Kɔnyana Buwulo 1:1 - Katɔti Ɔku Kedee

¹ Aanu kalɛ na ɔma unengudi ɔmmɔ ɔ́ƒɔ lɛlɔ uwi ukpludi. Ɔma ɔni na nka bekyuli báƒɔ-nwu kemmo pii dii, ɔƒɛni amu ɔ́ta ɔ́bla aani ukpinele. Nka anwu náƒɔ lɛnyi dii na kadi bekyuli akɔ. Anwu ɔni na nka úse aani beleku ɔga na kɔlɔ kɔni na amadɔ mmɔ ƒui akɔ ɔƒɛni amu únwini bekyuli bamba kabla ɔblane.

Kɔnyana Buwulo 1:1 ပူးပေါင်းရင်းမြစ်များ

Baga 1 4:21

Na Salomo ɔ́di kɔlɔ kɔmmɔ ƒui lɛlɔ. Ɔ́si Euƒrate Ketu ɔkɛ Ƒilisti útédu Egyipteƒuɔ ɔmii. Na kɔlɔ kɔmmɔ bekyuli beeyi kuyi teete Ɔga Salomo. Na bákya-nwu kalɔ nwuna ngba bulie uwi ƒui.

Baga 2 23:33

Na nwuna lɛgadi líbo kawɔlɔkɔ uwi ɔni na Egyipteƒuɔ Ɔga Neko úti-nwu útákya aban ɔtɔ na Ribla na Hamat kalɔ lɛlɔ. Na Egyipteƒuɔ ɔga ɔ́ya na Yudaƒuɔ baaƒɔ sika ɔƒualadi mpim maatɛ eti leevu (7,500) ku sika ugyiedi liti ku aavlanyɔ-ɛlɔ teete Egyipteƒuɔ ɔga.

Baga 2 23:35

Na Yehoiakim ɔ́ƒɔ kuyi ɔ́siku Yudaƒuɔ bammɔ kudɔ kalɛ na ɔdi biala lɛkɛ lise. Na úti ɔ́ƒɔ kayu kani na Egyipteƒuɔ ɔga úkulo úte-ma mmɔ.

Ala Alɛdi 2 9:26

Amu na ɔ́di kayawi kemodi kammɔ lɛlɔ ɔ́si Euƒrate Ketu na kalɔ kammɔ katɔ kakɛ útédu Ƒilistia na kada kakɔ na Egyipteƒuɔ ɔmii lɛlɔ.

Esra 4:20

Na Yerusalem ɔdi kalɔ kani na baga bani na bebo ɔkplu báadi-ka lɛlɔ dii. Na bátaaƒɔ kuyii teete-ma.

Nehemia 5:4

Na badi lɛnɔ benye baasu banini, “Bútáwia kevonkɔ na búti bɔ́ƒɔ ɔga kuyi kɔni na ɔɔƒɔ́ na bula mmo ku adingyii mmo ɔsu.

Nehemia 9:37

Ɔ́si bula ekpidi ɔsu ni, baga bamba bani na édie ka bataadi-bu lɛlɔ ni, ama mɔɔdi edula ammɔ. Na baga bammɔ mɔɔdi abu ku bula ɔmantɛ bakɔ lɛlɔ kalɛ biala baayɔ́. Na buuvele-ɔ ka bɔkya ɔgbankpi bonwu kemmo.

Kɔgya 122:4

Mɛni na Israel atɔƒi bekyuli bammɔ ƒui bási. Bébo ka beti enugya bete Unwoti aani kalɛ na úbo-ma ɔda.

Yesaia 14:12

O ukyuli ɔni muukeye aani ɔtanta lɛyabi na ese aani ɔtanta kadi bugye! Nu kalɛ báya-a na ánu ási katɔ katɔ kesii kani na élie ábayu kalɔ lɛlɔ mɛni, Awɔ ɔni na nka ákɔ kayawi ƒui bekyuli ásɔ!

Yesaia 22:2

Lɛlɔyɔ kudu kani nda ɔma umodi ɔmmɔ ƒui ku lɛsɛ. Na bani na békpi ni, ɔɔɔdi kuwii kenye na békpi, na ɔɔɔdi kekpokɔ lɛnɔ na bésie.

Yesaia 3:26

Na Yerusalem lɛban kenye ƒui lɛdubuse aani bekyuli bani néduo kɔnyana, na beewulo bani nékpi. Na ɔma umodi ɔmmɔ ɔdubɔbla aani uleku ɔni náyu uwi kalɔkplu na ɔsɔ uuubo lɛla lɛla.

Yesaia 49:21

Mmɔ na Yerusalem aani uleku ɔmmɔ kalɛ ɔdubuye ɔnini, “Ɔma náwɔ bebi bamɛni ama. Lɛ́yila mina bebi na nsɔ naaanu-ma. Wɛ na bamɛni bási? Béti-mi bésienku kaƒɔ na liiibo ɔma nanyuɛ bebi bamɛni? Ami lɛti kani nebu nli. Na wɛ na bebi bamɛni bási?”

Yesaia 50:5

Ɔ́ya na muusé atu teenu-nwu litemi na naaabla atu ɔkplu iye linwini kama lɛkya-nwu.

Yesaia 52:2

Sion, ta na ɔtumu akɔ kesii kani na elie! Na ada ukyuli kalɔ bɔkya kabuli kani nda-a ɔkwɛ mmɔ edie.

Yesaia 52:7

Bi mɔɔdia bɔnu lɛni! Bɛnu abi lɛlɔ na binu bekyuli bani ndubo babakɔ litemi buni lɛmmɔ lɛsa kalɛ na bana bubo kɔku kɔɔda kubiti. Baakɔ́ keyi buɛɛ ku ngba bɔƒɔ lɛsa banini, “O Sion, ɔƒɛni amu ƒula Katɔti ndi bina ɔga.”

Yesaia 54:4

“Bitayia, na kɔƒa lɛnɔ kutekpo-mii, na enu lɛnɔ ataƒɛ-mii, ɔsika lɛɛɛdubo-mii kɔƒa bɔkya. Bɛyiƒala bina lɛnamu uwi ekpidi ani na bɛ́bla. Na kalɛ na bɛ́ƒɔ lɛlɔ bɛkya aani bekpinele lɛnɔ ɔsɔ utekpo-mii kɔƒa.

Yeremia 31:7

Unwoti ɔnini, “Amii kadi bekyuli bani náƒɔ kuye bitulo ƒui, lɛlɔ lɛyɔ-mii na bɛtɔ ku ebiti. Bibo kudu ku bina bumwi akpala na bɛsu bɛnini, ‘Unwoti bo, na ebedie ƒula kadi bekyuli Israelƒuɔ bani nébu!’

Yeremia 40:9

Amu na Gedalia ɔ́su-ma ɔnini, “Liti mina litemi muute-mii ɔni na utalɛka bɛyia Babilonƒuɔ kabla bablane bammɔ. Mmomu bɛsɔ bɛkya kalɔ kamɛni lɛlɔ na bɛsiaku Babilonƒuɔ Ɔga Nebukadnesar na lɛla biala lɛdubuse kaduɛ lite-mii.

Yeremia 42:2

na básu-mi banini, “Buvele, kpali Unwoti, ƒula Katɔti, na bula lili te-bu. Agyi ka nka bekyuli bakya Yuda kalɔ mɛni kuuku, nsu bula ɛlɛɛ kani nébu ɔƒɛni aani kalɛ na awɔ ɔla aanu.

Yeremia 44:2

“Ami ndi Unwoti Ɔyikune Ƒui, Israel Katɔti. Na bɛ́nu kalɛ na lɛ́yila Yerusalem udu ku lɛma lɛni nkya Yuda kalɔ lɛlɔ. Na ɔmwi ni, lɛma lɛmmɔ lɛ́bwɛ na liwi ukpludi,

Yeremia 44:6

Kawɔlɔkɔ ni, mina kɔnyi kɔ́bwɛ kúwi-ma lɛlɔ aani kalɛ na ketu keeyi taabwɛ na keeƒie bekyuli. Na ɔmwi ni, Yerusalem ku Yuda lɛma liwi ukpludi aani kebu alakpi.

Yeremia 50:23

Babilon nse aani lɛbuala lɛni na bada baawɔ́ kɔlɔ ƒui bekyuli. Nsu ɔƒɛni amu lɛbuala lɛmmɔ lɛ́ƒɛ. Na nwuna kalɔ bubo bɔmɛni bɔ́bla kalɔ kemodi kammɔ ƒui kalɛ kadi!

Yeremia 9:11

Línu ka Unwoti uudie kenye ɔnini, “Si uwi ɔni na lɛ́wɔlɔ ku Yerusalem ku Yuda lɛma ƒui ni, mmɔ kadubɔsɔ kewi ukpludi aani alakpi lisu kesii kani na beƒukutu kani ndubo mmɔ bulie.”

Kɔnyana Buwulo 1:19

“Lɛ́lɔ mina bebunkune bakpana nsu bákya-mi kakya. Mina bakpane ku kadi batɔnkune békpi uwi ɔni na bakya baawia adila ani na badi.

Kɔnyana Buwulo 2:1

Unwoti úti kɔnyi! Anwuɔsu na ɔ́kya Sion kɔƒa. Na nwuna kɔnyi kemmo ni, úbo Sion ɔni ndi Israel bukeye ɔ́va kalɔ. Na ɔ́sɔ úteti mmɔ ka ɔdi nwuna lɛgba kanyakɔ.

Kɔnyana Buwulo 2:10

Sion batɔnkune ƒui bába lɛsɛ kpoo, na beli kalɔ kplu beebó ɔtumu teewi lɛlɔ, na benyimi adikpi. Na nwuna begblebi basɔ beeebo lɛla lɛdi, na babla utulo ka benye bataanu kalɔ kpoo.

Kɔnyana Buwulo 4:1

Bébile sika ugyiedi ɔni náƒɔ kuye útulo ƒui na ɔsɔ ulékeye kalɛ na uukeye. Na bégyingya Katɔti kakpakɔ asɛɛ ebi ani náƒɔ kuye mmɔ béwi kuyeya na lɛblɔnu lɛlɔ.

Kɔnyana Buwulo 5:16

Yerusalem ɔ́yila nwuna bukeye! Na abu ɔdi ɔ́sa, na bɔ́yii udu na bula ekpidi ɔsu.

Esekiel 26:16

Baga badubo bɔta bana agaboku lɛlɔ na bedie bana agala abuni lidu lɛmmɔ bewi na bayu belie ɔtuma akɔ na bataatɔ kpakpaakpa ku liƒu. Na ɔtɔtɔ ukpidi geen ɔdubɔgyu-ma si bénu kalɛ na ƒula bekisine badi-ɔ lɛlɔ.

Esekiel 26:2

“Esekiel, ɔyawine ubi, Tiro ɔma unengudi bekyuli bátɔ ku lɛlɔyɔ lɛnu budie ka bekisine békpo Yerusalem na badi-nwu lɛlɔ na baasu banini, ‘Yerusalem úbuli! Uwi ɔni návi ni, badi kadi bekyuli bani na bebo ɔkplu geen na mmɔ kadi kuye kadikɔ kenengudi geen lɛnɔ. Na ɔƒaani ni, ɔmmɔ ɔ́yii udu na úbo kalɔ. Na abu ndubo-ma kenye bɔƒɔ ɔƒaamu.’

Esekiel 5:5

“Ami ndi Unwoti Katɔti na lɛ́bla na Yerusalem ɔdi ɔma ɔni na ɔ́ƒɔ kuye geen utulo ƒui na kayawi ku kadi bamba kɔlɔ ƒui akɔ na ɔɔda bekyuli kubiti.

Lewiƒuɔ Ɔda Bubo 26:31

Na ndubɔyila bina lɛma linengudi udu ku ekpo ani na biisié taatákpa na lini ala ani na bɛɛkyula mmɔ ɔnyi.

Lewiƒuɔ Ɔda Bubo 26:33

Ndubo-mii bugyingya bɔkya kadi bamba bekyuli akɔ na liti mina kewii lɛbɔku-mii. Na lɛya na bina kalɔ ku bina lɛma linengudi ƒui lɛsɔ lɛtɛ ukpludi.

Seƒania 2:15

Ɔma ɔni néteekeye na baasu banini, “Abu kani na bɔdi” ni, ɔƒɛni amu únwini atɔnku na lɛla biala líbie na únwini bebuo keliekɔ, na bekyuli bani ƒui mɔɔví taanu bɔpii kani na baapii taakywɛ-nwu anumi.

Budie Taatina 18:7

Na kalɛ na ɔma ɔmmɔ ɔ́kɔliku lɛlɔ katɔ na nwuna adikpi bɔdi akɛla kenye ni, bɛya na ubo abi na uwulo utédu ekpidi ammɔ kenye. Ɔsika ɔma ɔmmɔ use aani uleku ɔni násu na nwuna kayi kemmo ɔnini, ‘Uleku Ɔga na ndi, na nlie mina lɛgaboku lɛlɔ. Lɛɛɛdi ukpinele, na lɛɛɛdubo kɔnyana kɔdi lɛnɔ buwulo kudii!’