Hosea 9:7 - Katɔti Ɔku Kedee

⁷ Israelƒuɔ, bina kɔtu bɔni uwi údu ka bɛƒɔ ala ani ƒui na bɛ́bla kayu na amii alati bɛdubɔnu bɔti. Amii mɔɔsu bɛnii, “Katɔti kenye bediene bádɔlɔ na nwuna batu beekpi libuo.” Na bina ekpidi pii ani na bɛɛbla áya na bíti-mi bukisi geen.

Hosea 9:7 ပူးပေါင်းရင်းမြစ်များ

Baga 2 9:11

Amu ka Yehu únwini úsie nwuna bekpone bammɔ akɔ ni, béye-nwu banii, “Kɔtɛ biala kúsie siin?” Na básɔ béye-nwu banii, “Bi na ubuokpine ɔmmɔ ɔɔwia-a ɔbla?” Amu na Yehu údie kenye ɔnini, “Bɛgyi lɛla lɛni ɔsu na ɔɔwia-mii?”

Yesaia 10:3

Bi na bɛdubo bɔbla ɔgbankpi uwi, uwi ɔni na ndubɔya na ɔsi kalɔ kakaaka ubo ubalɛ-mii lɛlɔ? Ɔma na bɛdubo bukeli bɔtamiku? Na ɔma na bɛdubo bina akɛla bɔda buse?

Yesaia 26:11

O Unwoti, áakɔliku ƒula kɔnu ése ka ebo-ma na ani-ma kɔtu, nsu balánu taati. Unwoti, ya na bekyuli bamɛni banu bati kalɛ na anumi égyie-ɔ ka agyumana ƒula kadi bekyuli na kɔƒa kukpo-ma. Na aya na ogya ɔni na áklibi ése ka ɔkyula ƒula bekisine ubakyula-ma.

Yesaia 34:8

Unwoti ɔlati ɔ́ɔƒuna uwi ku lɛkwa lɛni na ɔdububo ubedie bekyuli kasi ute Sion.

Yesaia 44:25

“Ami muubile ɔkɔ kenye bediene ala bɔsu na mɔɔyá na bekebone baadɔlɔ na banundane lɛlati liinwíni kɔdɔlɔ lɛla lɛni kemmo na kasusu keeebo.

Yeremia 10:15

Baƒiɔ badi aƒiankula ku amala na si uwi ɔbuni úbo úbedu ni, badubo-ma udu bɔyila ƒui.

Yeremia 11:23

Na si uwi ɔni na lɛ́wɔlɔ lɛla lɛni na mɔɔbla ni, ukyuli ɔdi ɔsɔ ulébu ulelie ngba na bana atɔƒi kemmo.”

Yeremia 16:18

Ndubo-mii kɔtu bɔni bɔsia kama kunyɔ kunyɔ na bina ekpidi ɔsu, ɔsika bɛ́ya na mina kalɔ kammɔ keesé lɛlɔ. Na bítágyu ala ani neeebo ngba bíbalɛ bɛnii baƒiɔ na si mɔɔnu-nya ni, buse na bese-mi aani bekpine.”

Yeremia 23:13

“Samariaƒuɔ kenye bediene beesé-mi lɛlɔ, ɔsika Baal baƒiɔ etemila kenye na beedie. Na bátɔnku mina kadi bekyuli na báya na báyii ulu.

Yeremia 25:14

Likpidi biala na Babilonƒuɔ bábla ni, ndubo-ma lɛla lɛmmɔ kayu bɔƒɔ. Na baga bayikune badubɔsi kɔlɔ pii lɛlɔ bebo babadi Babilonƒuɔ lɛlɔ na benye-ma lɛlɔ na benwini bana kabla bablane.”

Yeremia 29:26

“Na ɔkpane Yehoiada kukpi kama ni, Unwoti ɔ́ƒuna-a aani ɔkpane ɔni ndubo nwuna kakpakɔ bagyumanane lɛlɔ butaanu. Na agyi lɛnɔ ka si ukyuli ɔdi úbo ɔɔbla libuokpi ala na ɔɔtina lɛlɔ ka Katɔti kenye udiene na ɔdi ni, ɔlɛka beƒie ukyuli ɔmmɔ na bebo-nwu kɔgba.

Yeremia 46:21

Na baƒɔ bekpone bani na átáƒɔ kayu kenye badubo bunwini na bekeli batɔlɔ. Nsu ama ɔdi lɛnɔ ɔ́sa aani ɔmantɛ bakɔ bebi bani na bányuɛ-ma na bélie lɛmwi na bákpanku-ma béselaku kadukɔ.

Yeremia 6:14

Na kayi kekpludi kani na beesé mina bekyuli bani muunú ɔlɛ geen ka keyi kadubɔyɔku-ma.

Yeremia 8:11

Lɛla lɛni kani na baakana mina bekyuli bani na ala eekpóku bɔsu ndi ka bese-ma kayi kekpludi ka badubɔkɛ keyi buɛɛ.

Kɔnyana Buwulo 2:14

Ƒula kenye bediene bátɔlɔ-ɔ ku ɔkɔ kɔyu kemmo ala bɔnu ku linyesia lɛni naaadi litemi geen. Bétedie ƒula bɔƒiɔ bátatina-a, na enwini ƒula ekpidi kama na akɛ bɔƒɔ. Mmomu bányi ɔkɔ na bátɔlɔ-ɔ bátáyila.

Esekiel 13:10

“Kenye bediene bammɔ béni banii balasu litemi geen lɛdi. Na baasu mina bekyuli ka badubɔkɛ keyi buɛɛ ina ka balanu keyi lɛla lɛdi na bana akɔ. Bese aani kabla bablane bani mɔɔkali banii si béti kɔba bákwaa kowodu kɔni ndaku bɔƒɛ ni, na kɔwodu kɔmmɔ kɔdubo bunye kpakplaa.

Esekiel 13:3

“Ami Unwoti Katɔti mɔɔsu ka ɔkɔ kenye bediene bammɔ ɔdi ɔ́sa ɔƒaamu. Ɔsika ɔɔɔdi mina kɔyu kemmo ala na baanu mmomu bana kasusu kemmo ala kenye na beedie!

Esekiel 25:17

Ndubo-ma kasi budie na mina kɔnyi kpakplaa kemmo na uwi ɔmmɔ na badubɔnu bɔti ka ami ndi Unwoti.”

Esekiel 38:23

Ndubo ɔmɛni bɔbla liti lɛtina kayawi ƒui ka ami Unwoti nse kedee.’ ”

Esekiel 9:10

Anwuɔsu lɛɛɛdubo-ma kɔnyana bɔnu iye liti lɛkyiɛ-ma lɛnɔ. Ndubo-ma kɔtu bɔni na ala ani na bábla kenye.”

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Hosea 5:9

Ami Unwoti ndubo mbani Israel kɔtu na lɛyila-ma udu ƒui. Na ɔmɛni ɔdi kenye kpakplaa kani na muusé teete Israel adua ammɔ ɔdi biala.

Hosea 8:13

Bɛɛdú bina bebuo babuni ƒui taabla akpala na bɛɛdi akpala ammɔ lɛnɔ, nsu ami Unwoti anwu muuní bina akpala ammɔ. Mina anumi adubɔsia bina ekpidi lɛlɔ na lɛni-mii kɔtu na bɛsɔ binwini bisie Egyipte.

Hosea 9:8

Israelƒuɔ, ami na Katɔti úti úmene-mii aani nwuna kenye udiene ɔni mataanu-mii lɛlɔ, nsu bɛ́kywɛ-mi kɔkpagyuɛ na mina lilu ƒui lɛlɔ, na bɛdanku bina bukisi ku ulikplu ala bíbedu Katɔti kakpakɔ kemmo muedi.

Amos 8:2

Amu na úye-mi ɔnini, “Amos, bi na aanu?” Mmɔ na lídie kenye nnini, “Mɔɔnu kagyigyɛ ku egyiibi egyiedi ani nánu mmɔ.” Amu na ɔ́su-mi ɔnini, “Mina kadi bekyuli Israelƒuɔ bani nánu bási kugyii lɛlɔ kawɔlɔkɔ na kadi mmɔ. Nsɔ lɛɛɛdubo lɛla lɛdi buti bɔkyiɛ-ma.”

Mika 2:11

Kenye Udiene ɔni kani na bɛɛwia ndi ɔkɔ ɔnyine ɔni masu-mii ɔnii bɛdi na bɛni ntɛ bikpi!

Mika 7:4

Bekyuli babuni ƒui bani na bakya-ma akɔ muedi betulo liyu alakpi ani náka ámana lɛla lɛdi. Kenye bediene ku bani mɔɔnu bana ablala taasu béte bɔti ka bana bɔkyula uwi údu na bábla gyuma gyuma na béƒu ku bɔyia.

Seƒania 3:4

Kenye bediene bani nkya Yerusalem baakɔliku lɛlɔ katɔ na baaadi bekyuli bani lɛlɔ na beti anu basia. Bana bakpane lɛnɔ béwi kakpakɔ kammɔ anumi kalɔ na bébile Katɔti Ɔda bubo bɔmmɔ.

Marko 3:21

Ka nwuna lɛlɔ bekyuli bénu ɔmɛni ni, bésie banii batákpanku-nwu besienku kaduli, ɔsika básu banii, “Kuli kemmo muubie-nwu!”

Luka 21:22

Ɔsika uwi ɔmmɔ kemmo ndi kɔtu bɔni emeyi ani nálɛ ka ebo aani kalɛ na Bunweni Kedee Ɔku kemmo etemila átina kalɛ.

Korintoƒuɔ 2 5:13

Si ina bɛɛnu-bu aani bekyuli bani na muukpi libuo na kabla kani na bɔɔbla ɔsu ni, Katɔti ɔni na bɔɔyɔ́ ɔsu na use-bu lɛni. Nsu si bulékpi libuo ni, ɔdi bina kɔsia.

Budie Taatina 16:19

Na ɔma unengudi ɔmmɔ ɔ́bwɛ úle akpa atɛ, na lɛma linengudi lɛkladi lɛni nkya kayawi ekpo ƒui lɛ́bwɛ ƒui. Mmɔ ni, Katɔti únyimo Babilon ɔma unengudi ɔmmɔ ekpidi na ɔ́ya na ɔ́ni nwuna kɔnyi lɛbibo ɔɔƒɛɛ ɔmmɔ ƒui.