Kɔnyana Buwulo 1:18 - Katɔti Ɔku Kedee

¹⁸ “Unwoti ablala ƒui ese siin. Na ami mmomu, néni na neeenu-nwu litemi. Na ɔƒaani ni, mɔɔsu-mii nnii binwini bɛnu abi ani na muubó. Béƒie-mi bakloƒu ku begblebi ƒui bátɔlɔku bésienku kaƒɔ.

Kɔnyana Buwulo 1:18 ပူးပေါင်းရင်းမြစ်များ

Baga 1 13:21

na ɔ́va ɔ́su kenye udiene ɔni nási Yuda mmɔ ka lɛni na Unwoti ɔɔsu ɔnini, “Átabu Unwoti litemi na átadi ɔda ɔni na Unwoti ƒula Katɔti úbo-ɔ lɛlɔ.

Esra 9:13

“Ala ani nálɛku-bu ƒui ni, ɔkɛnku bula likyulikpi ku alaekpidi bonwu ani na bɔ́bla ɔsu na úbo-nwu kemmo lɛni. Nsu awɔ bula Katɔti átani-bu kɔtu kɔni námanku bula ekpidi na áya na bula akɔ badi búbu bulie ngba.

Nehemia 9:26

“Nsu báyu atuɔkplu na báta bénye-ɔ lɛlɔ. Na béti ƒula ɔda bubo bábala bana kama. Na bádu ƒula kenye bediene bani bákya-ma ɔkplu ka nka benwini bebo-ɔ kudɔ. Na bétemi enyekpi ani mɔɔda lɛƒu béwi-ɔ.

Nehemia 9:33

Na ala amɛni ƒui bɔlɛ kemmo ni, édie atina ka aabla ala ulu lɛlɔ. Na abu mmomu ni, bula ɔdi naaadia.

Kɔgya 107:11

Ɔsika báta bénye Katɔti Ɔyikune Ƒui lɛlɔ na béni nwuna bɔlɛ.

Kɔgya 119:137

Unwoti, awɔ nse siin na aatɛ litemi ulu lɛlɔ.

Kɔgya 119:75

Ngyi ka ƒula litemi bɔtɛ buse siin. Na ɔkɛnku kalɛ na asia ƒula litemi kama ɔsu na áni-mi kɔtu.

Kɔgya 145:17

Unwoti use siin na ulu biala lɛlɔ, na ubo lɛƒɔndia na nwuna ablala ƒui kemmo.

Israelƒuɔ Bɔlɛ 9:27

Amu na Ƒarao ɔ́tala na bálɔ Mose ku Aaron béte-nwu. Na ɔ́su-ma ɔnini, “Ɔƒaani lɛ́nu lɛ́ti ka lɛ́ƒiɔ geen na líte Unwoti ubo ka ami ku mina bekyuli ɔdi ɔɔɔdia.

Yeremia 12:1

Unwoti, uwi biala na lɛ́su-ɔ ala ani muukpóku-mi ni, eenú na aabla lɛla biala na ulu siin lɛlɔ. Nsu ɔƒaani ni, mbo ala adi na liye-ɔ ɔ́siku kalɛ na aatɛ etemila lɛlɔ. Bi ɔsu na mɔɔnu aani ka ngba buse buɛɛ bute alaekpidi bablane? Na bi ɔsu na bana ala ƒui aatɛ teete-ma?

Yeremia 32:23

“Nsu ka kalɔ kamɛni kétuku bula bati kuuku lɛkɔkɔ ni, bétenu ƒula litemi na badi-ni lɛlɔ. Na ɔƒaani ni, áni Israel kalɔ kemodi kammɔ kɔtu ku ɔgbankpi lidu.

Yeremia 49:12

“Na kadi bani bekyuli na útalɛka nka bani-ma kɔtu muedi ni, badubo mina kɔnyi bɔni aani kalɛ na baaní lɛla lɛdi na ɔɔƒɛɛ kemmo na bebo abi. Anwuɔsu bina ɔdi ulakana bulekeli.

Kɔnyana Buwulo 1:12

“Amii bani mɔɔví, bɛɛɛdaku-ni? Bɛnu si ɔdi ɔsɔ uubó bula abi amɛni udu. Lɛbibo lɛni kemmo na Unwoti ɔ́ya na líduo na nwuna kɔnyi kpakplaa ɔsu.

Kɔnyana Buwulo 3:42

“Bɔ́bla alaekpidi bɔ́ƒiɔ, na bɔ́ta búnye-ɔ lɛlɔ, na éteti tɔ átakyiɛ-bu!

Kɔnyana Buwulo 5:16

Yerusalem ɔ́yila nwuna bukeye! Na abu ɔdi ɔ́sa, na bɔ́yii udu na bula ekpidi ɔsu.

Daniel 9:5

Nsu bɔ́bla alaekpidi bonwu na bɔ́ƒiɔ-ɔ geen na bɔ́ta búnye-ɔ lɛlɔ, na búni ƒula ɔda bubo ku ala ani na átina-bu.

Daniel 9:7

“Bula Unwoti, lɛla biala na ábla lɛdia, nsu bula anumi eewi kalɔ na bekyuli ƒui anumi, ɔsika bɔ́lɛ ƒula litemi kama na bɔ́bla alaekpidi. Na abu Yudaƒuɔ ku Yerusalemƒuɔ ku Israelƒuɔ ƒui bani nde mɛni ku bani na bakya kaƒɔ ɔlɔgyu ƒui nábla ala amɛni udu. Na bani lɛnɔ na áya na bákpanku bátɔlɔku bésienku kɔlɔ bamba kemmo lɛnɔ bábla ala amɛni.

Amos 8:13

Na bakloƒu ku begblebi bayikune muedi badubo bubuli si uwi ɔmmɔ údu na kɔka kɔmmɔ ɔsu.

Seƒania 3:5

Alaekpidi bablane bammɔ basɔ baaagyi kɔƒa, nsu Unwoti ɔɔbla ala siin uwi biala. Na ɔɔnu ka kadi biala negye ni, ɔɔtɛ litemi ulu lɛlɔ siin.

Sakaria 1:6

Nsu ka béni mina etemila ku bɔlɛ bɔni na mina kenye bediene bálɛ-ma ɔsu ni, básiaku lɛla lɛni na baawia. Anwuɔsu bénwini bébevele-mi banini, “Unwoti Ɔyikune Ƒui, áni-bu kɔtu kɔni námanku bula ekpidi ani na bɔ́bla aani kalɛ na ásu ése.”

Romaƒuɔ 2:5

Na ka bina atu ebo ɔkplu na bítenwini kayi ɔsu ni, Katɔti ɔdubo-mii kɔtu bɔni geen na limeyi lɛni na údie úse lɛlɔ ka ɔdubɔtɛku bayawine ƒui litemi na nwuna ulu siin lɛlɔ.

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Lɛkpa Ulu 32:4

Na Unwoti ndi bina lɛtakpɛ lɛni na bíkpo kama, na nwuna ablala ƒui ese siin, na bɔƒiɔ bɔdi buuubo-nwu kemmo. Bina Unwoti ablala ƒui adi sɔsɔ, na ɔɔbla ala ani nse siin na akɛ ulu lɛlɔ.

Litemi Batɛne 1:7

Amu na Adoni-Besek ɔ́su ɔnini, “Líkulo baga liti ku aavlanyɔ lɛgba ku enu animigya ƒui. Na adila ani nálɛ ébo mina kadikɔ na lɛ́ya na bála bádi. Na ɔƒaani ni, kalala kani na lɛ́bla-ma kayu na Katɔti ɔ́ƒɔ-mi úti údie-mi kasi.” Na béti-nwu bésienku Yerusalem, na útékpi mmɔ.

Samuel 1 15:23

Ɔsika si elenu Unwoti litemi na adi-ni lɛlɔ mmomu aatalaku lɛlɔ katɔ na ƒula likyulikpi ɔsu ni, átavumanaku bekyuli bani mɔɔkpá baƒiɔ na beeye-ma ala teenu. Na ka éni Unwoti litemi ɔsu ni, anwu lɛnɔ úni-ɔ ka asɔ adi ɔga na nwuna bekyuli lɛlɔ.”