Hosea 8:7 - Katɔti Ɔku Kedee

⁷ “Ɔsika si ágya ɔƒɛƒɛɛ ni, ɔƒɛƒɛɛ ɔni mɔɔkya ligede na adubo bɔnu. Na kamu kani nátakya ebi kalayu taabla ligyie na bekulo-ka bababla lɛdila lɛdi. Na si ina kákya ebi muedi ni, bekisine badubo-ka buyu bɔtɔlɔku-mii kudɔ ƒui.

Hosea 8:7 ပူးပေါင်းရင်းမြစ်များ

Ala Kalɔ Buse 41:23

Na ebi abuni ammɔ kama ni, kamu liteli bamba lɛnɔ lɛ́kwɛ na kábwɛ eli maatɛ. Nsu anya ásiaku ɔƒɛ na áyɛyɛ, ɔsu ákya ebi ƒaƒaa.

Baga 2 15:19

Ɔmmɔ kama Asiriaƒuɔ Ɔga Pul útéti Israel kalɔ. Na Menahem ɔ́wia sika ɔƒualadi antabi aƒo eti maatɛ ku aavlanyɔ (370) úte-nwu kalɛ na unye-nwu kama na ɔkana lɛga kadikɔ kammɔ bɔda kpakplaa.

Baga 2 15:29

Na uwi ɔni na Peka ɔdi ɔga na Israel ni, Asiriaƒuɔ ɔga ɔni baalɔ Tiglat-Pileser úkpo ɔ́ƒɔ Iyon ku Abel-Bet-Maaka ku Yanoa ku Kedes ku Hasor ku Gilead ku Galilea ku Naƒtali lɛma ƒui. Na úƒie bekyuli bammɔ úsienku Asiria na útákya-ma ɔtɔ.

Hiob 4:8

Ami lɛ́ɛnu dii, kalɛ na bekyuli bani muunye likyulikpi ala bɔbla lɛlɔ aani kalɛ na ɔtumane uugúlu kalɔ taava edula ni, beedé bana likpidi ebi ani na báva.

Agba 22:8

Bekyuli bani na litemi lɛlɔ tadi ulu lɛlɔ ebi na baavá na bekyuli akɔ ni, ɔgbankpi ebi na badubo bɔƒɛ. Na bana liƒu lɛni baakya bekyuli na baadi-ma lɛlɔ kenye kadubo buklo.

Etemila 5:16

Ɔmɛni ɔdi kɔnyana litemi lɛni naaadia bɔnu na ɔdi ɔƒɛƒɛɛ bɔbi taasiaku.

Yesaia 17:11

na bɛ́nu-nya lɛlɔ ɔ́si ɔnta na áta álɛ lili kaduɛ ni, bilákɛ-nya biléde ɔsika bɛdubuduo lɛbibo ku bɔnɔ geen kemmo na nwuna kenye kelékulo.

Yesaia 55:2

Bi ɔsu na biibile egulabi na lɛla lɛni naaadi adila geen lɛlɔ na binye biitú lɛlɔ na lɛla lɛni neeemo ukyuli lɛlɔ? Bise atu na binu-mi litemi kaduɛ, na bɛdubɔdi emini biala na bɛɛyɔ́, na bɛkɛ adila abuni ƒui bɛdi bimo.

Yesaia 66:15

Bɛnu! Unwoti uli nwuna kɛɛkɛ kemmo ɔdubo ku ogya na use aani ɔƒɛƒɛɛ ɔni mɔɔkya ligede. Ɔkɛnku kɔnyi kati kati ɔdubo na ɔdubo bekyuli bɔbɔku ku ogya unyemi ɔni mɔɔda gaganga.

Yeremia 12:13

Mina bekyuli, kamu na bɛ́kya, nsu ka líti kɔnyi lɛ́kya-mii ɔsu ni, livo kani na lɛya na lɛ́kwɛ. Anwuɔsu bíbo abi ekpludi na bítakɛ ku lɛla!”

Kɔnyana Buwulo 5:2

Baƒɔ bébeti-bu kɔlɔ ku bula kɔduli bénwini bana ɔdi.

Hosea 2:9

Anwuɔsu ndubo ala ammɔ ƒui buƒie bɔƒɔ edula ku egyiibi ammɔ ƒui ɔsɔ ulanu-nya uléde. Na liƒie mina adala abuni ku ana lidu bamba lɛmmɔ lɛƒɔ, adala ani na uubi lɛlɔ mmɔ.

Hosea 7:9

Bányonu lɛlɔ béte baƒɔ na bana ɔyikun ƒui ɔ́yii udu na balanu taati. Na bana lili linwini lɛ́ta lɛɛƒuala, nsu balanu ɔmmɔ lɛnɔ taati.

Hosea 9:16

Israel kadi bekyuli bese aani kugyii kɔni kuna ligyiitu lɛ́kwii na kuna kɔgba kɔsɔ kulákana ebi bɔnwu. Na si ina bɛ́sɔ bɛ́wɔ bebi na bɛɛyɔ́-ma dɛ muedi ni, ndubo-ma bɔdu ƒui.”

Nahum 1:3

Unwoti use buɛɛ na uleyile kɔnyi buti, nsu ubo ɔyikun. Anwuɔsu bani ƒui mɔɔƒiɔ́-nwu ni, ɔɔnu ka ɔ́ni-ma kɔtu, na ɔdi ulekeli lɛtuni lɛmmɔ. Nwuna ablala eedie lɛlɔ keyi na ɔƒɛƒɛɛ kpakplaa ɔni mɔɔkya ligede kemmo. Na nwuna lɛgba kalɔ ɔtumu ndi liƒlukutu lɛni bɔɔnu.

Hagai 1:6

Bɛɛkya edula, nsu biláƒɛ-nya kalɛ na bɛ́kya-nya kenye. Na bilakɛ taadi teemo, na bilakɛ ntɛ lɛnɔ taani na budu-mii ɔkwɛ. Na bina adala lɛnɔ elebunku-mii na lɛlɔ lɛbla-mii gugungu. Na bina lɛyuƒɔla lɛni na bɛɛkɛ́ ni, kɔvumi kɔni náƒuala kemmo na bɛɛkya bina egulabi ammɔ.

Galatiƒuɔ 6:7

Ɔdi utatɔlɔ lɛlɔ, ɔsika ukyuli ɔdi ulakana na wavi Katɔti kekuma. Ɔsika lɛla lɛni na áva ni, ani kani na adubo bude.

Galatiƒuɔ 6:8

Si aavá ala ani mɔɔda ɔlɔna ɔkwɛ ebi ni, kukpi na adubɔkɛ. Nsu si aavá ala ani mɔɔda Kɔyu ɔkwɛ ebi ni, ngba bɔni nsɔ naaadubo bɔsa kudii na adubɔkɛ.

Lɛkpa Ulu 28:33

Na ɔgyu kakaaka kadi bekyuli badubo na babaƒɛ bina edula ani bíbo abi bɛ́va batɔlɔku, nsu baaadubo-mii kayu kadi bɔƒɔ. Lɛbibo kama lɛbibo na bɛdubɔnu.