Hosea 8:8 - Katɔti Ɔku Kedee

⁸ Israel amii ɔdi ɔ́sa, na kadi bamba bekyuli badubo-mii bɔnu ka bɛɛɛdi lɛla lɛdi.

Hosea 8:8 ပူးပေါင်းရင်းမြစ်များ

Baga 2 18:11

Asiriaƒuɔ ɔga úƒie Israelƒuɔ úsienku Asiria kalɔ lɛlɔ, na ɔ́ya na bétélie Hale na Gosan kalɔ kemmo na Habor Ketudɔ ku Media lɛma kemmo.

Yesaia 30:14

Anwuɔsu na bɛdubo bɔbwɛ aani ebui kɔkɛ kpɛtɛ kpɛtɛ ɔni na kakɛ kadi muedi kaladia ina ogya buti butédie bɔsiku asi bamba kemmo.”

Yeremia 22:28

“Yekonia, ukyuli biala údie-ɔ atu na basɔ balayɔ-ɔ aani libui lɛni nábwɛ. Anwuɔsu awɔ ku ƒula bebi ƒui na badubo bɔbɔku butákya kalɔ kani na bɛɛɛgyi-ka lɛlɔ lɛla lɛdi lɛlɔ.

Yeremia 25:34

Unwoti bekyuli bese bete-nwu aani nwuna baƒonu kalɛ na amii bana batɔnkune nádi nwuna baƒonu bammɔ lɛlɔ banune. Nsu ɔƒaani ni, bina lɛlɔ na údu ka bebeyi-mii badu aani baƒonu bammɔ kalɛ. Na bɛdubo bɔbwɛ bugyingya aani kalɛ na lɛkyami lɛbwɛdi lɛni mɔɔdia bɔnu lɛɛlɛ́ teebo teegyingya kɔkɛ kɔkɛ. Anwuɔsu bɛyu bɛtɛ kalɔ na biteewulo na biteebo teeminime na lɛti akɔ.

Yeremia 48:38

Na ɔmɛni ƒui ɔ́si ɔni na ami Unwoti líbo Moab lɛ́bwɛ aani libui lɛni na ukyuli ɔ́sɔ uláwia iye bekyuli baláka-ni.

Yeremia 50:17

Israelƒuɔ bese aani baƒonu lisu lɛni na bagyata bani na kɔka kɔɔda bábɔku bégyingya. Na Asiria ɔga náka-ma bɔduli kɔkɛ kɔkɛ lɛni asa na Babilon Ɔga Nebukadnesar úbabwɛ-ma ku ekubi ƒui.

Yeremia 51:34

“Yerusalem, bɛsu bɛnini, ‘Ɔga Nebukadnesar ɔ́ya na bɔ́gyini. Liƒu kebweyi kammɔ kéti-bu ku bula akɛla kése lɛlɔ lɛmwi na abu bɔ́sɔ bɔkya ukpludi. Úti-bu ala ani na ɔɔwia úbweli na útuo akladi úwi.

Kɔnyana Buwulo 2:16

Sion, ƒula bekisine beedumi-ɔ taama banii “Útakɛ-ɔ kaduɛ, lɛni geen na bɔɔwia ɔ́si kukuuku ka bubile-ɔ na bɔyila-a udu. Na ɔmwi limeyi lɛmɛni na bɔ́kɛ-ɔ sɔsɔ.”

Kɔnyana Buwulo 2:2

Unwoti útanu Israel lɛma lɛmmɔ kɔnyana munu munu, mmomu ɔ́bwɛ-ni na ɔ́yila kɔgyumanakɔ kpakplaa kɔmmɔ ƒui udu. Na úboku bagadine ku lɛgakadikɔ kɔmmɔ ƒui kalɔ ɔkɛnku nwuna kɔnyi ɔsu.

Kɔnyana Buwulo 2:5

Unwoti ɔ́bla lɛlɔ aani ukisine, na ɔ́da Israel úwi aani ɔma ɔni nábwɛ, na nwuna baga lɛgbanya ku ɔma kɔgyumanakɔ kpakplaa ƒui kɔ́bwɛ. Na ukyuli biala uuwulo keku na Yuda kalɔ ƒui lɛlɔ ku kɔnyana.

Kɔnyana Buwulo 4:2

Na Sion bebi bani na nka báƒɔ kuye betulo sika ugyiedi ni, bekyuli baanu-ma aani lɛvɔti akyami ani naaadi ku lɛla.

Kɔnyana Buwulo 5:2

Baƒɔ bébeti-bu kɔlɔ ku bula kɔduli bénwini bana ɔdi.

Esekiel 36:3

Bébile-mii na békpo-mii bádi-mii lɛlɔ ɔ́si lɛƒɛnyi ƒui lɛlɔ. Na kadi bamba bekyuli bani ndi baƒɔ béƒie-mii na baamá-mii.

Lewiƒuɔ Ɔda Bubo 26:33

Ndubo-mii bugyingya bɔkya kadi bamba bekyuli akɔ na liti mina kewii lɛbɔku-mii. Na lɛya na bina kalɔ ku bina lɛma linengudi ƒui lɛsɔ lɛtɛ ukpludi.

Romaƒuɔ 9:22

Na lɛni kani na Katɔti lɛnɔ ɔ́bla. Ɔɔyɔ́ ka udie nwuna kɔnyi keyi na banu nwuna ɔyikun bati. Nsu ɔ́kɛ kayi geen úte bani mɔɔkya-nwu kɔnyi ina ka ɔ́ɔlɛ-ma ugyii úse ka ɔyila-ma udu.

Lɛkpa Ulu 28:25

Unwoti ɔdubɔya na bina bekisine badi-mii lɛlɔ. Na bɛdubɔsia ulu unwi bɛnii bitékpoku-ma, nsu bɛdubɔsia lilu maatɛ lɛlɔ bikeli bɛtɔlɔ. Na si ɔmɛni udu ɔ́lɛ lɛni ni, ɔdubɔbla kayawi bekyuli ƒui kalɛ kadi. Na badubuye lɛlɔ ka bi mɔɔlɛ́ na bina lɛlɔ mɛni.

Lɛkpa Ulu 28:64

Bina Unwoti ɔdubɔya na bigyingya bɛkya kalɔ lɛlɔ ƒui. Mmɔ na bɛdubo baƒiɔ bani na béti egyii ku atabi bánwi bɔkpa, baƒiɔ bani na bina bati kuuku bátakpa kudii.