Kɔnyana Buwulo 1:20 - Katɔti Ɔku Kedee

²⁰ “Unwoti, elenwini alanu kalɛ na lɛla lɛmɛni liikpóku-mi? Kaƒɔ kébo-mi likpo na kayi kaakpulu-bu, ɔsika lɛ́lɛ-ɔ kama na ńtenu ƒula litemi. Bádu bekyuli na lɛblɔnu lɛlɔ ku kɔduli kemmo lɛnɔ ƒui.

Kɔnyana Buwulo 1:20 ပူးပေါင်းရင်းမြစ်များ

Hiob 30:27

Lɛƒɛda lɛ́ƒɔ-mi lɛlɔ kemmo ƒui na nnye muususu lɛlɔ uwi ndi uwi. Na lɛbibo kani náƒɔ-mi ngba emeyi ƒui kemmo.

Hiob 33:27

Na si úbo ute lɛni ni, ɔɔsu na kadi ƒui anumi ɔnini, ‘Lɛ́bla likpidi na mina ɔdi útatɛ. Nsu Katɔti útani-mi kɔtu kɔni na nka ɔ́manku ka ɔni-mi.

Kɔgya 22:14

Mina ekubi ányonu lɛlɔ. Mina ɔlɔkplu ɔ́tɔlɔ na línwini aani kalɛ na beewilimi ntu teewi kalɔ. Na mina utu ɔɔyɛlɛ aani banwɛnwɛ lɛyu.

Kɔgya 38:8

Lɛ́bla kpɛtɛ kpɛtɛ aani ukyuli ɔni náƒɛ uwi kalɔ na edumo kani nda, na muubó abi na mina kayi kemmo.

Agba 28:13

Bekyuli bani muuti ala teebi bana ekpidi ni, ala aládianku-ma. Nsu si bédie-nya kalɔ na béni-nya ni, Unwoti ɔdubɔnu-ma kɔnyana.

Yesaia 16:11

Mina kayi keewulo ku Moabƒuɔ kɔnyana aani si ɔbentaa na nda muudie kɔnyana lɛnu, na Kirhaset litemi liikpóku-mii geen.

Yesaia 38:14

Mina lɛdi lɛ́sani, na lɛsɔ lilalɛ aani lɛsɛɛmɛɛ mɔɔva, na muudumo aani abloduma. Mina anumi asɔ alanu kaduɛ, anwuɔsu lɛ́kɔliku anumi mɔɔnu katɔ. Ala eekpóku-mi, O Unwoti, bo na ebebunku-mi.

Yeremia 14:18

Mɔɔnu kalɛ na bani bádu na kekpokɔ bewi alakpi akɔ. Na mɔɔnu kalɛ na kɔka kɔɔdú bekyuli lisu bani nkya lɛma kemmo lɛnɔ. Nsu ɔmɛni ƒui kenye bediene bammɔ ku bakpane bewi bana kabla lɛlɔ na belenu lɛla lɛdi kalɔ ɔ́si lɛla lɛni mɔɔlɛ́ lɛlɔ.”

Yeremia 14:20

Abu ku bula bati kuuku ƒui bɔ́ƒiɔ-ɔ na ɔni na bɔ́ta búnye-ɔ lɛlɔ ɔsu.

Yeremia 2:35

bɛ́mu binye bɛɛsu kpakplaa ka likpidi lɛdi lɛɛɛma-mii lɛlɔ. Na bɛɛwia ka lɛda kɔnyi buti taakya-mii lɛya. Anwuɔsu ami ku-mii bɔdubo litemi katɛkɔ bulie na bɔnu ukyuli ɔni ɔdi nátɛ.

Yeremia 3:13

Bɛtuna ka bɛ́ta bínye-mi lɛlɔ, na bɛkpa baƒiɔ bamba na egyii enengudi ƒui kalɔ na kesi kesii.

Yeremia 31:20

Israel kadi bekyuli, ami ɔlati mina bebi bani mɔɔyɔ́ geen na bɛdi. Ɔɔɔdi ami na mɔɔyɔ́ teetulo ƒui na kadi bekyuli akɔ yoo? Ina ka muubó-mii lɛnimi enwu ku kɔnyi taasu ka ndubo-mii bɔtina ni, bɔyɔ na mɔɔyɔ́ ka bɛni bide-mi na lɛnu-mii kɔnyana. Ami Unwoti násu.

Yeremia 4:19

Naaakana lɛbibo lɛmɛni kenye bunye! Mina utu uubó momoomo geen, na muususu lɛlɔ ku kɔnyana bonwu. Muunú ka bekisine bekpone baavwi kekpo kati bute lise na naaakana kenye bubile bɔsɔ bulie kpoo.

Yeremia 48:36

“Muunú ɔlɛ geen teete Moabƒuɔ na mina kayi kemmo aani kalɛ na ɔɔbla ukyuli si beedie ɔkwanu na lɛtoloyii lɛlɔ. Na muuwulo Kir-Heres kɔnyana, ɔsika nwuna lɛkɔ ƒui lɛ́yii udu.

Kɔnyana Buwulo 1:11

“Budumo sɔɔn na mina bekyuli beedumo taawia bana limeyi lɛdila. Na beeti bana ala ani náƒɔ-ma kuye teeye, na basɔku beye lɛla blii lɛni kani na badi belie ngba.” Yerusalem ɔ́kpali Unwoti ɔnini, “Buvele, nwini nu-mi na anu kalɛ na lɛ́yii udu.”

Kɔnyana Buwulo 1:18

“Unwoti ablala ƒui ese siin. Na ami mmomu, néni na neeenu-nwu litemi. Na ɔƒaani ni, mɔɔsu-mii nnii binwini bɛnu abi ani na muubó. Béƒie-mi bakloƒu ku begblebi ƒui bátɔlɔku bésienku kaƒɔ.

Kɔnyana Buwulo 1:8

Ekpidi bonwu ani na Yerusalem ɔ́bla ɔsu bekyuli béti ɔma ɔmmɔ bénwini lɛmala. Na bekyuli bani na nka baabu ɔma ɔmmɔ beekisi-nwu ɔƒaamu, ɔsika údie lɛlɔ kasɔngya na únwini anumi ku kɔƒa ku keku ku edumo.

Kɔnyana Buwulo 1:9

Nwuna ekpidi énwini ala éduo-nwu adala na uleti kasusu lɛla lɛni ndubo-nwu bɔlɛku na uwi ɔni ntɔ-nwu anumi adubo lɛlɔ. Anwuɔsu Yerusalem kalɔ bubo bɔdi kɔnyana litemi bonwu, na ukyuli ɔdi uuubo na ɔsia-nwu kɔnu uwi ɔni na ɔ́su ɔnini, “Unwoti, nu kalɛ na mina bekisine bádi-mi lɛlɔ na muubó abi na anu-mi kɔnyana.”

Kɔnyana Buwulo 2:11

Mina anumi asɔ alanu na keku ɔsu, na mina kaƒɔ kébo-mi likpo na ɔ́ya na mina lɛlɔ ekpo ƒui aadu-mi. Ɔdu ɔ́ƒɔ-mi lɛlɔ kemmo ƒui, ɔsika mina bekyuli báyii udu na bebi ku bebiwɔ báƒɔ lɛlɔ bewi ɔma unengudi ɔmmɔ lɛblɔnu ƒui lɛlɔ beekpi ku kɔnyana ɔni na lɛblala liiibo.

Kɔnyana Buwulo 5:16

Yerusalem ɔ́yila nwuna bukeye! Na abu ɔdi ɔ́sa, na bɔ́yii udu na bula ekpidi ɔsu.

Esekiel 7:15

“Kekpo ku lɛlɛ ku kɔka kɔ́ƒɔ kesi kesii! Na badubo bekyuli bani nkya akpaklɔ bɔdu na kekpokɔ. Na bani nli lɛma kemmo badubo bukpi na kɔka ɔsu iye lɛlɛ likpidi ɔsu.

Daniel 9:5

Nsu bɔ́bla alaekpidi bonwu na bɔ́ƒiɔ-ɔ geen na bɔ́ta búnye-ɔ lɛlɔ, na búni ƒula ɔda bubo ku ala ani na átina-bu.

Hosea 11:8

“Israelƒuɔ, naaakana-mii bɔnyonu lɛni iye lidie-mii atu. Na naaakana makyula-mii aani kalɛ na lɛ́bla Adma ku Seboim. Oowo, uladia-mi bɔbla lɛni, ɔsika mina kayi kelete-mi kuƒi na kalɛ na mɔɔyɔ́-mii ɔsu.

Habakuk 3:16

Ka lɛ́nu kɔyu kemmo ala budie taatina bɔmɛni ɔ́siku Unwoti linyesia lɛmɛni lɛlɔ ni, liƒu lɛni náda-mi ɔ́ya na lɛ́bla kpɛtɛ kpɛtɛ na mina enyekuli kani mɔɔtɔ́ kpakpaakpa. Na ɔ́bla-mi aani bɔyɛɛlɛ na mina ekubi ada na mina lɛlɔ kemmo, na ɔɔbla-mi gbanta gbanta. Nsu ndubɔkɛ kayi na linye kpoo ntaanu ulu teete limeyi lɛni na Unwoti ɔdubɔkyula bekisine bekpidi bamɛni.

Lɛkpa Ulu 32:25

Na kekpo kalɛ na bekyuli bekpi beyile lɛblɔnu, na liƒula libeyi kɔduli kemmo. Na bakloƒu ku begblebi badubo bukpi. Na banamu ku benengu lɛnɔ balanu-ma kɔnyana.