Kɔnyana Buwulo 1:4 - Katɔti Ɔku Kedee

⁴ Lilu lɛni ntɛ lísela Sion ƒui lɛtɛ kɔka ku kɔnyana ɔsika ukyuli ɔdi ɔsɔ ulásia-ni lɛlɔ na besie batádi bana emeyi buni adi. Nwuna ɔma unegudi lɛban kɔyakun ƒui kuse ukpludi. Na bakpane bammɔ beewulo teedumo. Banana bamba beebo teebeƒie-nwu badagyaa taatɔlɔku. Na kɔnyana ku ɔdu kati kati náƒɔ ɔma ɔmmɔ.

Kɔnyana Buwulo 1:4 ပူးပေါင်းရင်းမြစ်များ

Yesaia 3:26

Na Yerusalem lɛban kenye ƒui lɛdubuse aani bekyuli bani néduo kɔnyana, na beewulo bani nékpi. Na ɔma umodi ɔmmɔ ɔdubɔbla aani uleku ɔni náyu uwi kalɔkplu na ɔsɔ uuubo lɛla lɛla.

Yeremia 10:22

Buunú lɛsɛ lɛni ndanku ala bubile kɔku ɔ́siku kalɔ kammɔ katɔ kakɛ aani kayaa budu na ɔgyu kakaaka. Na blii nébu ɔƒɛni na bababwɛ-bu lɛma na bula kuliekɔ kunwini beƒukutu kuliekɔ.”

Yeremia 14:2

“Yuda ku Yerusalem, biteewulo na kalɔ kammɔ bɔkwii ɔsu.

Yeremia 9:11

Línu ka Unwoti uudie kenye ɔnini, “Si uwi ɔni na lɛ́wɔlɔ ku Yerusalem ku Yuda lɛma ƒui ni, mmɔ kadubɔsɔ kewi ukpludi aani alakpi lisu kesii kani na beƒukutu kani ndubo mmɔ bulie.”

Kɔnyana Buwulo 1:21

“Ukyuli biala únu kalɛ na muudumo, nsu ukyuli biala uuubo na ɔsia-mi kɔnu. Na mina bekisine lɛnɔ bánu lɛbibo lɛni kemmo na éti-mi ákya báti. Na ɔmɛni ɔ́ya na baakɛ́ ebiti na mina lɛlɔ geen. Buvele, babla na ebo abáni-ma kɔtu na kenye kani na ése-mi ése kenye.

Kɔnyana Buwulo 5:13

Na bénye bakloƒu lɛlɔ na baabla-ma kabla. Na bananabi bammɔ beeti egyuku bonwu bonwu.

Kɔnyana Buwulo 5:14

Na básɔ bétete kuƒi na bula litemi batɛne basu litemi lɛdi litemi katɛkɔ. Na bakloƒu basɔ beeebo kuƒi na bataagya agyala adi teedie lɛnu.

Hosea 2:13

Na ndubo-nwu kɔtu bɔni na uwi ɔni na úti ɔ́kpa Baal baƒiɔ na ɔ́kyula oloƒui úte-nwu kenye. Na ndubo-nwu kɔtu bɔni na uwi ɔni kemmo na údie-mi atu na ɔ́yiƒala-mi na úye kɔkwɛnimi ku asɛɛ lidu ɔ́kya atu ku limɔ ka ɔɔwia ka nwuna basɔnɔ bataayɔ-nwu ɔsu. Ami Unwoti nébimi kenye lɛ́su, na ndubo bɔbla bɔsiaku lɛni!

Lewiƒuɔ Ɔda Bubo 26:22

Na ndubudie beƒiebuo lɛkya-mii na beƒie bina bebi, na bayila bina bebuo ƒui udu kede kede, na bina bumomo bubo kalɔ geen, na ɔkɛnku ɔmmɔ ɔsu na bina lilu lɛtɛ kɔka ukpludi na bekyuli basɔ balasia-ni lɛlɔ.

Mika 3:12

Anwuɔsu na amii ɔsu ni, bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.