Kɔnyana Buwulo 2:20 - Katɔti Ɔku Kedee

²⁰ Unwoti! Awɔ ɔlati, bu ɔmɛni nu anii áabla bekyuli badi ulikplu ɔmɛni udu dii! Na ɔdia ka bebi beni beƒie ama alati bebi bataakun? Munuu bɔdia na ɔdia ka badu ƒula bakpane ku kenye bediene na ƒula kakpakɔ ɔtɔ kemmo?

Kɔnyana Buwulo 2:20 ပူးပေါင်းရင်းမြစ်များ

Ala Alɛdi 2 36:17

Unwoti ɔ́tala Babilon Ɔga Nebukadnesar ka utékpo Yerusalem. Na úsie útádu bakloƒu bani nkya kakpakɔ kammɔ kemmo na útanu ɔdi kɔnyana. Uleku o-o, ɔnana o-o, unengu o-o, ɔnamu o-o ni, Katɔti ɔ́ya na ɔ́du bana ƒui na ɔma unengudi ɔmmɔ kemmo.

Kɔgya 78:64

Lɛni kani na bana bakpane lɛnɔ ni, kuwii kenye na békpi ɔni na bétete bana bekpinele kuƒi na bewulo-ma.

Israelƒuɔ Bɔlɛ 32:11

Amu na Mose úvele kɔnyana bɔnu na Unwoti Katɔti kudɔ ɔnini, “Unwoti, bi ɔsu na éti kɔnyi ákya ƒula bekyuli lɛni? Ƒula bekyuli badi, na éti ƒula ɔyikun bonwu na áda-ma édie Egyipte kalɔ lɛlɔ.

Yesaia 22:2

Lɛlɔyɔ kudu kani nda ɔma umodi ɔmmɔ ƒui ku lɛsɛ. Na bani na békpi ni, ɔɔɔdi kuwii kenye na békpi, na ɔɔɔdi kekpokɔ lɛnɔ na bésie.

Yeremia 19:9

Na uwi ɔni kani na bina bekisine badubɔbwɛ beduo-mii lɛlɔ na beteekpoku-mii mmɔ lɛlɔ kani na bina adila adubo bɔsa ƒui. Na kɔka kɔdubo-mii bɔda ɔni na bɛdubo bina bakpana ku bebi muedi ɔlɔna bɔkun aani lɛna.’

Yeremia 5:31

Kenye bediene baakɔ́ bana etemila lɛsa na baƒiɔ lɛnyi kemmo. Na mina bakpane baláwia ka babla-mi kabla. Na amii mina kadi bekyuli lɛnɔ bɛɛyɔ́-nwu lɛni! Na ɔgbankpi limeyi ni, ɔma na bɛdubo bukeli bɔtamiku bɛnii ubunku-mii?”

Kɔnyana Buwulo 1:19

“Lɛ́lɔ mina bebunkune bakpana nsu bákya-mi kakya. Mina bakpane ku kadi batɔnkune békpi uwi ɔni na bakya baawia adila ani na badi.

Kɔnyana Buwulo 4:10

Ngba bulie na ɔma unegudi kemmo bubo ɔkplu geen, na ɔni na bebi beni béƒulo ama alati bebi bákun.

Kɔnyana Buwulo 4:13

Yerusalem Katɔti kenye bediene ku bakpane bábla ekpidi bonwu bonwu geen ɔni náya na bekyuli bani nátabla lɛla lɛdi muedi békpi, anwuɔsu na Unwoti ɔ́ni ɔma ɔmmɔ kɔtu lɛni.

Kɔnyana Buwulo 4:16

Unwoti ɔlati nábɔku úgyingya-ma lɛni, na ɔ́da-ma údie nwuna kasusu. Na ukyuli ɔdi ɔsɔ uleboku lili kalɔ ulete-ma na babla bakpane ku kenye bediene bammɔ lɛƒɔndia lɛdi.

Esekiel 5:10

Lɛdila lɛni na bamini bakya kenye muedi ɔdubo ubenwini lɛnungyiela geen lite bebi bati ku bebi beni ɔni na badubuti ama alati bebi muedi bakun. Na bebi lɛnɔ bakun bana bawɔne. Na bekyuli bani ndubɔlɛ ɔgbankpi ku liƒu ala ani ndubɔlɛ mɛni kemmo muedi badubo-ma bɔbɔku bugyingya bɔkya ekpo ekpo na lɛƒɛnyi ƒui lɛlɔ.

Esekiel 9:7

Ɔmmɔ kama ni, Unwoti ɔ́su-ma ɔnini, “Bibile kakpakɔ kammɔ ekisila na bɛla bekpine bammɔ bɛsiaku lɛlɔ na kakpakɔ kaduli geen kammɔ kemmo mmɔ. Bɛsɔ bitebile uwi ɔdi bise kabla kalɔ!” Bátɔlɔ mmɔ na bése kalɔ baadú Yerusalemƒuɔ bammɔ.

Lewiƒuɔ Ɔda Bubo 26:29

Na bɛdubɔdu bina bebi bananabi ku belekubi muedi bɛkun.

Lɛkpa Ulu 9:26

Mmɔ na lɛ́kpali-nwu lívele-nwu nnii, “O Ɔyikune Ƒui Katɔti, tayila ƒula bekyuli bani na ɔkɛnku ƒula ɔyikun ku ɔlɔkplu na édie-ma álɛku Egyipte kalɔ lɛlɔ udu.