Kɔnyana Buwulo 1:21 - Katɔti Ɔku Kedee

²¹ “Ukyuli biala únu kalɛ na muudumo, nsu ukyuli biala uuubo na ɔsia-mi kɔnu. Na mina bekisine lɛnɔ bánu lɛbibo lɛni kemmo na éti-mi ákya báti. Na ɔmɛni ɔ́ya na baakɛ́ ebiti na mina lɛlɔ geen. Buvele, babla na ebo abáni-ma kɔtu na kenye kani na ése-mi ése kenye.

Kɔnyana Buwulo 1:21 ပူးပေါင်းရင်းမြစ်များ

Kɔgya 35:15

Nsu ka líduo ɔgbankpi kemmo ni, lɛlɔ mɔɔyɔ́-ma. Na bása lili mina lɛlɔ na baabla-mi kalala ɔni na lɛɛɛgyi-ma muedi.

Kɔgya 37:13

Nsu Unwoti Katɔti ɔɔmá bekyuli bekpidi bammɔ. Ɔsika ɔgyi ka bana emeyi asia ulu adubo na badubo-ma udu bɔyila.

Kɔgya 38:16

Ɔsika lívele-ɔ nnini, “Taya na mina bekisine bama-mi na bakun lɛmɛnɛ ka lígyile nnii muubuli ɔsu.”

Yesaia 14:5

Unwoti ɔ́ƒɛ balalane ɔgagyii, lɛlɔ badine bammɔ likposela,

Yesaia 14:6

lɛni na bada baadú bekyuli ku kɔnyi, na baláda baláya uwi ɔdi. Na ɔmmɔ udu na béti baadi kɔlɔ ƒui lɛlɔ, na balásɔ bana likyulikpi kama.

Yeremia 30:16

“Nsu si bina bekisine bákɛ kenyekɔ na banii bɛɛyú-mii iye bayila-mii udu ni, ami lɛnɔ ndubo-ma buyu iye lɛyila-ma udu. Na badubuƒie ama lɛnɔ besienku kaƒɔ ɔlɔgyu.

Yeremia 48:27

Lɛni na bɛ́kya mina bekyuli lɛlɔ lɛma na bɛɛbla-ma aani bakantankpine bani na béƒie na bana likyulikpi lɛdi bɔbla kemmo.

Yeremia 50:11

Unwoti ɔnini, “Lɛlɔ lɛ́yɔ-mii ka bíyu mina bekyuli. Bítuku lɛlɔ ku kudu momoomo aani bapɔnkɔ na bɛɛƒulu taavi ɔmantɛ bakɔ bakɔdi bani muuwila edula ebi.

Yeremia 50:15

Bikpo-ma na lɛƒɛnyi lɛlɔ! Babilon úte lili! Bekisine bammɔ báƒɛ-ma awodu ƒui béwi kalɔ ku bana kɔgyumanakɔ kɔmmɔ ƒui. Lɛla lɛni na Babilonƒuɔ bábla lɛma linengudi bamba ni, ami lɛnɔ muudie-ma kasi kammɔ.

Yeremia 50:29

“Bikpoku Babilon amii nwuna bekisine atula bebone. Na bɛbla kakyakɔ bɛmana ɔma unengudi ɔmmɔ. Na bitaya na ɔdi biala ukeli ɔtɔlɔ. Babilon ɔ́ta na únye ɔ́siaku ami Katɔti kedee. Anwuɔsu ala ani na ɔ́bla lɛma linengudi bamba ni, amii lɛnɔ bɛbla-nwu lɛni kani.

Yeremia 50:31

Babilon, ɔlɛka basia-a lɛnyi banii, ‘Lɛlɔ Katɔ Ɔtalane.’ Nsu uwi údu na ami Unwoti Ɔyikune Ƒui lɛni-ɔ kɔtu.

Yeremia 51:24

“Nsu ɔƒaani ni, mina bekyuli badubunye banu uwi ɔni na muudie-mii kasi na kalɛ na bɛ́bla Sion kenye.

Yeremia 51:49

“Ɔlɛka bekpeli Babilon bebo, ɔsika ɔ́du Israel ku kadi bamba bekyuli pii.

Kɔnyana Buwulo 1:16

“Ɔmɛni ɔsu kɔnyana kani na muuwulo, na imii bɔ́ƒɔ-mi anumi uwi ƒui. Na ukyuli ɔdi uuubo na ɔsia-mi kɔnu iye ɔkya-mi ogya lɛnɔ. Kekpo kádi-mi lɛlɔ na mina bekyuli beebó abi.”

Kɔnyana Buwulo 1:2

Keku kani nda usien umodi. Na imii bɔɔgbá-nwu anumi ƒui. Na útakɛ ukyuli ɔni na ɔsia-nwu kɔnu na nwuna bayɔne ƒui akɔ. Mmomu bénwini-nwu bekisine ɔƒaamu.

Kɔnyana Buwulo 1:22

“Taya na bana ekpidi ani baabla avi-ɔ anumi. Mmomu ni-ma kɔtu kpakplaa geen aani kalɛ kani na áni ami lɛnɔ kɔtu na mina ekpidi ɔsu. Lɛ́yila lɛnunsia biala, na naaada budumo taaya lɛnɔ.”

Kɔnyana Buwulo 1:4

Lilu lɛni ntɛ lísela Sion ƒui lɛtɛ kɔka ku kɔnyana ɔsika ukyuli ɔdi ɔsɔ ulásia-ni lɛlɔ na besie batádi bana emeyi buni adi. Nwuna ɔma unegudi lɛban kɔyakun ƒui kuse ukpludi. Na bakpane bammɔ beewulo teedumo. Banana bamba beebo teebeƒie-nwu badagyaa taatɔlɔku. Na kɔnyana ku ɔdu kati kati náƒɔ ɔma ɔmmɔ.

Kɔnyana Buwulo 1:8

Ekpidi bonwu ani na Yerusalem ɔ́bla ɔsu bekyuli béti ɔma ɔmmɔ bénwini lɛmala. Na bekyuli bani na nka baabu ɔma ɔmmɔ beekisi-nwu ɔƒaamu, ɔsika údie lɛlɔ kasɔngya na únwini anumi ku kɔƒa ku keku ku edumo.

Kɔnyana Buwulo 2:15

Belusiene bani mɔɔsia mmɔ taavi baakunku eli na bapii, na beedumi-ɔ taama-a banini, “Ɔma ɔbuni ɔni na bátaalɔ banii bɔdia ku bɔdia na adi kadi ƒui lɛlɔyɔ na ɔdi mɛni ɔƒɛni?”

Kɔnyana Buwulo 2:16

Sion, ƒula bekisine beedumi-ɔ taama banii “Útakɛ-ɔ kaduɛ, lɛni geen na bɔɔwia ɔ́si kukuuku ka bubile-ɔ na bɔyila-a udu. Na ɔmwi limeyi lɛmɛni na bɔ́kɛ-ɔ sɔsɔ.”

Esekiel 26:2

“Esekiel, ɔyawine ubi, Tiro ɔma unengudi bekyuli bátɔ ku lɛlɔyɔ lɛnu budie ka bekisine békpo Yerusalem na badi-nwu lɛlɔ na baasu banini, ‘Yerusalem úbuli! Uwi ɔni návi ni, badi kadi bekyuli bani na bebo ɔkplu geen na mmɔ kadi kuye kadikɔ kenengudi geen lɛnɔ. Na ɔƒaani ni, ɔmmɔ ɔ́yii udu na úbo kalɔ. Na abu ndubo-ma kenye bɔƒɔ ɔƒaamu.’

Yoel 3:14

Bekyuli mpim mpim báƒɔ Litemi Bɔtɛ Ɔkwalɛ ɔmmɔ! Na Unwoti Limeyi lɛmmɔ lɛnɔ líidu lɛ́wɔlɔ.

Budie Taatina 18:6

Amii Katɔti batu ni, bɛƒɔ-ma kayu na lɛla lɛni na bábla Katɔti kenye. Na bɛƒɔ-ma kayu kammɔ akpa anyɔ na bana ablala kenye. Ala ani na ɔma ɔmmɔ ɔ́sala aani ɔdu ala na ɔɔƒɛɛ kemmo úte bekyuli na báni ni, bɛsala ɔdu ɔmmɔ akpa anyɔ na ɔɔƒɛɛ ɔmmɔ kani kemmo na bite nwuna bekyuli na bani!