Kɔnyana Buwulo 2:7 - Katɔti Ɔku Kedee

⁷ Unwoti údie nwuna lɛkpabi ku kakpakɔ kammɔ ƒui atu, na ɔ́ya na Sion bekisine bábaƒɛ awodu ku libili lɛmmɔ ƒui. Lɛsɛ ku kɔvanu kɔku kani na eenú yoo taasiku kakpakɔ kammɔ kemmo aani si limeyi lɛdi na baadi.

Kɔnyana Buwulo 2:7 ပူးပေါင်းရင်းမြစ်များ

Baga 2 25:9

Unengu ɔmɛni ɔ́kyula Katɔti kakpakɔ kammɔ na ɔ́kyula ɔga kesii ku lɛtɔ linengudi lɛni náƒɔ lɛnyi mmɔ ƒui ku bekyuli kɔduli lɛnɔ.

Ala Alɛdi 2 36:19

Ɔmmɔ kama bátu ogya bákya Katɔti kakpakɔ kammɔ na báƒɛ Yerusalem awodu ammɔ béwi kalɔ, na bákyula baga kesii kammɔ ƒui na bébile ala ani náƒɔ kuye mmɔ ƒui.

Kɔgya 89:39

Ébile lɛla lɛni na ényimiku-nwu na átu-nwu lɛga lɛmmɔ na ɔsɔ uuubo ɔyikun ɔdi na ƒula anumi.

Yesaia 64:9

Unwoti, teti kɔnyi takya-bu tetulo kalɛ na ɔ́manku. Na sɔ tenyimo bula ekpidi eteesienku ƒui. Mmomu ni, Ati, bɔɔkpali-ɔ ka anu-bu kɔnyana, ɔsika awɔ ɔdi kani na bula ƒui bɔdi.

Yeremia 26:18

“Kuuku uwi ɔni kemmo na Hesekia útaadi lɛga na Yuda kalɔ lɛlɔ ni, Katɔti kenye udiene ɔdi baalɔ banii Mika ɔ́kya na ɔ́si ɔma ɔnii baalɔ banii Moreset kemmo. Anwu násu ɔnini, ‘Ami Unwoti Katɔti Ɔyikune Ƒui mɔɔsu ka bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.’ ”

Yeremia 26:6

ndubo kakpakɔ kamɛni bɔbwɛ aani kalɛ na lɛ́bwɛ Siloa ɔma. Mmɔ mina kevo kedee kénye dii. Na Yerusalem ɔdubunwini kesii kani na ukyuli biala ɔdubɔkpali uwida ɔnii ɔdubɔlɛku-ɔ aani Yerusalem.’ ”

Yeremia 32:29

Na Babilonƒuɔ bekpone báata kekpo sɔsɔ na badubo ɔma ɔmmɔ bɔbwɛ na batu ogya bakya-nwu. Yerusalemƒuɔ bákya-mi kɔnyi geen na uwi ɔni na bákɔ bésie bana asa eli bátakyula oloƒui béte Baal baƒiɔ na beewi ntɛ kalɔ teete baƒiɔ bamba. Ndubo bɔya na bakyula lɛtɔ lɛmmɔ bewi kalɔ ɔƒaani!

Yeremia 39:8

Na uwi ɔmmɔ kemmo ƒui ni, na Babilonƒuɔ bekpone báakyula kɔduli kɔni nkya Yerusalem ƒui úbunku ɔga kesii lɛtɔ lɛmmɔ ƒui. Na báƒɛ ɔma unengudi awodu ammɔ ƒui béwi kalɔ.

Yeremia 4:26

Katumalɔ ƒui kénwini kalɔ kakwiidi na lɛma ƒui líbie liwi ukpludi. Kɔnyi kpakplaa kɔni na Unwoti úti ɔsu na ɔmɛni ƒui ɔ́lɛ lɛni.

Yeremia 4:27

Unwoti ɔnini, “Lɛ́ɛbla mina kasusu lɛ́wɔlɔ na nsɔ lɛɛɛdubo-ka bɔvumana. Kalɔ kamɛni kadubo udu bɔyii, nsu lɛɛɛdubo-ka udu bɔyila ƒui kede kede. Kayaa kadubo bɔbla suu na kalɔ kammɔ ƒui kabla kɔnyana na ɔmmɔ ɔsu.”

Yeremia 50:28

Babilonƒuɔ nébile mina kakpakɔ, nsu uwi ɔsɔ uletu asa na ndubudie-ma kasi. Na bekeline bani nási Babilon mmɔ bésie Sion alati ndubo kenye budie na litemi lɛmɛni lɛlɔ.

Yeremia 52:13

Unengu ɔmɛni ɔ́kyula Katɔti kakpakɔ kammɔ na ɔ́kyula ɔga kesii ku lɛtɔ linengudi lɛni náƒɔ lɛnyi mmɔ ƒui ku bekyuli kɔduli lɛnɔ.

Kɔnyana Buwulo 1:4

Lilu lɛni ntɛ lísela Sion ƒui lɛtɛ kɔka ku kɔnyana ɔsika ukyuli ɔdi ɔsɔ ulásia-ni lɛlɔ na besie batádi bana emeyi buni adi. Nwuna ɔma unegudi lɛban kɔyakun ƒui kuse ukpludi. Na bakpane bammɔ beewulo teedumo. Banana bamba beebo teebeƒie-nwu badagyaa taatɔlɔku. Na kɔnyana ku ɔdu kati kati náƒɔ ɔma ɔmmɔ.

Kɔnyana Buwulo 2:1

Unwoti úti kɔnyi! Anwuɔsu na ɔ́kya Sion kɔƒa. Na nwuna kɔnyi kemmo ni, úbo Sion ɔni ndi Israel bukeye ɔ́va kalɔ. Na ɔ́sɔ úteti mmɔ ka ɔdi nwuna lɛgba kanyakɔ.

Kɔnyana Buwulo 2:5

Unwoti ɔ́bla lɛlɔ aani ukisine, na ɔ́da Israel úwi aani ɔma ɔni nábwɛ, na nwuna baga lɛgbanya ku ɔma kɔgyumanakɔ kpakplaa ƒui kɔ́bwɛ. Na ukyuli biala uuwulo keku na Yuda kalɔ ƒui lɛlɔ ku kɔnyana.

Esekiel 24:21

‘Kakpakɔ kani lɛlɔ na bɛɛkun lɛmɛni na bɛɛkali ka bibo bɔnwuna na lɛla biala lɛɛɛdubo-mii bɔbla mmɔ ni, unye kagyumana ka ɔkyula kakpakɔ kammɔ na kayii udu. Na badu bina bebi bani na belie Yerusalem ɔmwi.

Esekiel 7:24

Anwuɔsu ndubo ɔmii ɔni bekyuli mbo kalala geen bɔsu na bebo bebeti bina kɔduli ƒui benwini bana ɔdi. Na lɛmɛnɛ lɛni na bɛɛkun na bina bekpone kpakplaa bani na bibo lɛlɔ ni, nwuna kenye kekulo. Na badubɔbla bina kɔkpakɔ ƒui na kuteese lɛlɔ na kɔsɔ kulamanku bɔkpa bɔdi.

Lewiƒuɔ Ɔda Bubo 26:31

Na ndubɔyila bina lɛma linengudi udu ku ekpo ani na biisié taatákpa na lini ala ani na bɛɛkyula mmɔ ɔnyi.

Lewiƒuɔ Ɔda Bubo 26:44

“ ‘Nsu ina amu ni, lɛɛɛdubo-ma atu budie uwi ɔni na bakya bekisine kalɔ mmɔ na lini-ma na bayii udu ƒui na lɛla lɛni na línyimiku-ma libie. Ami ndi Unwoti bana Katɔti.

Amos 2:5

Anwuɔsu ndubɔya na ogya ubakyula Yuda ɔma na ubile kɔgyumanakɔ kɔni na bátu na Yerusalem.”

Mika 3:12

Anwuɔsu na amii ɔsu ni, bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.

Mateo 24:2

Na ɔ́su-ma ɔnini, “Bɛsia-ni anumi kaduɛ. Ɔsika mɔɔsu-mii nnii badubɔƒɛ lɛtɔ lɛmɛni ƒui, ɔni na lɛtabi lɛdi lilébu lilasia lɛkpanadi lɛlɔ muedi. Badubugyingya ana ƒui bewi kalɔ.”