Hosea 7:5 - Katɔti Ɔku Kedee

⁵ Na limeyi lɛni na beesé ɔga ni, anwu ku nwuna benengu ƒui báni ntɛ békpi na baabla adɔlɔla.

Hosea 7:5 ပူးပေါင်းရင်းမြစ်များ

Ala Kalɔ Buse 40:20

Ɔƒɛni limeyi lɛtɛdi lɛmmɔ ni, lɛdi Ƒarao lɛwɔmeyi. Anwuɔsu ɔ́ya na bánwa adila na ɔ́lɔ nwuna benengu ƒui ka babadi limeyi bete-nwu. Na kasakɔ mmɔ ni, Ƒarao ɔ́ya na bákpanku ntɛ ku bodobodo lɛlɔ banune bammɔ bébenyene bana benengu bakladi bammɔ ƒui anumi.

Baga 1 13:4

Uwi ɔni na Yerobeam únu lɛla lɛni na Katɔti kenye udiene ɔmmɔ ɔ́va ɔ́su úwi Betel lɛkpabi lɛmmɔ lɛlɔ ni, únene kɔnu ɔ́kywɛ-nwu ɔ́siku lɛkpabi lɛmmɔ kudɔ mmɔ na ɔ́su ɔnini, “Biƒie ukyuli ɔmmɔ na binyimi-nwu.” Nsu kɔnu kɔni na únene ɔ́tina kenye udiene ɔmmɔ kúkpi kɔnakunwi, na kɔ́goglo na ɔ́sɔ útakana-ku bunene lɛnɔ.

Kɔgya 1:1

Katɔti ɔdubɔya na lɛlɔ lɛyɔ bekyuli bani naaabla taasiaku bekyuli bekpidi kasusu kani na baakya bekyuli lɛlɔ. Na balásiaku alaekpidi bablane ɔbladu kama. Na baládiku-ma kɔkpana na bataama anwu Katɔti lɛnɔ.

Kɔgya 69:12

Mina lɛlɔ litemi kani na litemi batɛne ku benengu bada baasu.

Agba 13:20

Ukyuli ɔni mɔɔdiku banundane kɔkpana ni, anwu lɛnɔ ɔɔdá anu. Lɛni kani na ukyuli ɔni na badɔlɔdi na ɔɔdiku kɔkpana ni, anwu lɛnɔ ɔɔdɔlɔ.

Agba 20:1

Ntɛ muuboku budumi taama. Na muna bɔda lɛnɔ muuboku kekpo. Anwuɔsu si ukyuli ɔ́ya na ntɛ bɔ́di-nwu lɛlɔ ni, ɔɔɔdubo anu bɔda.

Yesaia 28:1

Bɔbuɛ beete Eƒraim ntɛ banine bani nti lɛlɔtina lɛka aani kagabwa, na lɛkɛ ku ala abuni ani na baanu ka Israel ubo ɔsu. Baasíku ala amɛni na ɔkwalɛ ɔni nélie lɛmwi na kesii kani na baabla-nya mmɔ, na baaní ntɛ bɔmmɔ teekpi. Nsu ala ammɔ aayii udu, aani kalɛ na egyii anwula aayɛyɛ kalɛ.

Yesaia 28:14

Anwuɔsu binu, amii bani mɔɔdi bekyuli lɛlɔ, na bɛda Katɔti litemi bɛɛƒianku na Yerusalem.

Daniel 5:23

Mmomu áta énye Unwoti ɔni nli mɔɔdi lɛlɔ ɔ́siku katɔ ƒui lɛlɔ, na áya na bététi lɛɛƒɛɛ lɛni nse nwuna kakpakɔ béboku mɛni. Na awɔ ku ƒula beleku ku bakutine benengu bɛ́ni ntɛ na nina kemmo. Na binye biimwi baƒiɔ bani na béti sika ugyiedi ku ɔƒualadi ku abuala egyiedi ku atabi ku egyiiku bávɔ iye bánwi, ina ka ala amɛni elenu na alanu iye alákana kasusu buti muedi. Ébulo anii alakya lili kalɔ elete Katɔti ɔni muute-ɔ ɔƒɛƒɛɛ ɔni na aanwuna na ɔɔdi ƒula lɛla biala na aabla lɛlɔ.

Hosea 7:3

“Na bana ɔbladu ɔmɛni ɔdi bana benengu bammɔ ƒui lɛlɔyɔ.

Mateo 14:6

Limeyi lɛdi ni, Herode ɔɔdi nwuna lɛwɔmeyi na ɔ́lɔ bekyuli pii. Na Herodia ubidi ulekubi úbatɔ na bekyuli bammɔ anumi. Ɔmɛni ɔ́da Herode ebiti geen.

Marko 6:21

Kama kama ni, Herodia úbakɛ nwuna kuƒi. Limeyi lɛmmɔ lɛdi Herode lɛwɔmeyi. Herode ɔ́lɔ bekyuli benengudi na nwuna bagadine akɔ ku bekpone batɔnkune ku Galilea kalɔ lɛlɔ batɔnkune na kadikɔ.

Eƒesoƒuɔ 5:18

Bitekpi ntɛ, ɔsika ɔmɛni mɔɔyá na bɛɛyii udu. Mmomu Katɔti Kɔyu kɔƒɔ-mii lɛlɔ kemmo ƒui.