Hosea 9:9 - Katɔti Ɔku Kedee

⁹ Bibo kalala na ɔkɔ ala bɔbla bɔ́ƒɔ-mii lɛlɔ kemmo ƒui aani Gibea ɔma bekyuli. Nsu Unwoti anu asia bina ekpidi ƒui lɛlɔ na ɔdubo-mii kɔtu bɔni.

Hosea 9:9 ပူးပေါင်းရင်းမြစ်များ

Israelƒuɔ Bɔlɛ 32:7

Mmɔ na Unwoti ɔ́su Mose ɔnini, “Babla, na ayu kɔbi eteesie. Ɔsika ƒula bekyuli bani na ákpanku álɛku Egyipte kalɔ lɛlɔ bábla likpidi na béni-mi.

Yesaia 24:5

Bekyuli bébile kayawi kammɔ na keesé lɛlɔ. Bátadi ɔda bubo bɔmmɔ lɛlɔ, na báta bénye litemi lɛmmɔ lɛlɔ, na bébile Katɔti bunyimi bɔni nnye nte uwi ƒui mmɔ.

Yesaia 31:6

Na Unwoti ɔ́sɔ ɔ́su ɔnini, “Amii Israelƒuɔ, bɛsɔ binwini bibo ami ɔni lɛlɔ na bɛ́ta bínye kpakplaa mmɔ kudɔ.

Yeremia 14:10

“Mina bekyuli, bɛɛyɔ́ ka bitaagyú lɛgba taatɔlɔ-mi kudɔ uwi ndi uwi na bilakya ɔkplu ka bɛni bide-mi. Anwuɔsu ɔƒɛni ni, ami lɛnɔ ndubo-mii atu budie. Na lɛni-mii kɔtu na bina ekpidi ani na bɛ́bla ɔsu. Ami Unwoti násu.”

Esekiel 21:28

Unwoti Katɔti ɔ́nini, “Esekiel, ɔyawine ubi, Amonƒuɔ bédumi Israelƒuɔ, anwuɔsu du-ma kukpi kɔtɔ na asu-ma anini, ‘Báni kewii bákpa livuo kemmo bada benye ka bewi ubugya kalɔ. Bésusu-ka nnɔmii na keekeye kaduɛ ka kenye kagyumana ka ɔdu bekyuli aani kalɛ na katɔ kaava taayu bekyuli na beekpi.

Hosea 10:9

Unwoti ɔnini, “Israelƒuɔ, bítada bina ekpidi ani na bɛ́bla na Gibea mmɔ dii bɔbla bítaya tɔ? Ɔmmɔ ɔsu na ala adubo-mii bukpoku na Gibea mmɔ.

Hosea 4:9

Na lɛlakpa linwi ndubɔlɛku bakpane ku bekyuli bammɔ ƒui, ɔsika ndubɔni bana ƒui kɔtu na bana ablala ɔsu, na lɛƒɔ-ma kayu kani námanku ala ani na bábla kenye.

Hosea 5:8

“Vwi kakpɛɛ na alɛ-ma kpakplaa ete-ma bɔti na benu kekpo kɔku na Gibea kalɔ lɛlɔ ku Rama ku Betel kesii kani na likpidi bɔbla bɔ́ƒɔ mmɔ ƒui. Na bibo kudu na Benyamin kadi bekyuli bavi batɔ!

Hosea 7:2

Na bana ɔdi ulakali taanu ɔnii mɔɔnu kalɛ na bana ekpidi áka ámana-ma aani kalɛ na beenyimi lɛla lɛdi, nsu mɔɔnu ɔmɛni ƒui.

Hosea 8:13

Bɛɛdú bina bebuo babuni ƒui taabla akpala na bɛɛdi akpala ammɔ lɛnɔ, nsu ami Unwoti anwu muuní bina akpala ammɔ. Mina anumi adubɔsia bina ekpidi lɛlɔ na lɛni-mii kɔtu na bɛsɔ binwini bisie Egyipte.

Hosea 9:8

Israelƒuɔ, ami na Katɔti úti úmene-mii aani nwuna kenye udiene ɔni mataanu-mii lɛlɔ, nsu bɛ́kywɛ-mi kɔkpagyuɛ na mina lilu ƒui lɛlɔ, na bɛdanku bina bukisi ku ulikplu ala bíbedu Katɔti kakpakɔ kemmo muedi.

Seƒania 3:7

Katɔti ɔ́bla kasusu ka Yerusalem ɔdubɔtɛya kalɛ na babu-nwu na beteenu-nwu litemi na ɔda ɔma ɔmmɔ kɔtu bɔni ɔya na ulayila-ma udu uledie mmɔ. Nsu likpidi bɔbla atu kani na beesé na mmɔ.

Litemi Batɛne 19:12

Mmɔ na nwuna unwoti ɔ́su-nwu ɔnini, “Oowo! Bulésie bulatátɛ bekyuli bamɛni kudɔ, ɔsika baaadi Israelƒuɔ. Mmomu bɔdubusie Gibeaƒuɔ kudɔ.”

Litemi Batɛne 19:16

Usien ɔmmɔ ni, unengu ɔdi ɔ́si nwuna kemo. Ɔdi Eƒraimni ɔni nási abi lɛlɔ ɔma, nsu ɔƒɛni úbo úlie Gibea kesii kani na Benyamin kɔdua bekyuli belie.

Litemi Batɛne 19:22

Uwi ɔni bakya baaní taakɛ ebiti ni, bekyuli bekpidi bani nkya ɔma ɔmmɔ kemmo bábaka bámana unengu ɔmmɔ kaduli. Na bakya beebó kaduli kammɔ kayakun, na baakpali unengu ɔni mbo kaduli kammɔ ka udie ɔnana ɔni néduo-ma kaduli mmɔ ɔlɛku na ama ku-nwu batɛ.

Litemi Batɛne 20:43

Na Israelƒuɔ béyu-ma bátu na bétebile uwi ɔdi, mmomu bábi básiaku-ma bétédu Gibea ɔƒɛ katukɔ, na bakɛ baadú-ma ka béti bésela.