Kɔnyana Buwulo 1:6 - Katɔti Ɔku Kedee

⁶ Kalɛ na Sion uukeye ɔ́yii udu, na nwuna batɔnkune báta bábla aani bakwa bani nsɔ naaakɛ́ taadi, anwuɔsu basɔ beeebo ɔyikun na bekeli na bagbini bammɔ kudɔ.

Kɔnyana Buwulo 1:6 ပူးပေါင်းရင်းမြစ်များ

Baga 2 19:21

Na lɛla lɛni na Katɔti ɔ́su ɔ́siku-nwu lɛlɔ ndi ɔnii, “ ‘Sion ubi ugblebi adagyaa úni-ɔ na ɔɔmá-a. Yerusalem ubi ulekubi, uuƒwimi nwuna lili ɔni na ékeli ésela.

Baga 2 25:4

Ɔmmɔ ɔsu ka bekpone báƒɛ awodu ammɔ ni, Yudaƒuɔ ɔga ku nwuna bekpone báwia kasiakɔ na békeli bátɔlɔ usien ɔmmɔ. Na ina ka Babilonƒuɔ báka bámana ɔma ɔmmɔ ni, bakɛ bagadine ɔƒɛƒɛɛ kaƒɔkɔ, na bátásia kayakun kani na awodu anyɔ ammɔ aasa. Na bakɛ mmɔ báda bálɛ Yordan Ketu kɔwɛ kemmo.

Baga 2 25:5

Nsu Babilonƒuɔ bekpone básia-ma kama na bétéƒie Sedekia na Yeriko, ɔsika nwuna bekpone ama békeli-nwu kudɔ bátɔlɔ bégyingya bákya amadɔ mmɔ bene.

Kɔgya 50:2

Katɔti uukeye taasiku Sion ɔma unengudi ɔni ndia ntulo ƒui mmɔ kemmo.

Kɔgya 96:9

Amii kalɔ lɛlɔ bekyuli ƒui biboku eli kalɔ na bimwi Unwoti ɔni nébomo na use kedee. Na lɛlɔ litaatɔ-mii ku liƒu na nwuna anumi.

Yesaia 1:21

“Bɛnu kalɛ na Yerusalem ɔma ɔni kemmo na balawia ala basa basa balanu ɔƒɛni amu úbenwini aani ɔyalɛ ɔni kudɔ banana lidu lidu beeduo taalɛ. Ɔma ɔni kemmo na nka bátaadi mina etemila lɛlɔ ulu lɛlɔ ku ala bɔbla siin ni, ɔƒɛni amu bekyuli badune néyi-nwu kemmo tɛɛ.

Yesaia 12:6

Amii bani nkya Sion ƒui bidie ɔnu ku kudu momoomo, ɔsika Israel Unwoti Kedee úbomo na bina akɔ.”

Yesaia 4:5

Na ɔmmɔ kama ni, Unwoti ɔdubɔya na liƒlukutu bonwu lɛdi lɛƒɔ Yerusalem ku bani ƒui na básala lɛlɔ na mmɔ na limeyi kemmo. Na usien ni, na ogya bonwu ɔdi utaada teekeye teewi kalɔ kammɔ ƒui lɛlɔ. Na Unwoti bukeye bubi-ma eli aani lɛkpɔtɔ.

Yeremia 13:18

Unwoti ɔnii nsu-mii ka ɔga ɔmmɔ ku uni ƒui badubɔta bana kuliekɔ na bebimi bana kɔgabwa.

Yeremia 29:4

Unwoti Ɔyikune Ƒui, Israel Katɔti, ɔnini, “Lɛ́ya na béti-mii bátɔlɔku Yerusalem bésienku Babilon kalɔ lɛlɔ. Na ɔƒaani ni, mɔɔsu-mii nnii

Yeremia 47:3

Si uwi ɔni na bínu ka bapɔnkɔ ku kɛɛkɛ kɔku kɔ́bwɛ kɔdubo ni, bina ɔtɔtɔ ɔdubɔgyu-mii na bawɔne badubɔda ama alati bana bebi bewi.

Yeremia 48:41

Badubo ƒula ɔma ku awodu ani mɔɔgyumana-a buƒie bɔƒɔ na ƒula kudɔ na liƒu liƒie ƒula bekpone.

Yeremia 52:11

Na bátu-nwu anumi bédie evuo kemmo na bákya-nwu ɔbuli báni-nwu bésienku Babilon bátákya-nwu ɔtɔ útédu uwi ɔni na úkpi.

Yeremia 52:13

Unengu ɔmɛni ɔ́kyula Katɔti kakpakɔ kammɔ na ɔ́kyula ɔga kesii ku lɛtɔ linengudi lɛni náƒɔ lɛnyi mmɔ ƒui ku bekyuli kɔduli lɛnɔ.

Esekiel 24:21

‘Kakpakɔ kani lɛlɔ na bɛɛkun lɛmɛni na bɛɛkali ka bibo bɔnwuna na lɛla biala lɛɛɛdubo-mii bɔbla mmɔ ni, unye kagyumana ka ɔkyula kakpakɔ kammɔ na kayii udu. Na badu bina bebi bani na belie Yerusalem ɔmwi.

Esekiel 24:25

Amu na Unwoti ɔ́su-mi ɔnini, “Esekiel, kébu blii kani na ndubo kakpakɔ kani lɛlɔ na bekyuli bése kayi ka bebo bɔnwuna bɔkyula na liti bana bebi lɛnɔ libunku.

Lɛkpa Ulu 28:25

Unwoti ɔdubɔya na bina bekisine badi-mii lɛlɔ. Na bɛdubɔsia ulu unwi bɛnii bitékpoku-ma, nsu bɛdubɔsia lilu maatɛ lɛlɔ bikeli bɛtɔlɔ. Na si ɔmɛni udu ɔ́lɛ lɛni ni, ɔdubɔbla kayawi bekyuli ƒui kalɛ kadi. Na badubuye lɛlɔ ka bi mɔɔlɛ́ na bina lɛlɔ mɛni.

Lɛkpa Ulu 32:30

Bi mɔɔlɛ́ ɔsu na ukpone ukisine unwi pɛ ɔ́bi ɔ́siaku Israelƒuɔ bekpone apim? Na bekisine bekpone inyɔ bábi básiaku Israelƒuɔ bekpone mpim leevu?