Hosea 9:8 - Katɔti Ɔku Kedee

⁸ Israelƒuɔ, ami na Katɔti úti úmene-mii aani nwuna kenye udiene ɔni mataanu-mii lɛlɔ, nsu bɛ́kywɛ-mi kɔkpagyuɛ na mina lilu ƒui lɛlɔ, na bɛdanku bina bukisi ku ulikplu ala bíbedu Katɔti kakpakɔ kemmo muedi.

Hosea 9:8 ပူးပေါင်းရင်းမြစ်များ

Baga 1 17:1

Amu na kenye udiene ɔni baalɔ Elia na ɔ́si Tisbi na Gilead kalɛkɛ kemmo úsie útásu Ɔga Ahab ɔnini, “Mɔɔsu-ɔ na Unwoti Israel Katɔti ɔni kabla na mɔɔbla na uli ngba lɛnyi kemmo ka ni, na akwa alɛɛ adi kemmo ni, amii iye ɔnantu ɔsɔ ulana ulewi kalɔ si ɔɔɔdi ami násɔ lɛ́su nnii ɔna.”

Baga 1 18:1

Na uwi gyɔlɔɔ ɔdi kama na lɛkwa lɛtɛdi na kɔka uwi ɔmmɔ kemmo ni, Unwoti ɔ́su Elia ɔnini, “Teesie na etédie lɛlɔ atina Ɔga Ahab. Na ndubɔya na ɔnantu ɔna.”

Baga 1 18:19

Ɔƒɛni kɔ lɛsa na alɔ Israelƒuɔ ƒui ku Baal kenye bediene eti yaalenwi bammɔ ku Asera kenye bediene eti maane bani na ama ku Isebel baadi na likpo linwi mmɔ na babasiaku-mi na Karmel Kɔbi lɛlɔ.”

Baga 1 22:11

Na Kenaana ubidi Sedekia úti lɛbuala na ɔ́bla bebuo ese anyɔ adi na ɔ́su ɔnini, “Lɛni na Unwoti ɔɔsu ɔnini, ‘Ese amɛni na adubuti akya Siriaƒuɔ ɔlɛ lɛlɔ útédu ka áyila-ma udu ƒui.’ ”

Baga 1 22:22

“Amu na Unwoti úye-nwu ɔnini, ‘Ulu ɔmani lɛlɔ?’ “Mmɔ na kɔyu kɔmmɔ kɔnini, ‘Ndubusie na liti ɔkɔ etemila lɛkya kenye bediene bammɔ ƒui kenye.’ “Amu na Unwoti ɔ́su-nwu ɔnini, ‘Adubɔkana-nwu bɔtɔlɔ sɔsɔ, anwuɔsu teesie na atábla lɛni.’

Baga 1 22:28

Amu na Mikaia údie kenye ɔnini, “Si énwini ébeduo buɛɛ ni, na agyi anii Unwoti útatɛmi útasiaku-mi lɛlɔ.” Amu na ɔ́su bekyuli bammɔ ɔnini, “Bise mina litemi lɛni lɛ́su mmɔ likpo!”

Baga 1 22:6

Ɔmmɔ ɔsu Israelƒuɔ ɔga ɔ́lɔ kenye bediene eti maane (400) ɔ́sala na úye-ma ɔnini, “Nteesie Ramot-Gilead na ntékpoku-ma munuu ntesie?” Amu na kenye bediene bammɔ básu-nwu banini, “Teesie! Ɔsika Unwoti ɔdubo-ma buti bɔkya awɔ ɔga enu kemmo.”

Baga 2 13:21

Amu na kekwa kadi uwi lɛlɔ ni, Israelƒuɔ badi bada ukpine ɔdi batáva. Mmɔ na bánu Moabƒuɔ bekpone badi na bana kalɔ lɛlɔ. Amu na bekyuli bammɔ béƒwimi ukpine ɔmmɔ bátákya Elisa kaƒiɔtɔ kemmo na békeli. Na ka ukpine ɔmmɔ ɔlɔna ɔ́nya útuku Elisa likubi kani na ukpine ɔmmɔ ɔ́gyinya na ɔ́ta únye.

Baga 2 2:14

Na úti Elia lɛduni lɛmmɔ ɔ́ƒiɛmi ntu bɔmmɔ anumi na ɔ́su ɔnini, “Wɛ na Unwoti ɔni ndi Elia Katɔti mmɔ ɔkya?” Amu na ɔ́sɔ ɔ́ƒiɛmi kunyɔdi na ntu bɔmmɔ bɔ́bwɛ kemmo inyɔ. Na ɔ́sia-nwu kemmo na úténye ketu kammɔ ɔvi unyɔdi.

Baga 2 2:21

Amu na anwu lɛnɔ ɔ́ta úsie libiɔ lɛmmɔ kudɔ na úwilimi mma bɔmmɔ úwi ntu bɔmmɔ kemmo na ɔ́su ɔnini, “Lɛni na Unwoti ɔɔsu ɔnini, ‘Ntu bɔmɛni bɔbla ntu bɔbuni, na bɔsɔ buteboku kukpi iye ubile kalɔ kammɔ na kasɔ kaladia ala.’ ”

Baga 2 4:41

Amu na Elisa ɔ́su ɔnini, “Bɛwia ɔlaaƒɔ ɔdi bite-mi.” Amu na báwia ɔdi béte-nwu na úti úwi libui lɛmmɔ kemmo na ɔ́su ɔnini, “Biteedie adila ammɔ teete-ma na bataadi.” Na ka bétuku kenye ni, ugyulo ukpidi ɔdi ɔsɔ uuubo adila ammɔ kemmo.

Baga 2 4:43

Mmɔ na nwuna kabla ɔblane úye-nwu ɔnii, “Dɛ na ndubo ala blii amɛni buti bute nkyuli eti anyɔ nnii badi?” Nsu Elisa ɔ́su-nwu ɔnini, “Awɔ ti te bekyuli bammɔ na badi, ɔsika lɛni na Katɔti ɔɔsu ɔnini, ‘Badubɔdi na adi muedi ebu.’ ”

Baga 2 5:14

Ɔmmɔ ɔsu Naaman útéduo Yordan Ketu kemmo, na ɔ́nyina lɛlɔ ɔ́kya ntu bɔmmɔ kemmo maatɛ aani kalɛ na Katɔti ukyuli ɔmmɔ ɔ́su-nwu, na nwuna ɔlɔna ɔ́sɔ únwini úbo na ɔ́bla sɛɛn aani ubiwɔ ɔdi kalɛ.

Baga 2 5:27

Na ɔ́si lɛla lɛni ábla mɛni ɔsu ni, Naaman ɔlɛgyie ɔmɛni ɔdububo awɔ ku ƒula kaba bekyuli ƒui ɔ́si ɔƒɛni úsela uwi ƒui kemmo.” Na ka Gehasi ɔ́tɔlɔ mmɔ ni, ɔlɛ ɔmmɔ úbewi-nwu ɔlɔna lɛlɔ. Na nwuna ɔlɔna ɔ́bla ƒututuu aani etubankɛ.

Baga 2 7:19

Na ɔtɔnkune ɔmmɔ údie kenye uwi ɔmmɔ ɔnini, “Ɔmɛni udu ulakana na webo wete lɛni. Ina banii Unwoti ɔ́ya na kakpa kana aani ɔnantu muedi.” Na Elisa údie-nwu kenye ɔnini, “Adubuti anumi anu ka úbo úte lɛni, nsu adila ammɔ adi elétuku-ɔ kenye.”

Baga 2 7:2

Mmɔ na ɔtɔnkune ɔni lɛlɔ na ɔga ukpo ɔ́su Elisa ɔnini, “Ɔmɛni ulakana walɛ kudii. Na ina Unwoti ɔlati ɔ́ya kakpa kána aani ɔnantu kalɛ muedi ulebo-nwu kemmo lɛni.” Amu na Elisa ɔ́su-nwu ɔnini, “Adubuti anumi anu ala ani mɔɔsu mɛni. Nsu alákɛ adila ammɔ adi aladi.”

Kɔgya 124:7

Búkeli aani kalɛ na aasɛ uukeli taalɛ kakpagyuɛ kani na bákywɛ-nwu kemmo. Kakpagyuɛ kammɔ kébie na bɔ́lɛ-ka kemmo.

Etemila 9:12

Na lɛnɔ ni, ukyuli ɔdi ɔɔɔgyi uwi ɔni na nwuna uwi ɔdubo ubedu. Kalɛ na kabɛ keeduo agyakuo kemmo iye aasɛ ɔɔnú kamia ni, lɛni na uwi ukpidi uubo taabasiaku bekyuli aani kalɛ na baanú kakpagyuɛ.

Lɛnu Ƒui Ɔnu 3:3

Líye bagyumane bani nkɛ mɔɔkɔ́ taayu na ɔma ɔmmɔ kemmo muedi nnini, “Bɛ́nu ukyuli ɔni na mɔɔyɔ́ ku mina kayi ku kɔyu ƒui mmɔ?”

Yesaia 62:6

Yerusalem ƒula ɔma awodu lɛlɔ na ndubunyene bagyumanane bani ndubo-mi buteenyimene usien ku ɔƒɛ na belebile kenye

Yeremia 11:19

Nsu Unwoti údie bana kasusu ɔ́tina-mi ka lɛni na baawia badu-mi aani kalɛ na baadá kugyii taakyula ku ligyiitu ku ebi ƒui kalɛ na ukyuli ɔdi ɔsɔ ulenyimo-mi kudii lɛnɔ.

Yeremia 14:13

Amu na lídie kenye nnini, “Ƒula kenye bediene bamba bakya baasu-ma banini, ‘Aaadubo bɔya na kɔka iye kekpo kebo-bu lɛlɔ mmomu adubute-bu keyi buɛɛ.’ ”

Yeremia 23:13

“Samariaƒuɔ kenye bediene beesé-mi lɛlɔ, ɔsika Baal baƒiɔ etemila kenye na beedie. Na bátɔnku mina kadi bekyuli na báya na báyii ulu.

Yeremia 31:6

Na uwi ɔdubo ɔni na bagyumane bani mɔɔnu Eƒraim abi kalɔ lɛlɔ badubo kudu bubo momoomo na basu banini, ‘Bɛya na buteesie Sion na butákpa Unwoti bula Katɔti na mmɔ.’ ”

Yeremia 6:14

Na kayi kekpludi kani na beesé mina bekyuli bani muunú ɔlɛ geen ka keyi kadubɔyɔku-ma.

Yeremia 6:17

Na lɛnɔ ni, lɛ́tala kenye bediene lɛ́kya-mii nnii babalɛ-mii kpakplaa na ɔgbankpi ɔni ndububo-mii lɛlɔ lɛlɔ. Nsu uwi ɔni na beebó kudu ka binu-ma kenye kani na badanku ni, bítese atu.

Kɔnyana Buwulo 2:14

Ƒula kenye bediene bátɔlɔ-ɔ ku ɔkɔ kɔyu kemmo ala bɔnu ku linyesia lɛni naaadi litemi geen. Bétedie ƒula bɔƒiɔ bátatina-a, na enwini ƒula ekpidi kama na akɛ bɔƒɔ. Mmomu bányi ɔkɔ na bátɔlɔ-ɔ bátáyila.

Kɔnyana Buwulo 4:13

Yerusalem Katɔti kenye bediene ku bakpane bábla ekpidi bonwu bonwu geen ɔni náya na bekyuli bani nátabla lɛla lɛdi muedi békpi, anwuɔsu na Unwoti ɔ́ni ɔma ɔmmɔ kɔtu lɛni.

Esekiel 3:17

“Esekiel, ɔyawine ubi, lídie-ɔ líse ka ataasia Israelƒuɔ anu. Anwuɔsu se atu na enu lɛla lɛni na mɔɔsu-ɔ na alɛ-ma kpakplaa ete-mi.

Esekiel 33:7

“Esekiel, ami náƒuna-a nnii enye Israel kadi bekyuli kagyumana na ataanu ala taasu-ma. Anwuɔsu nu lɛla lɛni mɔɔsu-ɔ kaduɛ na alɛ-ma kpakplaa ete-mi.

Hosea 5:1

“Amii bakpane binu! Amii bani ndi Israel kadi bekyuli ƒui bibimi atu na binu! Amii bani na bɛ́si ɔga kesii! Ami mɔɔtɛ litemi lɛmɛni lɛdu kɔtɔ. Bínwini kakpagyuɛ bíte Mispa ɔma bekyuli na lɛni kani na bise na Tabor Kɔbi lili.

Hosea 9:7

Israelƒuɔ, bina kɔtu bɔni uwi údu ka bɛƒɔ ala ani ƒui na bɛ́bla kayu na amii alati bɛdubɔnu bɔti. Amii mɔɔsu bɛnii, “Katɔti kenye bediene bádɔlɔ na nwuna batu beekpi libuo.” Na bina ekpidi pii ani na bɛɛbla áya na bíti-mi bukisi geen.

Hosea 9:9

Bibo kalala na ɔkɔ ala bɔbla bɔ́ƒɔ-mii lɛlɔ kemmo ƒui aani Gibea ɔma bekyuli. Nsu Unwoti anu asia bina ekpidi ƒui lɛlɔ na ɔdubo-mii kɔtu bɔni.

Mika 7:4

Bekyuli babuni ƒui bani na bakya-ma akɔ muedi betulo liyu alakpi ani náka ámana lɛla lɛdi. Kenye bediene ku bani mɔɔnu bana ablala taasu béte bɔti ka bana bɔkyula uwi údu na bábla gyuma gyuma na béƒu ku bɔyia.

Yohane 15:24

Na si bubo na ńtebo ńtababla ala ani udu na ɔdi útabla kudii na bana akɔ ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, bánu ala ani na lɛ́bla, nsu beekisi ami ku mina Ɔti.

Romaƒuɔ 3:7

Ukyuli ɔdi ɔkana na uye ɔnini, “Nsu si mina ala ani na naaabla ulu lɛlɔ mɔɔyá na Katɔti litemi geen lɛmmɔ liigyingya na beemwi-nwu ni, bi ɔsu na bɛɛdú-mi kɔtɔ ka ukyuli ukpidi na ndi?”

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.