Kɔnyana Buwulo 1:14 - Katɔti Ɔku Kedee

¹⁴ “Ébo mina ekpidi áda-mi ɔkwɛ, na aayu-mi unu, na mina ɔyikun ɔ́sa. Áya na mina bekisine bákɛ ɔyikun na mina lɛlɔ, na bákɔ-mi básɔ ɔni na bebo ɔyikun bétulo-mi.

Kɔnyana Buwulo 1:14 ပူးပေါင်းရင်းမြစ်များ

Agba 5:22

Ukyuli ukpidi ni, nwuna ekpidi lɛlɔ na baasia teeƒie-nwu. Na nwuna ablala muunwíni kɔbuli kɔni muudie-nwu.

Yesaia 14:25

Ndubo Asiriaƒuɔ udu bɔyila na mina kalɔ, na lɛkɔ-ma lɛbwɛ kpɛtɛ kpɛtɛ na mina kɔbi lɛlɔ, ama bani nákɔ belie mina bekyuli lɛlɔ, na lidie bana lɛbibo kɔgba kɔni nda Israelƒuɔ, na bana etila atimi mina bekyuli lɛlɔ.”

Yesaia 47:6

Kɔnyi na líti lɛ́kya mina bekyuli anwuɔsu na lɛ́ya na bíƒie-ma kalɔ bɛ́ƒɔ, na bɛ́ya na kɔƒa kúkpo-ma na anumi éwi-ma kalɔ. Bítanu-ma kɔnyana munu munu, mmomu bɛ́bla-ma kalala útédu bana benengu ƒui lɛlɔ.

Yeremia 25:9

Na ɔƒaani ni, ndubo bɔya na kadi bekyuli bani nási kalɔ kammɔ katɔ kakɛ bebékpo-mii na ɔni ntulo ƒui ndi mina kabla ɔblane Nebukadnesar ɔni ndi Babilonƒuɔ ɔga. Amii ku bina liku bekyuli kɔlɔ lɛlɔ bekyuli ƒui bɛdubo bukpi na bina lɛma ku kɔlɔ ƒui kɔdubɔsɔ kuwi ukpludi na lɛla biala lɛyii udu. Na ɔtɔtɔ bonwu ɔdubɔgyu ukyuli biala manu ɔmɛni, nsu ɔmmɔ ƒui kama bɔma kani na badubo-mii na beteedumi-mii.

Yeremia 27:12

Kama ɔni na lɛ́tɛmiku benengu bani nási amadɔ mmɔ lɛ́wɔlɔ ni, lɛ́tɔlɔ lísie Ɔga Sedekaia kudɔ na ńtásɔku lɛla lɛmmɔ kani lɛ́su-nwu anwu lɛnɔ nnini, “Sedekaia, si awɔ ku Yudaƒuɔ ƒui bɛɛwia ka bilie ngba ni, binu Ɔga Nebukadnesar ku Babilonƒuɔ litemi.

Yeremia 27:8

“Limɔ abalala amɛni enye ete Ɔga Nebukadnesar ɔyikun ɔni na ɔdubo bɔkɛ. Na ndubɔyila kalɔ kani bekyuli naaadubo-nwu litemi bunu. Ɔga Nebukadnesar ɔdubo-ma bukpo na ɔdu bekyuli pii iye kɔka ku ɔlɛ ɔdu-ma.

Yeremia 28:13

“Sɔ nwini sie na atásu Hanania kenye kadi nnii ami ndi Unwoti Ɔyikune Ƒui, Israel Katɔti. Áƒɛ ligyii kɔgba, nsu ndubɔsɔku abuala kɔdi lɛkya kadi bekyuli ƒui ɔkuɛ. Na ɔlɛka babla lɛla lɛni na Ɔga Nebukadnesar ɔ́su-ma. Na ndubɔya na ɔdi lɛku kemmo bebuo ƒui lɛnɔ lɛlɔ.

Yeremia 32:3

Sedekia údie lɛdi ɔnii bebo-mi lɛkpu bakya mmɔ, ɔsika lɛ́su ukyuli biala ka Unwoti ɔ́su ɔnini, “Ami ndi Unwoti, na ndubo bɔya na Babilon ɔga ɔdi Yerusalem lɛlɔ.

Yeremia 32:5

Na bakpanku-nwu na utákya Babilon kalɔ lɛlɔ wetédu uwi ɔni na mawɔlɔ lɛla lɛni na nnii mɔɔblaku-nwu. Anwuɔsu si amii Yudaƒuɔ bɛ́kali ka binye bɛsiaku Babilonƒuɔ na kekpokɔ ni, badubo-mii lɛlɔ bɔdi. Ami Unwoti násu.”

Yeremia 37:17

Ɔga Sedekia ɔ́ya na bábɛ bédie-mi béboku-nwu kudɔ na úye-mi buɛɛ ɔnini, “Adanku kenye kadi ásiku Unwoti kudɔ ete-bu?” Amu na lídie kenye nnini, “Bula ɔga ɔbune, ɛɛn, ndanku kenye kadi. Unwoti ɔdubo bɔya na Babilonƒuɔ ɔga uƒie-ɔ ɔtɔlɔku.”

Esekiel 11:9

Na kadi bamba bekpone badubo-mii buƒie na bani-mii kɔtu.

Esekiel 21:31

Mina kɔnyi kpakplaa kɔdubo-mii buƒi aani ogya. Na ndubo-mii buti bɔkya balalane bani na bagyi bekyuli bɔdu kabla kaduɛ enu kemmo.

Esekiel 23:28

“Ami Unwoti Katɔti nnye kagyumana ka lidie-mii lite bina bekisine bani na biikisi kpakplaa na bana ala eesé-mii lɛlɔ mmɔ.

Esekiel 25:4

Anwuɔsu ɔƒɛni ni, ndubo bɔya na adua bamba bekyuli bani nási ɔƒɛ katukɔ kalɔ kakwiidi kemmo bebo na badi-mii lɛlɔ. Na badubɔbla kuliekɔ na bina kalɔ kemmo na badi bina egyiibi na bani bina bebuo anyi ntu.

Esekiel 25:7

Anwuɔsu ndubo-mii buti bute bina bekisine bani ndubo-mii ala ƒui buƒie bɔƒɔ na bayila-mii udu ƒui. Na bina kadi bekyuli badubɔsa ɔni na bɛsɔ bɛɛɛdubo lɛla lɛdi budu na balɔ-mii banii kadi. Na bɛdubɔti ka ami Unwoti nábla ɔmɛni.’ ”

Hosea 5:14

Anwuɔsu ndubo-ma lɛlɔ aani gyata ɔni na anumi égyie-nwu geen ku kɔnyi na lɛduli-ma ligyingya kɔkɛ kɔkɛ lɛtɔlɔku. Na ɔdi uuubo na ɔkana-mi lɛla lɛdi buye iye utile-mi kuƒi.

Mika 2:3

Nsu Unwoti ɔ́lɛ ugyii ka ɔbla lɛla lɛdi, na ɔ́su ɔnini, “Lɛ́klibi ɔgbankpi líse-mii. Na ɔbuli ɔdubo-mii amɔ bɔda, na bɔdi kɔƒa ɔgbankpi uwi ɔmɛni kemmo.

Lɛkpa Ulu 28:48

Anwuɔsu kɔka ku utukwɛ ku kɔwaba bonwu kɔdubɔda-mii na bɛkɛ ku kasɔngya bitaabla kabla teete bina bekisine bani enu kemmo na Unwoti ɔdubuti-mii ɔ́kya. Na Unwoti ɔdubɔya na bibo abi laa wetédu ka bina ƒui bíkpi bɛ́yii udu.