Hosea 7:1 - Katɔti Ɔku Kedee

¹ “Na uwi biala na nnii mɔɔbwi mina kadi bekyuli Israelƒuɔ lɛsiku bana lɛlɛ lɛni na beeƒi kudɔ ni, kalala ku ɔkɔ bɔnyi ku ekpidi lidu bamba kani na mɔɔnu. Na beyune baabwɛ teeduo bekyuli kɔduli na bakɛ lilu lɛlɔ ƒui baaví.

Hosea 7:1 ပူးပေါင်းရင်းမြစ်များ

Yesaia 28:1

Bɔbuɛ beete Eƒraim ntɛ banine bani nti lɛlɔtina lɛka aani kagabwa, na lɛkɛ ku ala abuni ani na baanu ka Israel ubo ɔsu. Baasíku ala amɛni na ɔkwalɛ ɔni nélie lɛmwi na kesii kani na baabla-nya mmɔ, na baaní ntɛ bɔmmɔ teekpi. Nsu ala ammɔ aayii udu, aani kalɛ na egyii anwula aayɛyɛ kalɛ.

Yesaia 59:12

O Unwoti Katɔti, bɔ́ɔƒiɔ-ɔ kɔlɛ kɔlɛ, na bɔ́ta búnye-ɔ lɛlɔ. Na bula ekpidi aadú-bu kɔtɔ ka bɔ́bla likpidi!

Yesaia 59:13

Bɔ́ta búnye-ɔ lɛlɔ na búni bɔnii bulasiaku-ɔ kama. Ɔkɔ etemila sɔɔn néyi-bu kayi kemmo anwuɔsu na ɔkɔ ɔmmɔ kani na bɔɔnyi na bɔɔnya bula bakpana taakya.

Yesaia 59:14

Ɔkɔ etemila bɔtɛ kani náƒɔ kesii biala. Na ala bɔbla siin bɔdi bɔsɔ buuubo, na litemi geen ani lɛ́sa ƒui aani kalɛ na baabɔku lɛla lɛdi teedie kesii kadi.

Yeremia 51:9

“Baƒɔ bammɔ bédie kenye banini, ‘Bɔ́ɔsia-ma alɛbi ammɔ kuvo, nsu ébulo bɔsa. Bibo na bula ƒui bɔtɔlɔ buteesie bula ɔma. Lɛla biala lɛsɔ liiibo Babilon. Ala ana ƒui áyii udu.’

Esekiel 16:46

Ƒula ɔnwani ulekubi unengudi ndi Samaria ɔma unengudi ɔni na ƒula katɔ kakɛ ka akpaklɔ lɛma lɛni náka lɛ́mana-nwu. Na ƒula ɔnwani ulekubi ɔnamudi ndi Sodom ɔma unengudi ɔni nkya úsie kada kakɛ ku akpaklɔ lɛma lɛmmɔ ƒui.

Esekiel 23:4

Unengudi baalɔ Ohola na unye ute Samaria na ɔnamudi baalɔ Oholibama na anwu lɛnɔ unye ute Yerusalem. Beleku inyɔ bamɛni ƒui bébenwini mina beleku na báwɔ bebi béte-mi.

Esekiel 24:13

“ ‘Ekpidi ku likyulikpi lɛ́bɔ Yerusalem lɛlɔ ɔni na líidie-mii ala amɛni lɛ́nɔ na ulu biala lɛlɔ na bɛnii bíni. Anwuɔsu likpidi lɛmmɔ kemmo na bɛdubo bɔkya wetédu ka lɛ́ya na mina kɔnyi ablala ébo-mii lɛlɔ kalɛ na ɔ́manku.

Hosea 10:5

Na liƒu bonwu lɛdubo bekyuli bani nkya Samaria ƒui buƒie na bewulo kɔnyana na baƒiɔ bani na bátu bényene Bet-Awen. Baƒiɔ bammɔ na bana bakpane baabu na baakun lɛmɛnɛ ka baanu kalɛ na uukeye ku sika ugyiedi ɔsu. Nsu kekpo kadubo-ma buƒie na beti-ma bɔtɔlɔku na unwini-ma kɔƒa na ukyuli biala uteewulo.

Hosea 11:12

Israelƒuɔ baanyi ɔkɔ taatɔlɔ bana Unwoti Kedee ɔni mɔɔdi nwuna litemi lɛlɔ uwi biala teete bekyuli ku bana ɔkɔ etemila pii ammɔ. Na Yuda lɛnɔ unye nwuna lɛƒiɔkpa lɛlɔ.

Hosea 11:8

“Israelƒuɔ, naaakana-mii bɔnyonu lɛni iye lidie-mii atu. Na naaakana makyula-mii aani kalɛ na lɛ́bla Adma ku Seboim. Oowo, uladia-mi bɔbla lɛni, ɔsika mina kayi kelete-mi kuƒi na kalɛ na mɔɔyɔ́-mii ɔsu.

Hosea 12:1

Ɔƒɛƒɛɛ kama kani na Israelƒuɔ basia uwi ndi uwi. Na ɔkɔ bɔnyi ku ala bubile ku bekyuli lɛlɔ bɔta teenye kani náƒɔ-ma keliela kemmo na kesi kesii. Ama ku Asiriaƒuɔ muunyimi ala, na ama ku Egyipteƒuɔ baadi nnɔ kuye.

Hosea 12:2

Unwoti údie Yudaƒuɔ bani ndi Yakob kaba bebi bɔƒiɔ. Na ɔdubo-ma kɔtu bɔni na bana ala bɔbla ɔsu.

Hosea 4:17

Eƒraim kaba kemmo bekyuli bamɛni béti lɛlɔ bátámana lɛƒiɔkpa, anwuɔsu bɛnyonu bana keyi bite-ma!

Hosea 4:2

Lɛlɔ buwida ku ɔkɔ bɔnyi ku bekyuli bɔdu ku kuyu ku lɛsɔnɔdi lɛlɔ kani na binye uwi ndi uwi.

Hosea 5:1

“Amii bakpane binu! Amii bani ndi Israel kadi bekyuli ƒui bibimi atu na binu! Amii bani na bɛ́si ɔga kesii! Ami mɔɔtɛ litemi lɛmɛni lɛdu kɔtɔ. Bínwini kakpagyuɛ bíte Mispa ɔma bekyuli na lɛni kani na bise na Tabor Kɔbi lili.

Hosea 6:4

Unwoti ɔnini, “Amii Israelƒuɔ ku Yudaƒuɔ, bi na bɛnii mblaku-mii? Bina bɔyɔ bɔni na bibo bite-mi ni, buse kani buse aani ulɔyɔ iye ɔtanta amii ani mɔɔyii taakya si ɔƒɛ ɔ́tu na kadi kaata.

Hosea 7:13

Bɔbuɛ muute-ma, ɔsika ala adubo-ma bukpoku na bayii udu aani bana lɛyuƒɔla ka béni-mi ɔsu. Nsu lɛ́yɔ ka nka lidie-ma.

Hosea 8:5

Na líti kɔnyi lɛ́kya awɔ Samaria ɔma unengudi ɔmmɔ na ƒula baƒiɔ bani na ávɔ na ɔmantɛ akɔ ubi udu kenye mmɔ ɔsu. Uwi ɔmani na aakali ka adubɔsɔ abla sɛɛn na mina anumi?

Hosea 8:9

Na bílieku ebuo atuɔkplune aani akwa. Anwuɔsu na bíkeli bísie Asiriaƒuɔ kudɔ bɛnii bitáblaku-ma unwi na bɛwia kebunku.

Amos 3:10

Unwoti ɔnini, “Bekyuli bamɛni baaagyi kalɛ na baabla lɛbuni. Béyu bekyuli, na béƒie ani báƒɔ ɔkplu kemmo bénwini bana lɛlakɛ.”

Amos 3:9

Bɛkɔ litemi lɛmɛni lɛsa bite batɔnkune bani na beli kɔgyumanakɔ kɔni na bátu na Asiria ku Egyipte kɔlɔ lɛlɔ bɛnii, “Bɛsala lɛlɔ na Samaria abi eli na bɛnu ɔda bubo lɛlɔ tadi ku ekpidi lidu bamba lɛni udu na bekyuli baabla na mmɔ.”

Amos 8:14

Na bani mɔɔbla kɔƒa ala taakpali Samaria baƒiɔ, bani nkya Dan ku Beer-Seba teese kenye ni, badubo bubuli ɔni na basɔ balakana bɔta lɛnɔ.”

Mika 6:16

“Ala amɛni ndubo-mii bɔlɛku na ɔni na bɛsiaku Ɔga Omri ku ubidi Ɔga Ahab likyulikpi ala bɔbla kama ɔsu. Anwuɔsu ndubo-mii udu bɔyila ku bina akɛla ƒui na kadi bamba bekyuli ƒui bataama-mii na bedumi-mii.”

Mateo 23:37

“Yerusalem, Yerusalem! Awɔ muubó Katɔti kenye bediene ku bekyuli bani na Katɔti ɔ́tala ɔ́kya-mii atabi taadu. Kɔlɛ kɔlɛ sɔɔn mɛni na líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ!

Luka 13:34

“Yerusalem, Yerusalem! Awɔ mɔɔdú Katɔti kenye bediene, na awɔ muubó Katɔti batalane bani na ɔ́tala ɔ́kya-a atabi. Kɔlɛ kɔlɛ sɔɔn mɛni ka líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ.

Luka 19:42

Na ɔ́su ɔnini, “Mɔɔyɔ́ geen ka nka bɛnu bɛti ɔmwi limeyi lɛmɛni lɛlɔ lɛla lɛni námanku-mii asa bɛkɛ keyi buɛɛ! Nsu ku ɔƒɛni ni, bilánu taati!