Kɔnyana Buwulo 1:15 - Katɔti Ɔku Kedee

¹⁵ “Awɔ Unwoti, éni mina bekpone na édie bekpone bamba ákya-mi ka babayila mina bakloƒu bekpone udu. Yuda use aani uleku ɔni na nka bétetuku-nwu kudii, nsu anwu nénwini ukyuli ɔni na baanya teesusu aani kalɛ na baamana egyiibi ntu teewi ntɛ kewikɔ.

Kɔnyana Buwulo 1:15 ပူးပေါင်းရင်းမြစ်များ

Baga 2 9:33

Na Yehu ɔ́su bekyuli bammɔ ɔnini, “Biƒwimi-nwu bɛlɛku ɔtɔ liƒi kalɛmikɔ mmɔ.” Amu na ama lɛnɔ béƒwimi-nwu báva kalɔ. Na nwuna ubugya úwi lɛwoduku lɛlɔ ku bapɔnkɔ bammɔ lɛlɔ na kalɛ na bánya-nwu bávi ɔsu.

Kɔgya 119:118

Awɔ muuní bekyuli bani ƒui na baládi ƒula ɔda bubo lɛlɔ. Na bana ɔkɔ ala bɔbla ƒui bɔdi kɔkwɛ kukpludi kɔni neeebo kɔsia.

Yesaia 28:18

Na lɛla lɛni na bínyimi ku kukpi ku kaƒiɔtɔ mmɔ ƒui ɔbla kekeeke. Na si kawɔlɔkɔ lɛbibo kpakplaa lɛmmɔ lídu ni, lɛdubo-mii bubo bɔva kalɔ.

Yesaia 41:2

“Ɔma náƒuna lɛlɔ ɔdine ɔmɛni ɔ́siku ɔƒɛ katukɔ ɔnii ubabla-nwu kabla na ulu siin ɔmɛni lɛlɔ? Na ɔma náya na ɔɔdi kadi bekyuli ƒui ku baga baga lɛlɔ na uuboku-ma kalɔ? Na nwuna kewii ku atula eesusu-ma na beenwíni ɔtumu ɔni na ɔƒɛƒɛɛ uubó taavinku?

Yesaia 5:5

“Bɛya na lɛsu-mii lɛla lɛni na ndubo mina adingyii kemo bɔbla. Ndububile ɔban ɔni na lɛ́gyi lɛ́kya-ka na kayii udu. Na ndubɔƒɛ awodu ammɔ ƒui liwi kalɔ na bataanya-ka teesusu.

Yesaia 63:3

“Ami lɛti nákɔ-ma ƒui lɛ́bwɛ lɛni aani egyiibi na mina kɔnyi kemmo! Kadi badi bétebunku-mi. Na mmɔ na bana ubugya úduo-mi awu.

Yeremia 13:24

“Ndubo-mii bubo bugyingya aani kalɛ na ɔƒɛƒɛɛ ɔni muukpó na kalɔ kakwiidi lɛlɔ uubo aƒaaƒa teedie kamu ebi kemmo si baaƒɛ́-nya.

Yeremia 14:17

“Yeremia, sie na atásu-ma ala amɛni ƒui ku kalɛ na ƒula lɛlɔ kemmo kaabla-a taasiku ala amɛni lɛlɔ.” Anwuɔsu lɛ́su-ma nnini, “Imii bɔdubɔƒɔ-mi anumi usien ku ɔƒɛ, ɔsika mina kadi bekyuli badubo ɔlɛ ukpidi bɔƒɔ ɔni ndubo-ma bɔdu.

Yeremia 18:21

Nsu ɔƒaani anwu útulo-mi na muuvele-ɔ nnii ya na kɔka kɔdu bana bebi na bekpi iye badu-ma na kekpokɔ. Na aya na banana bekpi na bana beleku kudɔ na ɔlɛ ɔdu bana bebi na babla-ma kalala na bekpi.

Yeremia 37:10

Ina bɛ́di-ma lɛlɔ muedi ni, bekpone bani náƒɔ ɔlɛ, nsu bétekpi mmɔ badubo na bɔsi bana adi nvo kemmo bebo na batu ogya Yerusalem ɔma umodi ɔmmɔ.”

Yeremia 50:26

Amii Babilon bekisine bɛsi ɔlɔgyu kakaaka ƒui bibo! Na bɛsala bana antabi edula udu ƒui bɛsiku bana linwu kemmo na bɛkyula-nya ku ala bamba biala na bebo ƒui.

Yeremia 51:34

“Yerusalem, bɛsu bɛnini, ‘Ɔga Nebukadnesar ɔ́ya na bɔ́gyini. Liƒu kebweyi kammɔ kéti-bu ku bula akɛla kése lɛlɔ lɛmwi na abu bɔ́sɔ bɔkya ukpludi. Úti-bu ala ani na ɔɔwia úbweli na útuo akladi úwi.

Yeremia 6:11

Ƒula kɔnyi kɔni na ákɛku Yudaƒuɔ ɔ́ya na mina lɛlɔ kemmo kaada aani ogya, na nsɔ naaakana ɔkplu bɔkya, na ɔmmɔ ɔsɔ ɔkya-mi lɛlɔ kemmo lɛni.” Unwoti ɔnini, “Tetile-mi kɔnyi ulu! Ya na kubo bekyuli ƒui lɛlɔ, banamu bani nli kaƒiakɔ ku benengu ku bakɔdi ƒui lɛlɔ.

Kɔnyana Buwulo 2:21

Benengu ku banamu ƒui békpi bewi lɛblɔnu lɛlɔ ɔni na badi mina bekyuli. Na ɔkɛnku ƒula kɔnyi ɔsu ni, bekisine bébeyi mina bakloƒu ku begblebi ƒui bádu kalala kemmo.

Kɔnyana Buwulo 3:34

Bɛsɔ bitataakɔ taanya batɔntɛne eli teesusu.

Daniel 3:13

Ɔmɛni ɔsu Ɔga Nebukadnesar ɔ́kɛ kɔnyi geen, na ɔ́ya na bététiku-ma béboku.

Yoel 3:13

Bɛlɛku bina asaaka na bikulo-ma ƒui biwi kalɔ aani kamu kani négyie. Na bɛnya-ma bisusu aani kalɛ na baamana egyiibi ntu teeyile ntɛ kebulokɔ. Bana ulikplu ala bɔbla bɔ́bɔ bɔ́gya.”

Mika 7:10

Amii mina bekisine bani mɔɔsu bɛnii, “Unwoti ɔɔɔdubo-nwu bɔkana bubunku” ni, bɛdubɔnu ɔmɛni na kɔƒa kukpo-mii. Na ami mmomu ndubo bɔnu kalɛ na bɛdubo bubuli na banya-mii bavi aani ulu ntɛ aba.

Malakai 4:3

Uwi ɔni na ndububo mbatɛ litemi mmɔ ni, bɛdubɔnya bɛvi bekyuli bekpidi lɛlɔ bisusu aani si ntɔ na badi na bina lɛgba kalɔ. Ami, Unwoti Ɔyikune Ƒui, násu!

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Lɛkpa Ulu 28:33

Na ɔgyu kakaaka kadi bekyuli badubo na babaƒɛ bina edula ani bíbo abi bɛ́va batɔlɔku, nsu baaadubo-mii kayu kadi bɔƒɔ. Lɛbibo kama lɛbibo na bɛdubɔnu.

Hebriƒuɔ 10:29

Bekyuli bani manu Kristo ubugya aani lɛla lɛni neeese kedee ni, bɔgyi ka Katɔti ɔdubo-ma kɔtu bɔni geen! Ɔsika beedumi Katɔti Kɔyu kɔni mɔɔbla-bu lɛƒɔndia na baanu Katɔti Ubidi aani ɔɔɔdi lɛla lɛdi. Nsu ubugya ɔmmɔ na Katɔti úti ɔ́ƒɔ ekpidi údie-ma lɛlɔ, na ubugya ɔmmɔ kani na úti úse bunyimi bɔmmɔ likpo.

Budie Taatina 19:15

Na litemi geen lɛni nse aani kewii kani bádɔ-ka lɛvi inyɔ lɛɛlɛ́-nwu kenye kani na ɔdubuti ukpo kalɔ ƒui bekyuli, na uti nwuna ɔyikun utaadi-ma lɛlɔ. Na ɔdubɔni-ma kɔtu kpakplaa ku Katɔti Ɔyikune Ƒui kɔnyi geen aani kalɛ na baaka ntu teedie ebi kemmo kpakplaa na ntɛ kablakɔ.

Litemi Batɛne 10:8

Na akwa leevu-maane sɔɔn bekyuli bamɛni bakya baanya Israelƒuɔ bani nlie bésie Yordan ɔƒɛ katukɔ na Gilead, na Amoriƒuɔ kalɔ lɛlɔ taakya, na baabla-ma kalala.