Kɔnyana Buwulo 2:11 - Katɔti Ɔku Kedee

¹¹ Mina anumi asɔ alanu na keku ɔsu, na mina kaƒɔ kébo-mi likpo na ɔ́ya na mina lɛlɔ ekpo ƒui aadu-mi. Ɔdu ɔ́ƒɔ-mi lɛlɔ kemmo ƒui, ɔsika mina bekyuli báyii udu na bebi ku bebiwɔ báƒɔ lɛlɔ bewi ɔma unengudi ɔmmɔ lɛblɔnu ƒui lɛlɔ beekpi ku kɔnyana ɔni na lɛblala liiibo.

Kɔnyana Buwulo 2:11 ပူးပေါင်းရင်းမြစ်များ

Hiob 16:13

Uubó nwuna atula taalɛ-mi taasiku lɛƒɛnyi ƒui lɛlɔ. Na ɔ́ƒuala-mi ɔƒɛnyi na ubugya ɔɔyu teewi kalɔ.

Hiob 30:27

Lɛƒɛda lɛ́ƒɔ-mi lɛlɔ kemmo ƒui na nnye muususu lɛlɔ uwi ndi uwi. Na lɛbibo kani náƒɔ-mi ngba emeyi ƒui kemmo.

Kɔgya 119:82

Mina anumi ákpa atu na nnye mɔɔnu ulu lite ƒula linyese. Na ɔmmɔ ɔsu na líye muedi nnini, “Uwi ɔmani na adubo-mi kɔnu bɔsia?”

Kɔgya 22:14

Mina ekubi ányonu lɛlɔ. Mina ɔlɔkplu ɔ́tɔlɔ na línwini aani kalɛ na beewilimi ntu teewi kalɔ. Na mina utu ɔɔyɛlɛ aani banwɛnwɛ lɛyu.

Kɔgya 31:9

Nu-mi kɔnyana, O Unwoti, ɔsika ala eekpóku-mi geen. Líwulo kɔnyana laa, na mina anumi muedi asɔ alánu kaduɛ. Na ami ukyuli umodi ɔmmɔ ƒui muunú lɛlɔ ɔlɛ.

Kɔgya 38:8

Lɛ́bla kpɛtɛ kpɛtɛ aani ukyuli ɔni náƒɛ uwi kalɔ na edumo kani nda, na muubó abi na mina kayi kemmo.

Kɔgya 6:7

Ɔkplu kemmo na mɔɔkana bɔnu, ɔsika mina anumi éƒu kede kede. Na mina bekisine keku kani na baakya-mi ɔsu.

Kɔgya 69:3

Lɛ́ɛkpali lɛ́nɔ na ɔkwɛ ɔ́kwii-mi. Na anumi aanwú-mi ɔni na líinye mɔɔnu-ɔ anumi taanɔ.

Yesaia 22:4

Ɔmmɔ ɔsu na lɛ́su nnini, “Bɛkpɛ bɛlɛ-mi lɛlɔ na liwulo, na ɔdi utasia-mi kɔnu na mina bekyuli bani náyii udu ɔsu.”

Yesaia 38:14

Mina lɛdi lɛ́sani, na lɛsɔ lilalɛ aani lɛsɛɛmɛɛ mɔɔva, na muudumo aani abloduma. Mina anumi asɔ alanu kaduɛ, anwuɔsu lɛ́kɔliku anumi mɔɔnu katɔ. Ala eekpóku-mi, O Unwoti, bo na ebebunku-mi.

Yesaia 51:20

Bina Unwoti Katɔti úti kɔnyi ɔ́kya-mii, na ɔkɛ ɔmmɔ ɔsu bina bebi ƒui bewi lilu lɛlɔ bávi kesii biala na kablakɔ kadi kasɔ keeebo-ma aani akwa ɔni na kakpagyuɛ kéƒie na ɔsɔ ulakana lɛlɔ bunene na abuli ammɔ kemmo.

Yeremia 14:17

“Yeremia, sie na atásu-ma ala amɛni ƒui ku kalɛ na ƒula lɛlɔ kemmo kaabla-a taasiku ala amɛni lɛlɔ.” Anwuɔsu lɛ́su-ma nnini, “Imii bɔdubɔƒɔ-mi anumi usien ku ɔƒɛ, ɔsika mina kadi bekyuli badubo ɔlɛ ukpidi bɔƒɔ ɔni ndubo-ma bɔdu.

Yeremia 4:19

Naaakana lɛbibo lɛmɛni kenye bunye! Mina utu uubó momoomo geen, na muususu lɛlɔ ku kɔnyana bonwu. Muunú ka bekisine bekpone baavwi kekpo kati bute lise na naaakana kenye bubile bɔsɔ bulie kpoo.

Yeremia 44:7

“Na ɔƒaani ni, bi ɔsu na binye kpakplaa bɛnii bɛsɔ biiti lɛlɔ bitákya ɔgbankpi ɔbambadi kemmo? Ɔgbankpi ɔni na ɔɔɔdi amii lɛti ndubo-nwu kemmo buduo mmomu ku bina beleku ku bebi ku banamu ƒui?

Yeremia 8:19

Mina bekyuli bakya kaƒɔ lɛma beewulo keku. Nu kalɛ na beewulo teeye banini, “Buni na Unwoti úni Sion na ɔsɔ ɔɔɔdi nwuna ɔga?” Na muunú ka Unwoti uudie kenye ɔnini, “Bi ɔsu na bɛ́kya-mi kɔnyi na uwi na bina baƒiɔ bani neeebo kɔsia bɔkpa ɔsu?”

Kɔnyana Buwulo 1:11

“Budumo sɔɔn na mina bekyuli beedumo taawia bana limeyi lɛdila. Na beeti bana ala ani náƒɔ-ma kuye teeye, na basɔku beye lɛla blii lɛni kani na badi belie ngba.” Yerusalem ɔ́kpali Unwoti ɔnini, “Buvele, nwini nu-mi na anu kalɛ na lɛ́yii udu.”

Kɔnyana Buwulo 1:16

“Ɔmɛni ɔsu kɔnyana kani na muuwulo, na imii bɔ́ƒɔ-mi anumi uwi ƒui. Na ukyuli ɔdi uuubo na ɔsia-mi kɔnu iye ɔkya-mi ogya lɛnɔ. Kekpo kádi-mi lɛlɔ na mina bekyuli beebó abi.”

Kɔnyana Buwulo 1:20

“Unwoti, elenwini alanu kalɛ na lɛla lɛmɛni liikpóku-mi? Kaƒɔ kébo-mi likpo na kayi kaakpulu-bu, ɔsika lɛ́lɛ-ɔ kama na ńtenu ƒula litemi. Bádu bekyuli na lɛblɔnu lɛlɔ ku kɔduli kemmo lɛnɔ ƒui.

Kɔnyana Buwulo 5:17

Búnwini aani balɛne bɔkɛ na bɔsɔ bulánu ligeen muedi.

Luka 23:29

Ɔsika uwi ɔdi ɔdubo ɔni na bekyuli badubɔsu banii, ‘Lɛlɔ litaayɔ bedinkɔ ku kaƒɔ kani kemmo na ubi útalɛ tɔ kudii ku anyii ani na bátanyimi kudii!’

Samuel 1 30:4

Anwuɔsu Dawid ku nwuna bekyuli bése kalɔ beewulo laa útédu ka lɛlɔ lítu-ma na basɔ balakana buwulo muedi.