Esekiel 12:13

Unwoti ɔla ndubo nwuna asawu bubo na udie-nwu uwi ɔni na ɔ́si ɔɔlɛ́ Yerusalem ɔma kemmo. Na ɔmmɔ kama na bakpanku-nwu besienku Babilon, nsu ɔɔɔdubo mmɔ bɔnu ku nwuna anumi kudii.

Esekiel 17:20

Ndubo-nwu kakpagyuɛ kadi bɔkywɛɛ na lidie-nwu. Na ndubɔni-nwu lisienku Babilon na bani-nwu kɔtu, ɔsika ɔ́lɛmi kama na útasiaku-mi kama siin.

Esekiel 7:26

Ɔgbankpi ɔdubo butaalɛ taasia kama na biteenu kenye kekpidi uwi ndi uwi. Na bekyuli badubusie kenye bediene kudɔ betéye-ma si mbo kenye kadi ntɛ-ma. Bakpane badubo mina ɔda bubo bɔtina bɔda bɔya. Na batɔnkune basɔ baaadubo kasusu kadi bɔkɛ butaakya bekyuli.

Hosea 11:6

Ɔlɛka bekpone bekpoku-ma na bana lɛma linengudi kemmo na begyingya bana lɛma lɛban kɔyakun ƒui. Lɛni na ɔdubɔlɛku mina kadi bekyuli, ɔsika lɛla lɛni na ama bánu ka lɛdia-ma ni, ani na baabla.

Hosea 3:4

Lɛni kani na uwi ɔdubo butu asa na Israel kadi bekyuli basɔ bakɛ ɔga iye asa na basɔ babla akpala na Katɔti kakpakɔ iye Katɔti ɔtina-ma ulu ɔni lɛlɔ na basia babla lɛla lɛdi.

Amos 1:5

Na ndubɔƒɛ Damasko ɔma ɔban kayakun lɛbuala lɛni baabala-ka. Na lɛyila Awen Kɔwɛ bekyuli udu ku Bet-Eden ɔga. Na ndubɔya na bekpo na beƒie Siriaƒuɔ ƒui batɔlɔku besienku Kir kalɔ lɛlɔ. Ami Unwoti násu.”

Lɛkpa Ulu 28:36

Na Unwoti ɔdubɔya na bekyuli bani naaadi Israelƒuɔ beƒie amii ku bina ɔga batɔlɔku besienku kalɔ bamba lɛlɔ kesii kani na amii iye bina bati kuuku bételie kudii na bitélie mmɔ. Na mmɔ na bɛdubɔkpa baƒiɔ bani béti ligyii ku atabi bánwi.

Lɛkpa Ulu 28:63

Kalɛ kani na ɔ́yɔ Unwoti kaƒɔ na ɔbla-mii lɛƒɔndia na bímomo bíbu ni, lɛni kani na ɔdubɔyɔ-nwu kaƒɔ ka ɔyila-mii udu na bina lɛma lɛbla kuliekɔ kukpludi. Na ɔda-mii udie kalɔ kani na nka bísela bitéti binwini bina kadikɔ na bilie mmɔ lɛlɔ.

Samuel 1 28:6

Anwuɔsu úye Unwoti lɛla lɛni na ɔlɛka ɔbla, nsu Unwoti útakpete-nwu na udie lɛla lɛdi ɔtina-nwu na kɔna kemmo iye ɔsia ɔkpane ɔdi lɛlɔ iye kenye udiene ɔdi lɛlɔ na ɔsu-nwu lɛla lɛdi.