Hosea 8:5 - Katɔti Ɔku Kedee

⁵ Na líti kɔnyi lɛ́kya awɔ Samaria ɔma unengudi ɔmmɔ na ƒula baƒiɔ bani na ávɔ na ɔmantɛ akɔ ubi udu kenye mmɔ ɔsu. Uwi ɔmani na aakali ka adubɔsɔ abla sɛɛn na mina anumi?

Hosea 8:5 ပူးပေါင်းရင်းမြစ်များ

Ala Alɛdi 2 13:8

“Na mɔɔnu ka awɔ ku ƒula bekpone bayikune bani na aanu ka ebo mɛni bɛɛkali ka bɛdubɔkana na binye bɛsiaku lɛgakadikɔ kani na Unwoti úti úte Dawid ku nwuna ɔtɔ kemmo bawɔ. Lɛla lɛni kani na ebo ndi Yeroboam sika ugyiedi baƒiɔ bani na bávɔ béte-ɔ na ɔmantɛ bakɔ bebi udu kenye.

Kɔgya 19:13

Na ada-mi edie ekpidi ani ngyi ka adi bɔƒiɔ asa na mɔɔbla lɛnɔ kemmo. Taya na ekpidi ammɔ adi-mi lɛlɔ kalɛ na kɔtɔ bɔdu bɔdi bulakya-mi lɛlɔ na lɛbla siin.

Agba 1:22

Lɛnunda ɔ́kpali ɔnini, “Amii bani na bina kasusu kásɔ ni, uwi ɛlɛ na bɛdubusie anumi ku bina ngba bɔni násɔ bulie bitédu? Uwi ɛlɛ na amii bani mɔɔmá litemi geen lɛmmɔ bɛdubɔbla lɛni bitédu? Na amii badɔlɔdi bikisi lɛlati?

Yesaia 45:20

“Bɛsala-mi kudɔ amii bani nébu na kadi biala bekyuli akɔ na kɔlɔ kɔmmɔ kemmo! Na bɛnu bɛti kalɛ na ɔdi kɔdɔlɔ ka binye bitaabu baƒiɔ iye ala anwidi na bitaakpali-ma bɛnii ama mebunku-mii aani bina Unwoti, nsu balakana-mii bɔƒɔ.

Yeremia 13:27

Anwuɔsu ndubo bina adala bɔni budie-mii lɛlɔ na bɛsɔ bɛkɛ kasɔngya ku kɔƒa kɔƒa na ukyuli biala utaanu-mii. Amii ɔdi ɔ́sa na bɛ́yii udu! Bɛɛƒɔ́ taadi ka bɛdubɔsɔ bɛbla bekyuli bani mamanku ka bɛsɔ bɛkpali-mi?”

Yeremia 4:14

Nsu ni, Yerusalem, uwi ɔmu ɔkya-mii ka bɛkɛ bɔƒɔ. Bɛƒɔ bina ekpidi ƒui bidie lɛlɔ ku kayi kemmo na bɛda likpidi kakwɛ biala bɔkya bɛya,

Yeremia 48:13

Mmɔ na kɔƒa kɔdubo-mii bukpo, ɔsika bina Kemos baƒiɔ baaadu-mii bɔkana bɔƒɔ aani kalɛ na Betel útakana na ɔƒɔ Israelƒuɔ.

Hosea 10:5

Na liƒu bonwu lɛdubo bekyuli bani nkya Samaria ƒui buƒie na bewulo kɔnyana na baƒiɔ bani na bátu bényene Bet-Awen. Baƒiɔ bammɔ na bana bakpane baabu na baakun lɛmɛnɛ ka baanu kalɛ na uukeye ku sika ugyiedi ɔsu. Nsu kekpo kadubo-ma buƒie na beti-ma bɔtɔlɔku na unwini-ma kɔƒa na ukyuli biala uteewulo.

Hosea 10:8

Na akpabi ani na abi eli mmɔ ƒui adubɔyii udu ka ɔkɛnku bana lɛlɔ ɔsu na Israel ɔ́bla likpidi. Na liyu alakpi ku livo bamba ndubo bɔkwɛ na mmɔ ƒui. Na liƒu ɔsu ni, bekyuli bammɔ badubɔkpali basu abi ammɔ banini, “Bɛbɛla-bu!” Na badubɔsu abinkpo lɛnɔ banini, “Bibebi-bu lɛlɔ!”

Hosea 13:2

Na ɔƒaani ni, bɛmu binye likpidi lɛmmɔ kani bɔbla lɛlɔ, na bíti sika ɔƒualadi bɛ́vɔ ɔmantɛ bakɔ bebi udu baƒiɔ bíte lɛlɔ, na básu-mii banii bitaakyula akpala teete-nwu na bɛɛkya-ma kɔgbu taaƒuƒuɛ muedi.

Hosea 8:6

Na Israelni ɔdi nébo úbavɔ baƒiɔ bammɔ úte-ɔ. Nsu ami kani ndi Katɔti unwi ɔmmɔ, anwuɔsu baƒiɔ bammɔ badubo bɔbwɛ bugyingya.

Amos 8:14

Na bani mɔɔbla kɔƒa ala taakpali Samaria baƒiɔ, bani nkya Dan ku Beer-Seba teese kenye ni, badubo bubuli ɔni na basɔ balakana bɔta lɛnɔ.”

Mika 1:7

Badubo Samaria baƒiɔ ƒui bubo bɔbwɛ. Na ogya ɔkyula ala ani na bákɛ básiku bana kakpakɔ na nwuna bayalɛ kabla kammɔ kudɔ. Na baƒɔ bani nse aani bana kalɛ kani bebeti bana akɛla ammɔ ƒui na beti betéte bana lɛƒiɔkpa bayalɛ, ɔsika bayalɛ kudɔ na ala ammɔ ási.

Batalane Kabla 7:41

Anwuɔsu bábla baƒiɔ badi aani akɔ ubi, na baakpá-nwu, na bádi limeyi ku ebiti na lɛla lɛni na bábla mɛni ɔsu.

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.