Hosea 9:1 - Katɔti Ɔku Kedee

¹ Israelƒuɔ, lɛlɔ litayɔ-ɔ munu munu! Na tebimi lɛlɔ aani kalɛ na kadi bamba bekyuli baadi bana emeyi kalɛ, ɔsika ádi lɛyalɛ ágya na álɛ ƒula Unwoti Katɔti kama. Na akɛ eebi taata na kesii biala na beewiile edula, na aaƒɔ́ lɛla lɛdi biala na bɛ́di kuye ka bete-ɔ.

Hosea 9:1 ပူးပေါင်းရင်းမြစ်များ

Kɔgya 73:27

Na bekyuli bani mɔɔlɛ́-ɔ kama ni, ɔkɔ uuubo-nwu kemmo ka badubo bɔyii ku udu.

Yesaia 17:11

na bɛ́nu-nya lɛlɔ ɔ́si ɔnta na áta álɛ lili kaduɛ ni, bilákɛ-nya biléde ɔsika bɛdubuduo lɛbibo ku bɔnɔ geen kemmo na nwuna kenye kelékulo.

Yeremia 2:19

Bina likyulikpi ndubo bunwini bina lɛtuni. Na kalɛ na bɛ́ta bínye-mi lɛlɔ na bíni-mi mɔɔdú-mii kɔtɔ. Ɔdi likpidi ku kɔtɔ bɔdu kati kati ka eni ami Unwoti Katɔti ɔsika ɔɔtina ka biláyia-mi munu munu. Ami Unwoti kadi ƒui Katɔti násu.

Yeremia 2:20

“Na kuuku uwi ɔni návi kemmo ni, bídie-mi atu na bíni ka lɛdi-mii lɛlɔ, na bɛnii bɛsɔ bilabla-mi kabla. Na ɔƒaani ni, baƒiɔ bammɔ na bɛɛkpá na biisié lɛlɔ kudɔ ɔnana ku uleku na egyii bonwu ammɔ ɔyuli kalɔ na abi eli.

Yeremia 44:17

Astarot ɔni ndi kayaa uleku ɔga baƒiɔ na abu búse kenye ka bɔdubɔkpa. Na ɔmmɔ geen na bɔdubo bɔbla. Bɔdubo oloƒui bɔkyula bute-nwu na buwi ntɛ kalɔ bɔkpa-nwu kalɛ kani na bula bati kuuku ku baga ku bula batɔnkune bábla uwi ɔni na bɔ́kya Yerusalem ku Yuda lɛma bamba kemmo. Lɛni na bɔ́bla na adila ákya-bu kaduɛ uwi ɔmmɔ na ala ádianku-bu na likpidi lɛdi lítalɛku-bu kudii.

Kɔnyana Buwulo 4:21

Amii Edomƒuɔ, bɛkana na bɛdi limeyi na bɛkɛ ebiti ɔƒɛni amu ƒaa. Nsu amii lɛnɔ bɛdubo bibebo abi na bɛkɛ bitaagbanta taavi ku kasɔngya.

Esekiel 16:15

“ ‘Amu na ebo ábanu áti ka aadia bɔnu na akana na akɛ ɔnana biala na aayɔ́, anwuɔsu na éti lɛlɔ éte ulusiene biala nási ɔɔví.

Esekiel 16:30

“ ‘Ami Unwoti Katɔti mɔɔsu ka biisé lɛlɔ geen ɔni bɛɛkana na bɛɛsia ulu biala lɛlɔ na bɛkɛ lɛla lɛni na bɛɛwia.

Esekiel 20:32

Baakali ka badubuti lɛlɔ benwini aani kadi bamba bekyuli na bataakpa ala ani na béti ligyii ku atabi bánwi na balɛ-mi enu sɛɛn na balákɛ kɔtu bɔni. Nsu ɔkɔ na ɔdi batatɔlɔ lɛlɔ!

Hosea 10:5

Na liƒu bonwu lɛdubo bekyuli bani nkya Samaria ƒui buƒie na bewulo kɔnyana na baƒiɔ bani na bátu bényene Bet-Awen. Baƒiɔ bammɔ na bana bakpane baabu na baakun lɛmɛnɛ ka baanu kalɛ na uukeye ku sika ugyiedi ɔsu. Nsu kekpo kadubo-ma buƒie na beti-ma bɔtɔlɔku na unwini-ma kɔƒa na ukyuli biala uteewulo.

Hosea 2:12

Uleku ɔmɛni ɔ́su ɔnini, ‘Mina basɔnɔ néte-mi adingyii mmo bɔni na mbo ka lɛ́ya na ami ku-ma bɔ́tɛ ɔsu.’ Nsu ni, ami Unwoti ndubo-mu bubile ƒui na lɛya na bɔta bunwini lɛku na bebuo bakun ala ammɔ bebile ƒui.

Hosea 4:12

Na bakɛ beebó like na egyiiku kudɔ ka bati lɛla lɛni na babla! Na egyiiku ammɔ lɛnɔ aasu-ma lɛla lɛni na baawia bati! Bányonu-mi aani uleku ɔni nányonu ɔnana na únwini ɔyalɛ, na bakɛ basiaku ala bamba kama.

Hosea 5:4

“Na bana ekpidi áya na basɔ balakana na benwini bebo ami bana Katɔti kudɔ, ɔsika lɛsɔnɔdi kɔyu kɔ́ƒɔ-ma lɛlɔ kemmo ƒui, na baaagyi ami bana Unwoti.

Hosea 5:7

Bátadi Unwoti litemi lɛlɔ, na bátáwɔ basɔnɔbi béyile kɔduli. Anwuɔsu kɔbuli kɔwɔdi limeyi kadikɔ na ama ku bana mmo ƒui bɔdubo udu bɔyii kede kede ƒui.

Amos 3:2

Amii kani na lɛ́ƒuna na kayawi kadi bekyuli ƒui akɔ, anwuɔsu na ndubo-mii kɔtu bɔni na bina alaekpidi ɔsu.”

Amos 4:5

“Amii biti bina etela lidu bitátina na bitaakun lɛmɛnɛ ɔsika ɔmmɔ udu kani na bɛgyi na bɛɛyɔ́ ka bitaabla. Ami Unwoti násu!

Amos 6:13

Lɛlɔ lɛɛyɔ́-mii na bɛɛkun lɛmɛnɛ teetu kɔnu kayi ka amii alati ɔyikun kemmo na bɛ́di lɛlɔ na Lo-Debar, na nwuna kalɔ ndi Kekeeke. Na bɛɛsu ka bina ɔyikun ɔsu na bɛ́ƒɔ Katranaim, na nwuna kalɔ ndi Ese ani nnye nte ɔyikun.

Amos 8:10

Na bina emeyi buni ani na bɛɛdi ƒui ndubɔya na enwini keku ku kɔnyana buwulo sɔɔn. Na bina adala adubunwini adikpi ekuku na bikpeyi eli bɛkɛ bitaavi. Na ɔdubɔbla aani si ubi unwi pɛ ɔni na ukyuli ɔdi ubo náyii-nwu na uuwulo. Na limeyi limodi lɛmmɔ lɛdubɔbla ɔdu kati kati sɔɔn limeyi.”

Yakobo 4:16

Nsu ɔƒaani ni, bɛɛtina lɛlɔ na bɛɛkun lɛmɛnɛ lɛnɔ. Na lɛmɛnɛ bɔkun biala bɔɔɔdia.

Yakobo 5:1

Ɔƒɛni ni, amii balakɛne, biteewulo geen na lɛbibo lɛni ndubo-mii lɛlɔ ɔsu.