Kɔnyana Buwulo 2:4 - Katɔti Ɔku Kedee

⁴ Úbo nwuna kɔtaminta atula ɔ́lɛ-nwu aani ukisine kalɛ. Na ɔ́du nwuna bayɔne, na ɔ́kyula kɔduli kɔni ƒui nkya Sion Kɔbi lɛlɔ.

Kɔnyana Buwulo 2:4 ပူးပေါင်းရင်းမြစ်များ

Ala Alɛdi 2 34:21

“Mɔɔnu ka Katɔti úti kɔnyi ɔ́kya-mi ku ukyuli biala na ɔkya Israel ku Yuda kalɔ kammɔ ƒui lɛlɔ, ɔsika bula bati kuuku bátadi ɔda bubo bɔni nkya ɔku ɔmɛni kemmo lɛlɔ. Anwuɔsu bisie na bitáwia lɛla lɛni ka Katɔti ɔɔwia ka bɔbla.”

Ala Alɛdi 2 34:25

Yuda ku Israel bekyuli ƒui béni-mi. Na bábla akpala béte kadi bamba baƒiɔ ku ala ani na ama alati bávɔ béte lɛlɔ. Na nsɔ lɛɛɛdubo bɔkana bunye bɔnu ɔmɛni gyɔlɔɔ, ɔsika livo liiƒí-mi geen.

Hiob 19:11

Úti kɔnyi ɔ́kya-mi kati kati, na ɔɔká-mi takya nwuna bekisine akɔ.

Hiob 6:4

Unwoti úbo nwuna atula ɔ́lɛ-mi, na ugyulo ɔmmɔ ɔkɛ ɔ́vi-mi lɛlɔ kemmo ƒui. Na nwuna liƒu akɔla budie taatina bonwu enye-mi anumi aani bekpone.

Kɔgya 37:14

Balalane bédie bana kuwii bada na báni bana kɔtaminta benye ka bebo bawabane ku bani mɔɔyaki ala ku bani ƒui na bana lilu lise siin badu.

Kɔgya 7:13

Ɔ́klibi nwuna ekpola ɔda unye. Na ɔda nwuna atula ani mɔɔda ogya unye ka ɔkyula-ma.

Yesaia 42:25

Úti kɔnyi ɔ́kya-ma, anwuɔsu na ɔ́ni-ma kɔtu na kekpo kénwini ogya na ɔɔda na bana kɔlɔ lɛlɔ. Nsu ɔmɛni ƒui útabla-ma lɛla lɛdi na benu-nwu litemi. Na baaadaku-ni ina dɛ na ogya ɔmmɔ ɔ́ka ɔ́mana-ma na uuƒí-ma muedi.

Yesaia 63:10

Nsu ina amu béni na báta bénye nwuna Kɔyu Kedee lɛlɔ ka kɔdi-ma lɛlɔ. Anwuɔsu na ɔ́sɔ-ma kama na únwini bana ukisine na anwu ɔlati úkpoku-ma geen.

Yesaia 63:6

Na mina kɔnyi kemmo ni, lítu kadi bekyuli lɛ́bwɛ na lɛ́ya na báni bana ubugya ɔni néwi kalɔ na ɔɔgbá na kalɔ lɛlɔ kesi kesii mmɔ.”

Yeremia 10:20

Bábwɛ-bu kɔduli na bádu-bu bebi. Na ukyuli ɔdi ɔ́sɔ útebu na ubunku-bu na bɔkɛ kesii kani na bulie.”

Yeremia 21:12

“Bɛnu ka kadi kawɔdi biala négye ni, bɛ́tɛ etemila siin bɛ́siaku ulu geen ɔmmɔ lɛlɔ na bɛ́ƒɔ bani ƒui na bekyuli beeyú-ma. Na si ɔɔɔdi lɛni ni, ndubo kɔnyi kpakplaa bɔkɛ bɔkya-mii na libile ala aani ogya ɔni mɔɔda na uléni.

Yeremia 30:14

Na bina bakpana lɛnɔ báyiƒala-mii na basɔ baaadaku-mii lɛda lɛnɔ. Na ami muedi mina ɔbladu ɔ́tina ka línwini-mii ukisine. Na ka bina ekpidi ébomo na emomo ɔsu ni, ndubo-mii ulikplu bɔbla si mɔɔní-mii kɔtu.

Yeremia 36:7

Ɔƒɛni kalɛ si bénu lɛla lɛni na Unwoti ɔ́su ka wabla-ma na bana ekpidi ɔsu ni, badubo bunwini na bevele Unwoti banii uti bana bɔƒiɔ ɔkyiɛ-ma, ɔsika úti kɔnyi geen.”

Yeremia 4:4

Biti bina kayi ƒui biƒie lɛla lɛna na línyimiku-mii ƒui bɛda. Nsu si bítada bina atuɔkplu bítaya na bɛmu binye bɛɛbla ekpidi ni, mina kɔnyi kɔdubo-mii lɛlɔ aani kalɛ na ogya ɔɔkyula lɛla lɛdi na balakana-nwu bunine.”

Yeremia 42:18

“Ami Unwoti néti kɔnyi lɛ́kya Yerusalemƒuɔ na lɛ́ni-ma kɔtu. Na si bísie Egyipte kalɔ lɛlɔ ni, ndubo kɔnyi buti bɔkya-mii na lɛni-mii kɔtu lɛni kani na bɛsɔ bɛɛɛdubo bina ɔma bɔnu limeyi lɛdi. Liƒu bonwu lɛdubo bekyuli bɔda na lɛla lɛni lɛ́bla ɔsu. Na badubo bina lɛnyi bɔlɔ aani ewida bakya bekyuli.”

Yeremia 7:20

“Na ɔƒaani ni, ami Unwoti Ɔyikune Ƒui ndubɔya na mina kɔnyi kubo-ma lɛlɔ aani kalɛ na ketu keeyi teedie ukyuli útédu uwi ɔni na bekyuli o-o, bebuo o-o, egyii o-o, edula o-o ni, lɛla biala lɛsɔ lilébu lilakya kalɔ kammɔ lɛlɔ.”

Kɔnyana Buwulo 1:13

“Áya na ogya ɔ́si katɔ úbo na ɔɔkyula-mi teeduo-mi ekubi kemmo. Ákywɛ-mi kakpagyuɛ, na nsɔ naaakɛ́ kavikɔ. Na áya na ɔtɔtɔ ɔɔgyú-mi limeyi limodi na ɔlɛ ɔni na muunú uwi biala ɔsu.

Kɔnyana Buwulo 2:5

Unwoti ɔ́bla lɛlɔ aani ukisine, na ɔ́da Israel úwi aani ɔma ɔni nábwɛ, na nwuna baga lɛgbanya ku ɔma kɔgyumanakɔ kpakplaa ƒui kɔ́bwɛ. Na ukyuli biala uuwulo keku na Yuda kalɔ ƒui lɛlɔ ku kɔnyana.

Kɔnyana Buwulo 3:3

Na limeyi ndi limeyi ni, ami lɛti kani na unye ɔɔní kɔtu taasia kama.

Kɔnyana Buwulo 4:1

Bébile sika ugyiedi ɔni náƒɔ kuye útulo ƒui na ɔsɔ ulékeye kalɛ na uukeye. Na bégyingya Katɔti kakpakɔ asɛɛ ebi ani náƒɔ kuye mmɔ béwi kuyeya na lɛblɔnu lɛlɔ.

Kɔnyana Buwulo 4:11

Unwoti úti kɔnyi kpakplaa ɔ́kya Sion geen ɔni na ɔ́ya na bekisine bákyula ɔma ɔmmɔ béwi kalɔ kpɛtɛ kpɛtɛ.

Esekiel 13:13

“Kowodu kɔmmɔ ndi Yerusalem, na ami Unwoti Katɔti ndubo ɔƒɛƒɛɛ ku ɔnantu ku etubankɛ ku ɔƒɛƒɛɛ kpakplaa bumene na ubaƒɛ kowodu kɔmmɔ ubi kalɔ kpɛtɛ kpɛtɛ.

Esekiel 20:34

Na bɛdubo mina ɔyikun lɛnɔ bɔnu bɔti si uwi ɔni na lɛ́sala-mii lɛ́siku kesii biala na bígyingya bɛkya.

Esekiel 22:22

aani sika ɔƒualadi na lɛyu kemmo. Na badubɔti ka ami Unwoti náni-ma kɔtu lɛni na mina kɔnyi kemmo.”

Esekiel 24:25

Amu na Unwoti ɔ́su-mi ɔnini, “Esekiel, kébu blii kani na ndubo kakpakɔ kani lɛlɔ na bekyuli bése kayi ka bebo bɔnwuna bɔkyula na liti bana bebi lɛnɔ libunku.

Esekiel 36:18

Bádu bekyuli na bákpa baƒiɔ na ɔ́ya na kalɔ kammɔ kásɔ kébie kétulo ƒui. Anwuɔsu líti kɔnyi geen na lɛ́ni mina kadi bekyuli kɔtu,

Esekiel 5:13

“Bɛdubo mina kɔnyi kpakplaa kɔni na líti lɛ́kya-mii ablala ɔlɛ bunu kaduɛ geen butédu uwi ɔni na medie-mii kasi mawɔlɔ. Na bɛdubo bɔnu bɔti ka kɔnyi kukpidi kɔ́kɔ ami Unwoti na bina litemi tenu ɔsu.

Esekiel 6:12

Bekyuli bani na bakya ɔgyu ni, ɔlɛ ukpidi ɔdubo-ma bubo na bekpi na bani na bede ni, badubukpi na kekpokɔ. Na bani mebu lɛnɔ ni, kɔka kɔdubo-ma bɔdu. Kalɛ na líti kɔnyi ńtédu ni, lɛni kani na ndubo-ma kɔnyi kɔmmɔ ala bɔbla butédu!

Esekiel 7:14

Bávwi lise béte-mii bɔti ka báaklibi ekpola bése béte kekpo. Nsu bina ɔdi ɔɔɔdubo kekpo kammɔ busie ɔsika lɛ́kɛku Israelƒuɔ ƒui kɔnyi.

Lewiƒuɔ Ɔda Bubo 26:17

Mina anumi adubɔlɛ-mii lɛlɔ na lɛya na bina bekisine badi-mii lɛlɔ. Na ama bani muukisi-mii mmɔ kalɔ na bɛdubo bɔkya na biteekeli uwi ɔni na ɔdi ulábɔku-mii.

Nahum 1:2

Unwoti ɔdi Katɔti ɔni naaawia ka ukyuli ɔdi ukpoku-nwu kogyulo, mmomu ɔɔwia ka badi nwuna litemi lɛlɔ siin. Na ɔɔƒɔ nwuna bekisine kayu teedie-ma kasi na kɔnyi kemmo.

Nahum 1:6

Ɔma ndubɔkana Unwoti kɔnyi kpakplaa kɔmmɔ kenye bunye? Nwuna kɔnyi kuubile ala aani kalɛ na ogya ɔɔda taakyula ala, na atabi muedi aabwɛ.

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.

Samuel 1 28:16

Amu na Samuel údie kenye ɔnini, “Si ánu ka Unwoti únwini kama ɔ́kya-a na únwini ƒula ukisine ɔƒɛni amu ni, teye ami lɛla lɛni na adubo bɔbla.