Kɔnyana Buwulo 1:9 - Katɔti Ɔku Kedee

⁹ Nwuna ekpidi énwini ala éduo-nwu adala na uleti kasusu lɛla lɛni ndubo-nwu bɔlɛku na uwi ɔni ntɔ-nwu anumi adubo lɛlɔ. Anwuɔsu Yerusalem kalɔ bubo bɔdi kɔnyana litemi bonwu, na ukyuli ɔdi uuubo na ɔsia-nwu kɔnu uwi ɔni na ɔ́su ɔnini, “Unwoti, nu kalɛ na mina bekisine bádi-mi lɛlɔ na muubó abi na anu-mi kɔnyana.”

Kɔnyana Buwulo 1:9 ပူးပေါင်းရင်းမြစ်များ

Samuel 2 16:12

Ɔƒɛni kalɛ Unwoti ɔdubɔnu-mina lɛbibo na uti lɛbuni ɔƒɔ-mi kayu na ewida ammɔ kenye.”

Baga 2 14:26

Unwoti ɔ́nu lɛbibo libendi lɛni kemmo na Israelƒuɔ ƒui ku bana kabla bablane bákya, nsu ukyuli ɔdi uuubo na ute-ma kebunku.

Nehemia 9:32

“Ɔƒɛni, o bula Katɔti ɔni na edu na ebomo, na eeti bɔyɔ taadi bunyimi lɛlɔ ni, buvele bɔda-a bɔnii tabu lɛbibo lɛni mɔɔlɛ́ mɛni aani lɛla lɛni nse bliisuɛ na ƒula anumi. Na tabu lɛbibo lɛni mɔɔlɛ́ abu ku bula baga ku bula batɔnkune ku bula bakpane ku kenye bediene ku bula bati ku ƒula bekyuli ƒui lɛlɔ úti ɔ́si Asiriaƒuɔ baga uwi úbedu ɔmwi kadi aani lɛla blii.

Kɔgya 119:153

Nu kalɛ na muubó abi na edie-mi. Ɔsika naaayiƒala ƒula ɔda bubo.

Kɔgya 140:8

O Unwoti, taya na kakali kani na mina bekisine bábla mina lɛlɔ ubo-nwu kemmo. Amu badubɔkɛ-mi lɛlɔ ɔyikun na benye beteekpoku-mi uwi ƒui.

Kɔgya 25:18

Nu ala ani muukpóku-mi ku kalɛ na muunú ɔlɛ na mina lɛlɔ kemmo, na eti mina alaekpidi akyiɛ-mi.

Kɔgya 69:21

Béti likpila béte-mi banii adila. Na béti ntɛ bɔnani béte-mi banii ndu utukwɛ.

Israelƒuɔ Bɔlɛ 3:17

Na líse kenye ka ndubɔda-mii lidie lɛbibo lɛmmɔ kemmo na Egyipte kalɔ lɛlɔ, na liti-mii ntése kalɔ kani kemmo na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ beli, kesii kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii.’

Israelƒuɔ Bɔlɛ 3:7

Amu na Unwoti ɔ́su Mose ɔnini, “Lɛ́nu kalɛ na Egyipteƒuɔ bakya baanya Israelƒuɔ taakya ku kalɛ báya na beebó abi. Na muunú bana keku kani beewulo taawia ukyuli ɔni mekpo maƒɔ-ma malɛku bana lɛbibo kemmo.

Israelƒuɔ Bɔlɛ 4:31

Na ka bánu akɔla ala budie taatina ammɔ ni, báƒɔ bádi. Na ka bénu ka Unwoti úbo-ma lɛlɔ kasusu na ɔ́nu kalɛ na bakya beebó abi ni, bana ƒui béboku lɛlɔ kalɔ béte-nwu na bémwi-nwu.

Etemila 4:1

Lɛ́nu lɛla bamba lɛnɔ lɛ́ka lɛ́mana na lɛ́nu ulikplu ku kalala kani udu na bekyuli baabla bekyuli na kalɔ lɛlɔ. Na keku buwulo sɔɔn kani nda, nsu kɔnu ɔsiane ɔdi uuubo. Na bani mɔɔbla udu ɔmɛni lɛnɔ bebo ɔkplu geen.

Yesaia 3:8

Yerusalem ku Yuda lɛma ƒui lɛdubo bubie na ala ƒui eƒu akya, ɔsika bana etemila áta énye Unwoti lɛlɔ, na béni ka babu anwu ɔni muukeye na bana akɔ.

Yesaia 37:17

O Unwoti, se atu na enu, na ebimi anumi na anu. Nu etemila ani na Sanaherib ɔku ɔni na úti úmene, na uudumi awɔ Katɔti ɔni nli ngba ɔdanku.

Yesaia 37:23

Ɔma na akya eedumi taama? Na ɔma na aakwanyi taakya ku lɛdi momoomo? Na ɔma na aanu ɔnusɛ ku bɔpii? Ɔɔɔdi Israel Katɔti Kedee ɔmmɔ!

Yesaia 37:29

Na ka áta ásiaku-mi ku kɔnyi, ku ƒula ukyuli tabu bɔni na línu ku mina atu ɔsu ni, ndubɔkya-a ɔdaliwa enwu, na liti kenye kabuli lɛbala-a kenye, na lɛya na enwini asia ulu ɔni lɛlɔ na ásia ébo.

Yesaia 37:4

Na ɔƒɛni kalɛ Unwoti ƒula Katɔti únu ala ani na Asiriaƒuɔ ɔga ɔ́tala nwuna bekpone benengu na bábasu-bu na bédumi Katɔti ɔni na uli ngba. Na muuvele nnii ƒula Unwoti Katɔti unu edumi ammɔ na ɔni bani nédumi-nwu mmɔ kɔtu. Anwuɔsu kpali Katɔti na evele ete bula bekyuli ku abu bani nli ngba.”

Yesaia 40:2

Na atɛmiku Yerusalem ku lɛdi buɛɛ ku bɔyɔ, na aya na bati ka bana kabla ku lɛbibo lɛ́sa. Na báƒɔ bana ekpidi lili kayu, ɔsika Unwoti ɔ́ni-ma kɔtu ɔ́sia kama kunyɔ kunyɔ na bana ekpidi ɔsu.

Yesaia 47:7

Ɔ́bla-mii aani bɛdubo lɛga lɛmmɔ bɔdi buteesie uwi ƒui. Na bɛ́sɔ bítabu ala ani na bɛɛbla lɛlɔ bítanu, na ubo-mii kasusu kemmo ka lɛla lɛdi lɛdubo amii lɛnɔ bɔbla.

Yesaia 51:19

Kɔka ku kekpo kɔ́du-mii ƒui. Na nsɔ naaakana-mii kɔnu kɔdi bɔsia lɛnɔ.

Yesaia 54:11

“Yerusalem, mɔɔnu ka eewulo kɔnyana na enu áƒɛ-ɔ, na ɔƒɛƒɛɛ ɔɔda-a uubó taavinku. Nsu ami Unwoti ndubɔsɔku ɔma unengudi ɔmmɔ lɛtu ku atabi ani na áƒɔ kuye geen. Na sika atabi kpakplaa ani náƒɔ kuye na baalɔ-nya Saƒir na ndubuti lɛkya ɔma ɔmmɔ kowodu ɔka kalɔ.

Yeremia 13:27

Anwuɔsu ndubo bina adala bɔni budie-mii lɛlɔ na bɛsɔ bɛkɛ kasɔngya ku kɔƒa kɔƒa na ukyuli biala utaanu-mii. Amii ɔdi ɔ́sa na bɛ́yii udu! Bɛɛƒɔ́ taadi ka bɛdubɔsɔ bɛbla bekyuli bani mamanku ka bɛsɔ bɛkpali-mi?”

Yeremia 16:7

Ukyuli ɔdi uleti adila iye ntɛ bɔdi uleboku ulabasia kekwa bablane badi kɔnu na bana ɔti iye uni ɔdi kukpi kemmo.

Yeremia 2:34

Bɛ́du bekyuli bani nátabla-mii lɛla lɛdi kekeeke. Na ina ka bana ubugya ɔ́ƒɔ-mii adala lɛlɔ muedi ni,

Yeremia 48:26

Moab kadi bekyuli, bɛɛsu taatina ka bibo ɔyikun bitulo-mi. Nsu ɔƒɛni ni, ndubo kadi bamba bekyuli bɔsu na bete-mii ntɛ na bɛni bikpi. Na bataama-mi si uwi ɔni na ntɛ bɔmmɔ bútulo-mii na biibuli taatɛ amii alati bina kɔdala kemmo.

Yeremia 5:31

Kenye bediene baakɔ́ bana etemila lɛsa na baƒiɔ lɛnyi kemmo. Na mina bakpane baláwia ka babla-mi kabla. Na amii mina kadi bekyuli lɛnɔ bɛɛyɔ́-nwu lɛni! Na ɔgbankpi limeyi ni, ɔma na bɛdubo bukeli bɔtamiku bɛnii ubunku-mii?”

Yeremia 50:29

“Bikpoku Babilon amii nwuna bekisine atula bebone. Na bɛbla kakyakɔ bɛmana ɔma unengudi ɔmmɔ. Na bitaya na ɔdi biala ukeli ɔtɔlɔ. Babilon ɔ́ta na únye ɔ́siaku ami Katɔti kedee. Anwuɔsu ala ani na ɔ́bla lɛma linengudi bamba ni, amii lɛnɔ bɛbla-nwu lɛni kani.

Kɔnyana Buwulo 1:17

Sion údie enu na ɔɔwia ubunkune nsu útakɛ kɔnu ɔsiane. Unwoti ɔ́ya na kadi bekyuli bani náka bámana Sion báta bénye Yakob bebi ku bawɔ ƒui lɛlɔ. Yerusalem únwini aani lɛla lɛni muusé lɛlɔ na nwuna liku bekyuli ƒui anumi.

Kɔnyana Buwulo 1:21

“Ukyuli biala únu kalɛ na muudumo, nsu ukyuli biala uuubo na ɔsia-mi kɔnu. Na mina bekisine lɛnɔ bánu lɛbibo lɛni kemmo na éti-mi ákya báti. Na ɔmɛni ɔ́ya na baakɛ́ ebiti na mina lɛlɔ geen. Buvele, babla na ebo abáni-ma kɔtu na kenye kani na ése-mi ése kenye.

Kɔnyana Buwulo 2:13

Sion, dɛ na ndubɔkana-a kɔnu bɔsia na ƒula lɛbibo bonwu lɛmɛni kemmo? O Yerusalem, ɔma unengudi ɔbuni, bi na ndubɔkana na lɛsu lɛsiku-ɔ lɛlɔ? Na dɛ na ndubɔkana-a budie bɔlɛku kesii kani gbion aani ɛpu mɛni kemmo?

Kɔnyana Buwulo 4:1

Bébile sika ugyiedi ɔni náƒɔ kuye útulo ƒui na ɔsɔ ulékeye kalɛ na uukeye. Na bégyingya Katɔti kakpakɔ asɛɛ ebi ani náƒɔ kuye mmɔ béwi kuyeya na lɛblɔnu lɛlɔ.

Kɔnyana Buwulo 5:1

O bula Unwoti, tayiƒala bula lɛbibo ku kalɛ na béwi-bu anumi kalɔ.

Hosea 2:14

“Anwuɔsu ɔƒaani ni, ndubo-nwu bɔtɔlɔ buɛɛ buɛɛ butákya kalɔ kakwiidi kemmo na lɛdɔdɔ-nwu.

Seƒania 2:10

Ulu ɔmɛni lɛlɔ na ndubo Moab ku Amon kɔtu bɔni na bana lɛlɔ katɔ bɔkɔliku ku kalɛ na bédumi mina kadi bekyuli bani na lɛ́ƒuna na badi ami, Unwoti Ɔyikune Ƒui, badi ɔsu.

Yohane 11:19

Na Yudaƒuɔ pii bésie mmɔ bátásia Maria ku Marta kɔnu ka bana ɔnwani úkpi ɔsu.

Lɛkpa Ulu 26:7

Amu na búwulo bɔ́kpali Unwoti ɔni ndi bula bati kuuku Katɔti ka ubo ubebunku-bu. Na sɔsɔ ni, únu bula bɔkpali na ɔ́nu bula lɛbibo ku kalala kani kemmo bɔkya.

Lɛkpa Ulu 32:27

Nsu naaawia ka bana bekisine bataakun lɛmɛnɛ taasu banii, ‘Bɔ́di-ma lɛlɔ ɔni na kebunku kadi kátasi Unwoti kudɔ.’ ”

Lɛkpa Ulu 32:29

Ɔsika bátawia-nwu kemmo na banu lɛla lɛni ɔsu na bádi-ma lɛlɔ. Na belenu kalɔ lɛla lɛni ɔsu na ɔ́lɛ lɛni.

Petro 1 4:17

Litemi bɔtɛ limeyi lɛmmɔ líide, na Katɔti ɔdubɔka nwuna bekyuli litemi bɔtɛku. Na si abu nwuna bekyuli lɛlɔ na wese kalɔ lɛni ni, dɛ na ɔdubɔwɔlɔku bekyuli bani na bétemonku nwuna litemi buni lɛmmɔ bɔƒɔ bɔdi.

Samuel 1 1:11

Amu na ɔ́kpali ala úse kenye ɔnini, “O Unwoti Ɔyikune Ƒui, ƒula kabla ɔblane na ndi, nsu mina lɛlɔ libo kɔnyana. Taya na kɔnyana kɔdu-mi. Kɛ te-mi ubi ɔnanabi unwi pɛ na lɛwɔ. Na si énu-mi bɔkpali na ábla éte-mi lɛni ni, ndubɔsɔku ubi ɔmmɔ lite-ɔ kusɛ kusɛ nwuna ngba emeyi ƒui. Na ukyuli ɔdi ulékulo-nwu linwini kudii.”