Hosea 8:6 - Katɔti Ɔku Kedee

⁶ Na Israelni ɔdi nébo úbavɔ baƒiɔ bammɔ úte-ɔ. Nsu ami kani ndi Katɔti unwi ɔmmɔ, anwuɔsu baƒiɔ bammɔ badubo bɔbwɛ bugyingya.

Hosea 8:6 ပူးပေါင်းရင်းမြစ်များ

Baga 2 23:15

Na Ɔga Yosia ɔ́sɔ úgyingya akpabi ani lɛlɔ na baakpá na Betel na Nebat ubidi Ɔga Yerobeam ɔ́tu ɔ́lɛ mmɔ uwi ɔni na ɔ́kpanku Israelƒuɔ útákya likpidi kemmo. Ɔga Yosia ɔ́ƒɛ lɛkpa lɛmmɔ na ɔ́bwɛ atabi ammɔ na ɔ́kɔ-nya ɔ́bla ntɔ. Na ɔ́kyula Asera baƒiɔ bani bávɔ bálɛ mmɔ.

Baga 2 23:19

Na Israel ɔma biala ni, Ɔga Yosia úgyingya akpabi ani ƒui Israelƒuɔ bátu bálɛ na ákya Unwoti kɔnyi. Na lɛni na ɔ́bla akpabi ani ƒui nkya Betel.

Ala Alɛdi 2 13:8

“Na mɔɔnu ka awɔ ku ƒula bekpone bayikune bani na aanu ka ebo mɛni bɛɛkali ka bɛdubɔkana na binye bɛsiaku lɛgakadikɔ kani na Unwoti úti úte Dawid ku nwuna ɔtɔ kemmo bawɔ. Lɛla lɛni kani na ebo ndi Yeroboam sika ugyiedi baƒiɔ bani na bávɔ béte-ɔ na ɔmantɛ bakɔ bebi udu kenye.

Ala Alɛdi 2 31:1

Ka bádi limeyi lɛmmɔ báwɔlɔ ni, bekyuli bammɔ bésie Yuda lɛma ƒui kemmo na bátábwɛ atabi baƒiɔ bani ƒui na bátu bálɛ lɛma lɛmmɔ kemmo. Na békulo lɛƒiɔgyii lɛni na bálɛ béte Asera baƒiɔ mmɔ ƒui béwi kalɔ. Na baƒiɔ lidu biala na bátu na abi eli ku bana akpabi ƒui ni, bábwɛ-ma na Yuda kalɔ lɛlɔ ƒui ku Benyamin ku Eƒraim ku Manase ɔƒɛ kanukɔ kakɛ ƒui béwi kalɔ na bátɔlɔ bésie bana kɔduli.

Yeremia 10:14

Bekyuli bani mɔɔnwí na baavɔ́ ala teese lɛlɔ aani baƒiɔ bádɔlɔ! Badubo bana lɛnunsia bɔyila na enu aƒɛ-ma, ɔsika bana ɔkɔ bɔnyi baƒiɔ bammɔ balakana bɔnwuna.

Yeremia 48:13

Mmɔ na kɔƒa kɔdubo-mii bukpo, ɔsika bina Kemos baƒiɔ baaadu-mii bɔkana bɔƒɔ aani kalɛ na Betel útakana na ɔƒɔ Israelƒuɔ.

Yeremia 50:2

Lɛ kati bute aƒlaga na ava momoomo kalɛ na kadi bekyuli ƒui benu anini, ‘Badubo Babilon buƒie enu enu! Na kɔƒa kɔdubo bana Marduk baƒiɔ bammɔ bukpo na liƒu liƒie-nwu geen na bebo ala ani na bávɔ béte-nwu bɔbwɛ buwi kalɔ ƒui.

Hosea 10:2

Ɔkɔ ɔnyine bonwu na adi na aládi litemi lɛmmɔ lɛlɔ. Anwuɔsu adubo ƒula ekpidi lili kayu bɔƒɔ, ɔsika Unwoti ɔdubo ƒula akpabi ku baƒiɔ bani na ávɔ mmɔ bɔbwɛ na ɔyila-ma udu.

Hosea 13:2

Na ɔƒaani ni, bɛmu binye likpidi lɛmmɔ kani bɔbla lɛlɔ, na bíti sika ɔƒualadi bɛ́vɔ ɔmantɛ bakɔ bebi udu baƒiɔ bíte lɛlɔ, na básu-mii banii bitaakyula akpala teete-nwu na bɛɛkya-ma kɔgbu taaƒuƒuɛ muedi.

Hosea 14:3

Asiria ulakana-bu bɔƒɔ, na kekpo bapɔnkɔ kɛɛkɛ lɛnɔ ulakana-bu bubunku. Anwuɔsu bɔsɔ bulákpa baƒiɔ bani na bɔ́vɔ, ɔsika awɔ Unwoti mɔɔnu bekpinebi kɔnyana.”

Mika 1:7

Badubo Samaria baƒiɔ ƒui bubo bɔbwɛ. Na ogya ɔkyula ala ani na bákɛ básiku bana kakpakɔ na nwuna bayalɛ kabla kammɔ kudɔ. Na baƒɔ bani nse aani bana kalɛ kani bebeti bana akɛla ammɔ ƒui na beti betéte bana lɛƒiɔkpa bayalɛ, ɔsika bayalɛ kudɔ na ala ammɔ ási.

Habakuk 2:18

“Kɔsia kɔmani na baƒiɔ bebo? Ala avɔdi ku anwidi ekpludi ani na bekyuli béti bana enu bábla bálɛku ligyii ku abuala kemmo kani na adi. Na bi ɔsu na ɔlɛka ukyuli uti anu ɔsia ala ani naaatɛmi mɛni lɛlɔ?

Batalane Kabla 17:29

“Na ka bɔdi Katɔti bebi ɔsu ni, utalɛka bɔkali bɔnii Katɔti ɔmɛni use aani lɛla lɛni na abu bayawine néti enu bɔ́bla aani sika ugyiedi iye ɔƒualadi iye ugyii iye lɛtabi iye ala anwidi lɛnɔ kalɛ.

Batalane Kabla 19:26

Na biinú na bɛɛnu kede kede kalɛ na Paulo ɔkya uuwi bula kabla kamɛni anumi kalɔ, na uunwíni bekyuli pii kasusu ɔnii baƒiɔ ala ani na bɔɔbla ƒui aaadi ala ani na bakya lili kalɔ bete! Ɔmɛni ɔsu na bula liyedi líbo kalɔ! Na ɔɔɔdi Eƒeso mɛni lɛti na ɔmɛni ɔdaku bɔlɛ. Mmomu ɔkya na Asia kalɔ kamɛni lɛlɔ ƒui!