Kɔnyana Buwulo 2:15 - Katɔti Ɔku Kedee

¹⁵ Belusiene bani mɔɔsia mmɔ taavi baakunku eli na bapii, na beedumi-ɔ taama-a banini, “Ɔma ɔbuni ɔni na bátaalɔ banii bɔdia ku bɔdia na adi kadi ƒui lɛlɔyɔ na ɔdi mɛni ɔƒɛni?”

Kɔnyana Buwulo 2:15 ပူးပေါင်းရင်းမြစ်များ

Baga 2 19:21

Na lɛla lɛni na Katɔti ɔ́su ɔ́siku-nwu lɛlɔ ndi ɔnii, “ ‘Sion ubi ugblebi adagyaa úni-ɔ na ɔɔmá-a. Yerusalem ubi ulekubi, uuƒwimi nwuna lili ɔni na ékeli ésela.

Ala Alɛdi 2 7:21

Kakpakɔ kamɛni kadi kesii kani na káƒɔ kuye geen na bekyuli baabu-ka ɔƒɛni. Nsu si ala ani ɔda na líbo-mii mɛni álɛ ni, ukyuli biala na ɔ́sia mɛni ɔɔví ni, ɔdubo-nwu bɔbla kalɛ kadi na uye ɔnini, ‘Bi ɔsu na Unwoti ɔ́bla lɛla lɛni na libo ɔkplu lɛni?’

Kɔgya 109:25

Na si bekyuli bánu-mi na baamá-mi. Na uwi biala na bánu-mi ni, lili kani na baakunku taama.

Kɔgya 22:7

Na bani ƒui mɔɔnu-mi baamá-mi. Na baamɔsi taakunku bana eli taasu banini,

Kɔgya 48:2

Sion Kɔbi kɔdi bula Katɔti kɔbi kɔni lɛlɔ na uli. Na kɔbi kɔmmɔ kɔ́kuku na kɔɔdia bɔnu sɔsɔ. Na ɔdi bula ɔga ɔma unengudi. Kesii kamɛni mɔɔyɔ́ kayawi bekyuli ƒui kaƒɔ.

Kɔgya 48:3

Katɔti ɔ́tina ka nwuna kaduli kadi katamikɔ kabuni geen kesii kani na ɔdubɔgyumana-bu.

Kɔgya 50:2

Katɔti uukeye taasiku Sion ɔma unengudi ɔni ndia ntulo ƒui mmɔ kemmo.

Kɔgya 64:8

Bana enyekpi ɔsu ni, ɔdubo bana ƒui udu bɔyila. Na ukyuli biala manu-ma ɔdubo lili buƒwimi na ɔpii-ma.

Yesaia 28:21

Ɔsika Unwoti ɔdubɔta kɔnakunwi ku kɔnyi aani kalɛ na ɔ́bla dii na Persim Kɔbi lɛlɔ ɔni na úsie Gibeon Kɔwɛ kemmo. Na ɔdububo ubabla nwuna kabla, na bɛgyi ka kaaatɛ kalɔ! Na bɛgyi lɛnɔ ka nwuna ablala udu bamba uuubo.

Yesaia 37:22

ami Unwoti lɛ́ya na Yerusalem ɔni ndi ugblebi adagyaa ɔ́pii Sanaherib, na ɔɔmá-nwu, na bukeli bɔni na ɔdubo bukeli ɔsu.

Yesaia 64:11

Na bula kakpakɔ kedee kani muukeye na bula bati kuuku bátaakpa-a ni, bákya-ka ogya bákyula. Na ala ani náƒɔ-bu kuye geen ƒui áyii udu atɛ kalɔ na asɔ eeebo lɛblakula.

Yeremia 18:16

Bina kalɔ kemodi ƒui kadubo udu bɔyii na belusiene bani mɔɔsia mmɔ badubɔnu na liƒu lɛda-ma na bataapii-mii ku edumi.

Yeremia 19:8

Ndubɔya na ɔma unengudi ɔmmɔ únwini aani kebu alakpi ku lɛmala na ɔbla bekyuli bammɔ kalɛ kadi na ukyuli biala ɔni násia mmɔ ɔɔví ɔpii-mii na udumi-mii lɛnɔ na bina ɔgbankpi ɔsu.

Yeremia 25:18

Na líse kalɔ lɛ́si Yerusalem lɛlɔ ku lɛma lɛni na Yuda kalɔ lɛlɔ. Na sɔsɔ békpeli baga bammɔ ku bana lɛku batine ƒui bébo kalɔ ɔ́siku bana kunyekɔ ku agaboku lɛlɔ ku kɔƒa. Na ukyuli biala ɔda-ma lɛnyi ku lɛma na kesi kesii na beeti-ma anyi teewida bekyuli ka bana ɔgbankpi ɔmmɔ udu ɔdubɔlɛku bekyuli bani na beeyuda mmɔ.

Yeremia 25:9

Na ɔƒaani ni, ndubo bɔya na kadi bekyuli bani nási kalɔ kammɔ katɔ kakɛ bebékpo-mii na ɔni ntulo ƒui ndi mina kabla ɔblane Nebukadnesar ɔni ndi Babilonƒuɔ ɔga. Amii ku bina liku bekyuli kɔlɔ lɛlɔ bekyuli ƒui bɛdubo bukpi na bina lɛma ku kɔlɔ ƒui kɔdubɔsɔ kuwi ukpludi na lɛla biala lɛyii udu. Na ɔtɔtɔ bonwu ɔdubɔgyu ukyuli biala manu ɔmɛni, nsu ɔmmɔ ƒui kama bɔma kani na badubo-mii na beteedumi-mii.

Yeremia 26:6

ndubo kakpakɔ kamɛni bɔbwɛ aani kalɛ na lɛ́bwɛ Siloa ɔma. Mmɔ mina kevo kedee kénye dii. Na Yerusalem ɔdubunwini kesii kani na ukyuli biala ɔdubɔkpali uwida ɔnii ɔdubɔlɛku-ɔ aani Yerusalem.’ ”

Yeremia 48:27

Lɛni na bɛ́kya mina bekyuli lɛlɔ lɛma na bɛɛbla-ma aani bakantankpine bani na béƒie na bana likyulikpi lɛdi bɔbla kemmo.

Yeremia 51:37

Babilon ɔdubunwini kebu alakpi ɔlɛ lisu kesii kani na beƒukutu kani ndubo mmɔ bulie. Bekyuli badubo-ma bɔma, nsu badubo bɔyia lɛnɔ ka besie bavi kebu alakpi ammɔ kemmo.

Kɔnyana Buwulo 1:21

“Ukyuli biala únu kalɛ na muudumo, nsu ukyuli biala uuubo na ɔsia-mi kɔnu. Na mina bekisine lɛnɔ bánu lɛbibo lɛni kemmo na éti-mi ákya báti. Na ɔmɛni ɔ́ya na baakɛ́ ebiti na mina lɛlɔ geen. Buvele, babla na ebo abáni-ma kɔtu na kenye kani na ése-mi ése kenye.

Kɔnyana Buwulo 1:8

Ekpidi bonwu ani na Yerusalem ɔ́bla ɔsu bekyuli béti ɔma ɔmmɔ bénwini lɛmala. Na bekyuli bani na nka baabu ɔma ɔmmɔ beekisi-nwu ɔƒaamu, ɔsika údie lɛlɔ kasɔngya na únwini anumi ku kɔƒa ku keku ku edumo.

Kɔnyana Buwulo 2:16

Sion, ƒula bekisine beedumi-ɔ taama banii “Útakɛ-ɔ kaduɛ, lɛni geen na bɔɔwia ɔ́si kukuuku ka bubile-ɔ na bɔyila-a udu. Na ɔmwi limeyi lɛmɛni na bɔ́kɛ-ɔ sɔsɔ.”

Kɔnyana Buwulo 2:6

Ɔ́ya na bábwɛ Katɔti kakpakɔ kammɔ béwi kalɔ aani kalɛ na kevoma kemo ɔban ɔɔbwɛ teewi kalɔ. Na úbile lɛla biala na kesii kani na uubo taabasiaku-bu mmɔ. Na ɔ́ya na bɔ́da emeyi buni ku Lɛnwunameyi bɔdi bɔ́ya na Sion ɔma kemmo. Ɔkɛnku nwuna kɔnyi kpakplaa kɔmmɔ ɔsu ni, úni bula baga ku bakpane ƒui.

Esekiel 16:13

Na ƒula asɛɛ ebi adi sika ugyiedi ku ɔƒualadi sɔɔn. Na linwo lɛbunidi ƒui na béti bédi ƒula adala na béti adi kpɛtɛ kpɛtɛ ani muukeye na adia geen bekpo-nya atu. Ɔlaaƒɔ ɔbuni ƒui na béti béƒi ƒula bodobodo. Na uwɔ ku nnɔ ala na aadi na aadia bɔnu geen aani uleku ɔga.

Esekiel 16:14

Na ukyuli biala na ulie kalɔ kamɛni lɛlɔ ɔgyi ɔmɛni. Na ami Unwoti Katɔti nébunku-ɔ na énwini ugblebi ɔkɔdi ɔbuni ɔmɛni udu.

Esekiel 23:32

“Lɛni na ami Unwoti Katɔti lɛ́ya na mina kɔnyi kúbo ƒ'ɔnwani ulekubi lɛlɔ aani lɛla lɛdi kalaku keyile na ɔ́ni. Na si lɛ́ya-a na áni na ɔɔƒɛɛ ɔmmɔ udu kemmo ni, bekyuli badubo-ɔ buteedumi taama.

Esekiel 25:6

Biikisi Israelƒuɔ ɔni ɔsu na enukpɛ kani na bɛ́gya na bɛ́va ku lɛlɔyɔ na lɛla lɛni nálɛku-ma ɔsu.

Esekiel 5:15

badubo-mii budumi na bakya-mii lɛlɔ lɛma, nsu liƒu lɛnɔ lɛdubo-ma bɔda geen na ala ani na lɛ́bla-mii ɔsu.

Daniel 9:16

Uwi ɔni návi kemmo ni, ábla-bu lɛƒɔndia geen lɛni náya na bɔɔnu taati na buuvele-ɔ ɔmwi ka ada kɔnyi kpakplaa kɔni na éti ákya Yerusalem mɛni buti taakya-bu aya. Ɔsika ina bi na abu ku bula bati kuuku bɔ́bla na bula anumi éwi kalɔ na kadi ƒui anumi muedi ni, ƒula ɔma ɔni na áƒuna na áya na bátu-nwu bálɛ ƒula kɔbi kedee lili lɛnɔ na ɔdi.

Mika 6:16

“Ala amɛni ndubo-mii bɔlɛku na ɔni na bɛsiaku Ɔga Omri ku ubidi Ɔga Ahab likyulikpi ala bɔbla kama ɔsu. Anwuɔsu ndubo-mii udu bɔyila ku bina akɛla ƒui na kadi bamba bekyuli ƒui bataama-mii na bedumi-mii.”

Nahum 3:19

Bɛ́ƒɔ lɛlɛ bonwu lɛni naaadia bɔnu, na bɛsɔ biiibo lɛnunsia lɛdi. Anwuɔsu bekyuli ƒui bágya enukpɛ uwi ɔni na bénu ƒula lɛlɔ litemi lɛmɛni, ɔsika bina kalala kani na bítaabla taasia kama ɔ́ya na bébo abi pii.”

Seƒania 2:15

Ɔma ɔni néteekeye na baasu banini, “Abu kani na bɔdi” ni, ɔƒɛni amu únwini atɔnku na lɛla biala líbie na únwini bebuo keliekɔ, na bekyuli bani ƒui mɔɔví taanu bɔpii kani na baapii taakywɛ-nwu anumi.

Mateo 27:39

Bekyuli bani návi mmɔ ƒui bákunku bana eli na bédumi Yesu.

Marko 15:29

Bekyuli bani návi ƒui bákunku bana eli na bédumi Yesu básu banini, “Ɛhɛɛn! Awɔ násu ka adubɔƒɛ bula kakpakɔ kenengudi na asɔ atu-ka emeyi atɛ kama!