Hosea 7:8 - Katɔti Ɔku Kedee

⁸ “Israel kadi bekyuli bani násalaku kadi bamba bese aani bodobodo ɔni na béƒi na ɔ́bi kakɛ ku kakɛ.

Hosea 7:8 ပူးပေါင်းရင်းမြစ်များ

Baga 1 18:21

Amu na Elia úsie ɔ́vi bekyuli bammɔ akɔ na uuyé-ma ɔnini, “Uwi ɛlɛ geen na bɛdubulie bitaabla kasusu kunyɔ kunyɔ bitálɛ? Si Unwoti ndi Katɔti ni, bɛsiaku-nwu kama. Na si Baal lɛnɔ ndi bina Katɔti ni, na bɛsiaku-nwu kama.” Nsu bekyuli bammɔ bétedie kenye kadi.

Esra 9:1

Uwi ɔni na báwɔlɔ ala ammɔ ƒui bɔbla ni, Yudaƒuɔ benengu badi bábasu ami Esra banini, “Israelƒuɔ ku Lewiƒuɔ ku bakpane bani nli mɛni lɛnɔ bebunku bekyuli bani nátamami lɛlɔ bétedie bekyuli bani lɛma nkya bula amadɔ aani Kanaanƒuɔ ku Hitiƒuɔ ku Perisiƒuɔ ku Yebusiƒuɔ ku Amonƒuɔ ku Moabƒuɔ ku Egyipteƒuɔ ku Amoriƒuɔ ala bɔbla ani muusé lɛlɔ mmɔ kudɔ.

Esra 9:12

Ɔmmɔ ɔsu biteti bina bebi belekubi bitete-ma na beti iye bɛya na bina bakloƒu beti bana belekubi. Na bitawia ulu ɔdi na amii ku ama bɛbla unwi na ulu ɔdi lɛlɔ. Na bɛdubɔkɛ ɔlɔkplu na bɛdi ala abuni ani nkya kalɔ kammɔ kemmo na bise bina bebi ku bawɔ kama úsela uwi ƒui.’

Kɔgya 106:35

Mmomu básalaku-ma na basiaku bana ɔbladu kama na baabla lɛla linwi.

Hosea 5:13

“Na uwi ɔni na Israel ku Yuda bekyuli bánu bana ɔlɛ ɔni nda-ma báti ni, békeli bésie Asiria ɔga unengudi kudɔ banii ubunku-ma. Nsu útakana-ma kebunku kadi bute na ɔbwi-ma.

Hosea 5:7

Bátadi Unwoti litemi lɛlɔ, na bátáwɔ basɔnɔbi béyile kɔduli. Anwuɔsu kɔbuli kɔwɔdi limeyi kadikɔ na ama ku bana mmo ƒui bɔdubo udu bɔyii kede kede ƒui.

Hosea 7:9

Bányonu lɛlɔ béte baƒɔ na bana ɔyikun ƒui ɔ́yii udu na balanu taati. Na bana lili linwini lɛ́ta lɛɛƒuala, nsu balanu ɔmmɔ lɛnɔ taati.

Hosea 9:3

Na bɛdubo bɔtɔlɔ na Unwoti kalɔ kammɔ lɛlɔ. Na bina badi badubo bɔtɔlɔ busie Egyipte kalɔ lɛlɔ, na badi lɛnɔ besie Asiria kalɔ lɛlɔ na bitádi bana adila ani muusié lɛlɔ mmɔ.

Seƒania 1:5

Na bani ƒui muulie bana lɛtɔ katɔ taakpali ayabi iye baakya lili kalɔ teete Milkom baƒiɔ, nsu baanyi ɔkɔ ka basiaku-mi kama siin ni, ndubo bana ƒui udu bɔyila.

Malakai 2:11

Amii bani nkya Yuda ku Yerusalem kalɔ lɛlɔ bilásiaku Unwoti kama siin. Na bíbile kakpakɔ kani na Unwoti ɔɔyɔ́ mmɔ ekisila na bɛɛbla ala ani muusé-nwu lɛlɔ na amii ku baƒiɔkpane biiti lɛlɔ.

Mateo 6:24

“Ukyuli biala ulákana na wabla benwoti inyɔ kabla. Ɔdubukisi unwi na ɔyɔ ɔkladi litemi. Na ɔdubɔdi unwi etemila lɛlɔ, na ɔta unye ɔkladi etemila lɛlɔ. Alakana Katɔti ku lɛlakɛ kabla bɔsala.