Kɔnyana Buwulo 2:3 - Katɔti Ɔku Kedee

³ Unwoti úti kɔnyi kpakplaa geen ɔ́kya Israel na ɔ́yila nwuna ɔyikun na bekisine bammɔ bésusu-nwu na ɔ́sɔ útekpo útete-nwu Mmomu únwini aani ogya ɔni muubile ala, na ɔ́kyula Israel kaba kemmo bebi bammɔ ƒui.

Kɔnyana Buwulo 2:3 ပူးပေါင်းရင်းမြစ်များ

Ala Alɛdi 2 34:25

Yuda ku Israel bekyuli ƒui béni-mi. Na bábla akpala béte kadi bamba baƒiɔ ku ala ani na ama alati bávɔ béte lɛlɔ. Na nsɔ lɛɛɛdubo bɔkana bunye bɔnu ɔmɛni gyɔlɔɔ, ɔsika livo liiƒí-mi geen.

Hiob 16:15

“Anwuɔsu na líti kɔnyana ala lɛ́da na mina lɛbibo ku lɛƒɛda kemmo, na líbo nli ɔtumu akɔ na mɛni.

Kɔgya 132:17

“Mɛni na ndubuse Dawid kaba kemmo ubi likpo na ɔdi lɛga linengudi. Na mina Ukyuli Ɔƒunadi ɔmɛni ni, lɛ́ɛklibi-nwu líse aani bukeye ute mina bekyuli.

Kɔgya 74:11

Bi ɔsu na éni anii alani-ma kɔtu na éti enu ákya lɛgba akɔ.

Kɔgya 75:10

Na ɔdububile balalane ɔyikun ƒui. Na bekyuli bani na bese siin ni, bana ɔyikun ɔdubɔkɔ katɔ uwi ƒui.

Kɔgya 75:5

Na lɛya na bada lɛlɔ katɔ bɔkɔliku baya.”

Kɔgya 79:5

O Unwoti, adubuti kɔnyi akya-bu ƒui na ɔ́sa? Na eteekpo-bu lɛlɔ kogyulo lɛni?

Kɔgya 89:24

Ndubɔyɔ-nwu uwi biala na naaalɛ-nwu kama. Na ndubɔya na ɔkɛ ɔyikun na ɔdi nwuna bekisine ƒui lɛlɔ.

Kɔgya 89:46

O Unwoti, uwi ɛlɛ na adubudie-mi atu atálɛ na aya na ƒula kɔnyi kutaakɔ katɔ na bula lɛlɔ lɛni aani kalɛ na ogya ɔɔda taakyula ala?

Yesaia 1:31

Na bina bayikune ƒui badubɔyii aani kalɛ na keti kaakywí na ɔdi ulakana bunine.”

Yesaia 42:25

Úti kɔnyi ɔ́kya-ma, anwuɔsu na ɔ́ni-ma kɔtu na kekpo kénwini ogya na ɔɔda na bana kɔlɔ lɛlɔ. Nsu ɔmɛni ƒui útabla-ma lɛla lɛdi na benu-nwu litemi. Na baaadaku-ni ina dɛ na ogya ɔmmɔ ɔ́ka ɔ́mana-ma na uuƒí-ma muedi.

Yeremia 21:14

Na ndubo-ɔ kɔtu bɔni kaduɛ kalɛ na ámanku éte. Na lɛtu ogya lɛkya ƒula ɔga lɛgbanya kesii kani baalɔ lɛku mmɔ na uyɔ ɔmmɔ ɔkɔ usie katɔ.”

Yeremia 4:4

Biti bina kayi ƒui biƒie lɛla lɛna na línyimiku-mii ƒui bɛda. Nsu si bítada bina atuɔkplu bítaya na bɛmu binye bɛɛbla ekpidi ni, mina kɔnyi kɔdubo-mii lɛlɔ aani kalɛ na ogya ɔɔkyula lɛla lɛdi na balakana-nwu bunine.”

Yeremia 48:25

Lɛla lɛni na ami lɛ́lɛ ugyii kani ndubɔbla likplodi ƒui. Na ani ndi ka badubo bina bekpone lɛlɔ bɔdi. Na bábwɛ-mii ɔyikun na bɛyii udu ƒui.

Yeremia 7:20

“Na ɔƒaani ni, ami Unwoti Ɔyikune Ƒui ndubɔya na mina kɔnyi kubo-ma lɛlɔ aani kalɛ na ketu keeyi teedie ukyuli útédu uwi ɔni na bekyuli o-o, bebuo o-o, egyii o-o, edula o-o ni, lɛla biala lɛsɔ lilébu lilakya kalɔ kammɔ lɛlɔ.”

Kɔnyana Buwulo 1:13

“Áya na ogya ɔ́si katɔ úbo na ɔɔkyula-mi teeduo-mi ekubi kemmo. Ákywɛ-mi kakpagyuɛ, na nsɔ naaakɛ́ kavikɔ. Na áya na ɔtɔtɔ ɔɔgyú-mi limeyi limodi na ɔlɛ ɔni na muunú uwi biala ɔsu.

Kɔnyana Buwulo 4:11

Unwoti úti kɔnyi kpakplaa ɔ́kya Sion geen ɔni na ɔ́ya na bekisine bákyula ɔma ɔmmɔ béwi kalɔ kpɛtɛ kpɛtɛ.

Esekiel 13:13

“Kowodu kɔmmɔ ndi Yerusalem, na ami Unwoti Katɔti ndubo ɔƒɛƒɛɛ ku ɔnantu ku etubankɛ ku ɔƒɛƒɛɛ kpakplaa bumene na ubaƒɛ kowodu kɔmmɔ ubi kalɔ kpɛtɛ kpɛtɛ.

Esekiel 7:14

Bávwi lise béte-mii bɔti ka báaklibi ekpola bése béte kekpo. Nsu bina ɔdi ɔɔɔdubo kekpo kammɔ busie ɔsika lɛ́kɛku Israelƒuɔ ƒui kɔnyi.

Nahum 1:6

Ɔma ndubɔkana Unwoti kɔnyi kpakplaa kɔmmɔ kenye bunye? Nwuna kɔnyi kuubile ala aani kalɛ na ogya ɔɔda taakyula ala, na atabi muedi aabwɛ.

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Luka 1:69

Úti Ɔƒɔne Ɔyikune ɔdi úte-bu ɔni na ɔdi anwu ɔlati kabla ɔblane Dawid kaba kemmo ubi.

Luka 3:17

Ɔda nwuna kɔɔlɛ kɔni na ɔdubɔƒɛ nwuna edula udie na uti uwi unwu kemmo. Nsu ɔdubɔkyula aƒaƒa ku lɛmuyɔ lɛkladi na ogya ɔni naaadubo buni kudii kemmo.”

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.