Hosea 9:3 - Katɔti Ɔku Kedee

³ Na bɛdubo bɔtɔlɔ na Unwoti kalɔ kammɔ lɛlɔ. Na bina badi badubo bɔtɔlɔ busie Egyipte kalɔ lɛlɔ, na badi lɛnɔ besie Asiria kalɔ lɛlɔ na bitádi bana adila ani muusié lɛlɔ mmɔ.

Hosea 9:3 ပူးပေါင်းရင်းမြစ်များ

Baga 1 9:7

ndubukulo Israel lidie kalɔ kani líte-ma mmɔ lɛlɔ. Na lidie kakpakɔ kani na lídie sɛsɛɛ lɛ́bla-ka kedee líte mina lɛnyi mɛni átu, na Israel lɛlɔ litemi lɛdubunwini lɛsugba ku lɛmala na bekyuli ƒui akɔ.

Baga 2 17:6

Na Ɔga Hosea lɛga bɔdi lɛkwa yaalenwidi kemmo ni, Asiriaƒuɔ ɔga úƒie Israelƒuɔ bammɔ úsienku Asiria. Na ɔ́ya na bélie Hala kalɛkɛ lɛlɔ na ɔma ɔni baalɔ banii Gosan na Habor Ketudɔ ku Mediaƒuɔ lɛma kemmo.

Yeremia 16:18

Ndubo-mii kɔtu bɔni bɔsia kama kunyɔ kunyɔ na bina ekpidi ɔsu, ɔsika bɛ́ya na mina kalɔ kammɔ keesé lɛlɔ. Na bítágyu ala ani neeebo ngba bíbalɛ bɛnii baƒiɔ na si mɔɔnu-nya ni, buse na bese-mi aani bekpine.”

Yeremia 2:7

Lɛ́kpanku-mii líboku kalɔ kani na ala abuni áƒɔ-ka pii mɛni lɛlɔ, kesii kani na egyiibi abuni ku ala abuni akya na bɛkɛ bɛdi, nsu bɛ́bla na kalɔ kammɔ keesé lɛlɔ na bina ekpidi bɔbla ɔsu.

Kɔnyana Buwulo 5:6

Ɔlɛka bɔkya lili kalɔ na bɔblaku Egyipteƒuɔ ku Asiriaƒuɔ unwi asa na bɔkɛ lɛla lɛni na bɔdi na kɔka ɔsu.

Esekiel 4:13

Uwi ɔni na ndububo Israel kadi bekyuli bugyingya bɔ́kya kadi bamba bekyuli akɔ ni, lɛni kani na ama lɛnɔ badubo adila ani muusé lɛlɔ bɔdi aani kalɛ na ábla mɛni na bánu.”

Daniel 1:8

Nsu Daniel ɔ́bla kasusu ka lɛla lɛni kani na Katɔti úte kuƒi ka nwuna kadi bekyuli badi ni, ani kani na anwu ɔdubo bɔdi. Anwuɔsu úvele unengu ɔmmɔ kuƒi ka betete-nwu adila ku ntɛ bɔni na beete bekyuli bani nkya ɔga kesii mmɔ na baadi.

Hosea 11:11

Na badubɔsi Egyipte bebo aani baasɛ bani muuveyi ku usi, na bakɛ ligeen aani babloduma bani nási Asiria na lɛsɔku-ma liboku bana kesii. Ami Unwoti násu lɛni!”

Hosea 11:5

“Béni ka bani bede-mi, anwuɔsu ɔlɛka basɔ benwini besie Egyipte kalɔ lɛlɔ, na Asiria ɔdubɔdi-ma lɛlɔ.

Hosea 7:11

“Israelƒuɔ báta bénwini aani bakpaƒɛɛlɛ bani nkɛ esu esu beeveyi teesie taasɔ, na Egyipteƒuɔ ku Asiriaƒuɔ ntɛ baawia kabɛkɔ.

Hosea 7:16

“Béni banii belenwini belebo-mi kudɔ na basia Baal baƒiɔ anu bani neeebo ɔyikun ɔdi. Anwuɔsu na bese aani kataminta kani naaadia, na bana batɔnkune ƒui badubo kuwii kenye bɔtɛ na ukyuli tabu ku enyekpi ani na baatɛmi ɔsu. Na Egyipteƒuɔ badubo-ma buti bunwini lɛmala.”

Hosea 8:13

Bɛɛdú bina bebuo babuni ƒui taabla akpala na bɛɛdi akpala ammɔ lɛnɔ, nsu ami Unwoti anwu muuní bina akpala ammɔ. Mina anumi adubɔsia bina ekpidi lɛlɔ na lɛni-mii kɔtu na bɛsɔ binwini bisie Egyipte.

Hosea 9:6

Na si ina badi bákana ɔgbankpi ɔmmɔ bukeli ni, Egyipte na badubusie batáwɔlɔ, na bava-ma na Memƒis ɔma unengudi kemmo. Na bina sika ɔƒualadi akɛla ƒui adubɔyii akya liyu alakpi akɔ na livo lɛkwɛ lɛƒɔ ekpo ani ƒui na bina nvo búnye ƒui.

Lewiƒuɔ Ɔda Bubo 18:28

Anwuɔsu si amii lɛnɔ bíbile kalɔ kammɔ ni, ndubo-mii bɔbɔku budie kalɛ na lɛ́bɔku-ma aani kalɛ na ukyuli ɔɔdala lɛla biala teedie kaƒɔ kemmo.

Lewiƒuɔ Ɔda Bubo 20:22

“ ‘Anwuɔsu bɛnu ka bɛ́di mina ɔda bubo lɛlɔ na bɛsiaku-mu siin kalɛ na kalɔ kani na líte-mii na bísela bulie keletuo-mii keledie aani kalɛ na ukyuli ɔɔdala teedie lɛla biala.

Lewiƒuɔ Ɔda Bubo 25:23

“ ‘Ukyuli biala uuubo kuƒi ka uti kalɔ kadi uye ute ukyuli bamba kusɛ kusɛ. Ɔsika kalɔ kammɔ ƒui kadi ami Unwoti kadi. Na baƒɔ na bɛdi na líte-mii mmɔ na bilie.

Amos 7:17

“Unwoti ɔnini, ‘Ƒ'ulekudi ɔdubo ɔsɔnɔdine ɔyalɛ ubendi bunwini na ɔma unengudi ɔmɛni kemmo. Na ƒula bebi bananabi ku belekubi ƒui kuwii kenye na badubo bɔtɛ. Bekyuli badubo kalɔ kani ndi awɔ ɔlati kadi mɛni bɔkɔku na bele-ka bete lɛlɔ. Na kaƒɔ, na kadi bamba kalɔ lɛlɔ na adubo bukpi. Na kekpo kadubo Israelƒuɔ bukpo na beƒie-ma batɔlɔku bana lɛma ƒui.’ ”

Mika 2:10

“Bɛvi bɛlɛ mɛni, amii bekyuli bekpidi, ɔsika bɛɛɛdubo bɔnwuna bɔdi bɔkɛ na mɛni, na bítamanku lɛnɔ ka bɛbla Unwoti bekyuli. Na bɛdubo udu bɔyii lɛnɔ.

Batalane Kabla 10:14

Amu na Petro ɔ́su ɔnini, “Oowo! Kudi kudii! Blɔti, ńteti bebuo bani abu Yudaƒuɔ bukisi ńtetuku kenye kudii!”

Lɛkpa Ulu 28:63

Kalɛ kani na ɔ́yɔ Unwoti kaƒɔ na ɔbla-mii lɛƒɔndia na bímomo bíbu ni, lɛni kani na ɔdubɔyɔ-nwu kaƒɔ ka ɔyila-mii udu na bina lɛma lɛbla kuliekɔ kukpludi. Na ɔda-mii udie kalɔ kani na nka bísela bitéti binwini bina kadikɔ na bilie mmɔ lɛlɔ.

Lɛkpa Ulu 28:68

Na bina Unwoti ɔdubuti lɛkɔlɔ libendi libendi na uti-mii ɔkya-ni kemmo na unwini-mii usienku Egyipte kalɔ kesii kani na ɔ́su ka bɛsɔ bilésie kudii. Na si bíduo mmɔ ni, bɛdubuti lɛlɔ biye bite Egyipte kalɔƒuɔ bammɔ na bitaabla kabla teete-ma. Nsu ukyuli biala uláyɔ ka uye-mii.

Lɛkpa Ulu 4:26

Anwuɔsu mɔɔsu-mii na katɔ ku kalɔ anumi ɔmwi limeyi lɛmɛni ka si bítadi litemi lɛni na lɛ́su-mii mɛni lɛlɔ ni, uwi uletu asa na Katɔti ɔdubɔyila-mii udu na kalɔ kani na bísela bitéti binwini bina kadikɔ mɛni lɛlɔ si bɛ́via Yordan Ketu.

Yosua 23:15

Nsu aani kalɛ kani na ɔ́di nwuna linyese biala na úse úte-mii lɛlɔ ni, lɛni kani na ɔdubɔni-mii kɔtu si bɛ́bla atu ɔkplu na ɔyila mii udu.