Hosea 8:1 - Katɔti Ɔku Kedee

¹ “Vwi kakpɛɛ na ebo Israelƒuɔ ɔda na ete-ma bɔti anii bekisine bakɛ bana eli baatú-ma na badubo bebéyu-ma batu aani kasangbii ka bébile mina bunyimi na báta bénye mina ɔda bubo lɛlɔ ɔsu.

Hosea 8:1 ပူးပေါင်းရင်းမြစ်များ

Baga 2 18:27

Amu na bekpone benengu bammɔ bédie kenye banini, “Bɛɛkali ka amii ku bina ɔga kani na bula ɔga ɔ́tala ɔ́kya ka bubasu-mii etemila amɛni? Oowo! Bekyuli bani na bákɔ benye awodu lɛlɔ lɛnɔ ɔlɛka benu ɔdi. Ɔsika ama lɛnɔ badubɔdi bana kuvodɔ na bani bana kɔnɔ aani bina kalɛ!”

Yesaia 18:3

Amii bayawine ƒui, ku amii bani na bilie kalɔ lɛlɔ mɛni, bɛdubo bɔnu aƒlaga ɔdi si bákɔliku-nwu katɔ na abi lɛlɔ, na binu kakpɛɛ kadi kɔku si bávwi-ka.

Yesaia 24:5

Bekyuli bébile kayawi kammɔ na keesé lɛlɔ. Bátadi ɔda bubo bɔmmɔ lɛlɔ, na báta bénye litemi lɛmmɔ lɛlɔ, na bébile Katɔti bunyimi bɔni nnye nte uwi ƒui mmɔ.

Yesaia 58:1

“Kɔ litemi lɛmmɔ lɛsa na tebile kenye tasɔ telie. Na asu mina kadi bekyuli Israelƒuɔ bana ekpidi ku kalɛ na báta bénye-mi lɛlɔ.

Yeremia 31:32

Na ulése aani kalɛ na línyimiku bana bati kuuku na uwi ɔni na lɛ́da-ma kɔnu kɔnu na lɛ́tɔnku-ma lɛ́lɛku Egyipte kalɔ lɛlɔ. Na ina ami ndi bana Katɔti muedi ni, bátadi bunyimi bɔmmɔ lɛlɔ.

Yeremia 34:18

“Na bunyimi bɔmɛni ɔdi bɔbla kemmo ni, bɛ́du ɔmantɛ akɔ ubi na bɛ́bwɛ-nwu kemmo akpa anyɔ. Na bisie bɛ́vi kɔkɛ kɔmmɔ ntɛ na bɛ́su bɛnii ami nnye bina bunyimi bɔmɛni kama ka bɛdubute bina banwani bɔnwuna. Nsu amii Yerusalemƒuɔ bíni na bítadi bunyimi bɔmɛni iye ami bɔdi bɔni na línyimiku Israel lɛlɔ. Anwuɔsu lɛla lɛni na bɛ́bla ɔmantɛ akɔ ubi ɔmɛni ni, ani kani na ndubo-mii bɔbla.

Yeremia 4:13

Bɛnu! Aanu bina bekisine bekpone ka bási baayu aani kalɛ na kɔdigbo kɔɔtu taayu lɛla lɛni na uƒie lɛlɔ. Bana bapɔnkɔ ku kɛɛkɛ uukeli usi momoomo teetulo kalɛ na ɔƒɛƒɛɛ kpakplaa uuminime liƒlukutu na kayaa. Na mmɔ na bɛdubɔsu ku kɔnyana bɛnini, ‘Abu ɔdi ɔ́sa!’

Yeremia 4:5

Unwoti ɔ́su ɔnini, “Bɛvwi ese na bɛkɔ lɛsa momoomo na Yuda ku Yerusalem ƒui na bɛsu-ma bɛnini, ‘Bikeli bisie lɛma linengudi lɛni na bátu bámana kemmo na bɛkɛ bɔƒɔ!’

Yeremia 48:40

“Moab, aanu ka ukisine ɔdi úveyi ɔɔví kayaa na ɔ́tu ɔdubo aani kɔdigbo aasɛ na úgyingya avwi úbi ƒula kalɔ kammɔ lɛlɔ.

Yeremia 49:22

Ukisine ɔdi ɔdubɔtu ɔsi kayaa ubebi-mii lɛlɔ na ukpoku-mii aani kɔdigbo aasɛ na ɔdubugyingya nwuna avwi ubi Bosra ɔma na utaaka taamana-nwu. Na liƒu bonwu lɛdubuƒie ƒula bekpone ƒui.”

Yeremia 51:27

Unwoti ɔnini, “Bite kalɔ bekyuli bɔti na benye kagyumana kalɛ na betékpo. Na bɛkɔliku kati bute aƒlaga katɔ na bɛvwi lise. Na bɛtala na betétiku bekpone basiku Ararat ku Mini ku Askenas. Na bɛƒuna bekpone ɔtɔnkune na bɛya na bekpone bani nkɛ lɛgba batɔ kekpo aani baalɔlɔ lisu bonwu kalɛ.

Yeremia 6:1

Unwoti ɔ́su ɔnini, “Amii Benyamin kɔdua bekyuli, bikeli bɛlɛ Yerusalem na bɛƒɔ bina ngba. Na bɛvwi lise na Tekoa ɔma kemmo na bɛsala ogya ɔni madi kati bute ogya na Bet-Hakerem. Uwi ɔsɔ uletu asa na ɔgbankpi ɔdubɔsi kalɔ kammɔ katɔ kakɛ ubeyu-mii ɔtu.

Esekiel 11:4

Anwuɔsu ni, Esekiel, du-ma kukpi kɔtɔ!”

Esekiel 16:59

“ ‘Yerusalem, ámanku kɔtu bɔni, ɔsika ébila mina linyese ku ala ani na línyimiku-ɔ.

Esekiel 17:3

kalɛ na benu lɛla lɛni na mɔɔsu kalɔ. Kɔdigbo aasɛ ɔdi na avwi ebo-nwu ɔkplu geen na nwuna kɔgya kɔɔdia bɔnu ni, úveyi limeyi lɛdi úsie Lebanon. Na ɔ́ƒɛ kugyii kpakplaa kɔdi kagba katɔdi.

Esekiel 7:14

Bávwi lise béte-mii bɔti ka báaklibi ekpola bése béte kekpo. Nsu bina ɔdi ɔɔɔdubo kekpo kammɔ busie ɔsika lɛ́kɛku Israelƒuɔ ƒui kɔnyi.

Hosea 4:6

Amii bani na bɛdi bakpane bíni-mi, na mina bekyuli baayii udu ka béni mina ɔda bubo ɔsu. “Na ɔƒaani ni, ami lɛnɔ ndubo-mii buni na lɛyiƒala bina bebi ɔsika amii bɛ́yiƒala mina ɔda bubo.

Hosea 5:8

“Vwi kakpɛɛ na alɛ-ma kpakplaa ete-ma bɔti na benu kekpo kɔku na Gibea kalɔ lɛlɔ ku Rama ku Betel kesii kani na likpidi bɔbla bɔ́ƒɔ mmɔ ƒui. Na bibo kudu na Benyamin kadi bekyuli bavi batɔ!

Hosea 6:7

“Nsu aani Adam ni, bíbile mina bunyimi bɔni na línyimiku-mii. Na bítadi mina litemi lɛlɔ.

Hosea 9:15

Unwoti ɔnini, “Bana ulikplu ala ani na bábla na Gilgal na lɛ́nu ɔsu muukisi-ma geen. Na bana alaekpidi ɔsu ndubo-ma bɔbɔku budie mina kaduli na nsɔ lɛɛɛdubo-ma bɔyɔ, ɔsika bana batɔnkune bálɛ-mi kama.

Yoel 2:1

Vwi kekpo kakpɛɛ na ete bɔti na Sion, na mina kɔbi kedee lɛlɔ, na liƒu litaada bekyuli ƒui na kalɔ kammɔ lɛlɔ, ɔsika Unwoti limeyi lɛni na ɔtɛ litemi lɛ́si lɛdubo.

Yoel 2:15

Vwi kakpɛɛ na Sion! Na alɔ bekyuli bammɔ ƒui na bɛsa bɔsa kedee na mina lɛnyi lɛlɔ bɛtina kalɛ na biiwulo kɔnyana na bina kenye kani na biinyimi kemmo.

Amos 3:6

Lɛlɔ lɛɛtɔ́ ukyuli biala na ɔma kemmo si bávwi kekpo lise. Na ɔgbankpi ulalɛ na ɔma ɔdi kemmo si Unwoti útatuna.

Amos 8:3

Na ɔ́sɔ ɔ́su-mi ɔnini, “Na limeyi lɛmmɔ lɛlɔ ni, lɛnu lɛni na beedie na kakpakɔ mmɔ ƒui lɛdubo bunwini keku ku kɔnyana buwulo sɔɔn na bekpine badubɔƒɔ kesi kesii. Anwuɔsu awɔ bile kenye na asɔ elie kpoo ataanu!”

Amos 9:1

Lɛ́nu ka Unwoti unye lɛkpabi lɛmmɔ kudɔ na ɔ́su ɔnini, “Kunku akpa enengudi ammɔ momoomo útédu ka ɔtɔ ɔmmɔ ɔ́kunku útálɛ kowodu kalɔ ƒui. Na lɛsa limodi lɛmmɔ ligyingya na lɛta lɛmmɔ lɛƒɛ libayu bekyuli bammɔ lɛlɔ. Na si badi bébu ni, ndubo-ma bɔdu ku kuwii. Na ina ukyuli unwi muedi ulébu na ɔdi lɛnɔ ulakana bukeli.

Habakuk 1:8

Bana bekpone bani muulie bapɔnkɔ beekeli usi teetulo bebuoƒuala na baabla kɔnyi ala ku ogya teetulo beƒukutu bani mɔɔbwi bebuo bamba si ɔƒɛ ɔ́nu. Na bana usi ɔɔbabala teetulo kɔdigbo aasɛ ɔni na kɔka kɔɔda na ɔɔtu taasi kayaa ka ubeƒie lɛla lɛdi na kalɔ.

Seƒania 1:16

Na badubo kekpo kɔkpɛɛ butaavwi na beteedie kekpo lɛnu taaka taamana lɛma lɛni na bátu awodu bámana ku kɔgyumanakɔ kpakplaa bényene.

Sakaria 11:1

Lebanon, lɛmi ƒula ɔban kɔyakun wi na ogya uduo-ku kemmo na ɔkyula ƒula egyii enengudi kpakplaa ammɔ.

Sakaria 9:14

Unwoti Katɔti ɔdubɔda ɔlɛ kayaa na bana eli, na nwuna atula adubo butaatu taavi kayaa aani kalɛ na kayaa kaabwɛ ogya. Katɔti ɔdubɔya na bavwi nwuna kɔkpɛɛ, na ɔdubukpoku nwuna bekisine na ɔƒɛƒɛɛ kpakplaa ɔni mɔɔkya ligede kemmo ɔsi kada kakɛ.

Mateo 24:28

Anwuɔsu bitayiƒala ka kesii kani na lɛla lɛdi likpi lɛtɛ ni, mmɔ na begbini baasa.

Korintoƒuɔ 1 15:52

Na ɔdubɔbla aani kalɛ na beebó anumi. Ɔsika si kakpɛɛ kammɔ káku ni, Katɔti ɔdubɔgyila bekpine ɔni na basɔ belekpi kudii. Na ɔdubo bula ƒui udu bɔvumana.

Lɛkpa Ulu 28:49

Na Unwoti ɔdubɔya na kadi bamba bekyuli bani na si bátɛmi na bilénu kalɔ basi ɔgyu kakaaka bada balɛ-mii lɛlɔ kɔnakunwi aani kalɛ na kasangbii kaayu teeƒie lɛkɔkɔbi kalɛ.