Hosea 6:9 - Katɔti Ɔku Kedee

⁹ Bina bakpane bénwini beyune kasala na batɛ kuludɔ baatú bekyuli. Bádu bekyuli na Sekem ulu lɛlɔ na baabla alaekpidi lidu bamba lɛnɔ.

Hosea 6:9 ပူးပေါင်းရင်းမြစ်များ

Ala Kalɔ Buse 12:6

Abram úsie ɔ́vi kalɔ kammɔ ƒui kemmo útédu kesii kani na More kugyii kunengudi kunye na Sekem. Na uwi ɔmmɔ kemmo ni, na Kanaan kadi bekyuli nli mmɔ.

Baga 1 12:25

Na uwi ɔmmɔ ni, Ɔga Yerobeam ɔ́tu ɔ́mana Sekem na Eƒraim abi lɛlɔ kalɔ kemmo na uli mmɔ. Ɔmmɔ kama ɔ́ta úsie útáda Panuel ɔma.

Esra 8:31

Na limeyi leevu-linyɔdi na kɔbuli kudeedi kemmo ni, bɔ́ta bɔ́si Ahawa Ketudɔ na búti anumi bɔ́tina Yerusalem na Katɔti ɔdanku-bu. Na ɔ́gyumana-bu ɔ́lɛku bula bekisine ƒui enu kemmo na ulu lɛlɔ.

Yeremia 11:9

Unwoti ɔ́su-mi ɔnini, “Yeremia, Yudaƒuɔ ku Yerusalem kadi bekyuli bakya baabla kasusu kekpidi na mina lɛlɔ.

Esekiel 22:25

Bana batɔnkune bese aani bagyata bani mɔɔkwanyi na baaduli ebuo ɔni béƒie teegyingya kɔkɛ kɔkɛ. Baadú bekyuli. Na beeyú ala ani na bánu ka áƒɔ kuye na bekyuli kudɔ. Na baadu beleku bagya na bana beleku baaƒɔ́ lɛlɔ teelie aani bekpinele.

Esekiel 22:27

“Israel kadi benengu bese aani beƒukutu bani anumi négyie na ebuo ɔni na beƒie lɛlɔ na baaduli-nwu teegyingya si báda-nwu. Na beelie ngba ngba bukpidi taakya bekyuli ɔlɛ na baadú-ma.

Esekiel 22:9

Bina badi baanyi ɔkɔ taada bana bakpana kenye kalɛ na badu-ma. Na badi lɛnɔ baakun lɛna lɛni na béti bákpa béte baƒiɔ na aƒiodu lidu lidu. Na badi lɛnɔ bana ɔlɔna ɔkwɛ adala ekpidi kama kani na basia baabla ƒui.

Esekiel 23:27

Na bina ulikplu ku lɛyalɛ ala bɔbla bɔni kalɔ na bíse na Egyipte mmɔ ƒui ni, ndubukulo-mu kenye. Na bɛsɔ biláyɔ ka biti ala ammɔ lɛlɔ kasusu muedi na biteenyimo emeyi ammɔ muedi.

Hosea 2:10

Na ndubudie-nwu kasɔngya na nwuna bayɔne anumi. Na ɔdi ulakana-nwu bɔƒɔ.

Hosea 4:2

Lɛlɔ buwida ku ɔkɔ bɔnyi ku bekyuli bɔdu ku kuyu ku lɛsɔnɔdi lɛlɔ kani na binye uwi ndi uwi.

Hosea 5:1

“Amii bakpane binu! Amii bani ndi Israel kadi bekyuli ƒui bibimi atu na binu! Amii bani na bɛ́si ɔga kesii! Ami mɔɔtɛ litemi lɛmɛni lɛdu kɔtɔ. Bínwini kakpagyuɛ bíte Mispa ɔma bekyuli na lɛni kani na bise na Tabor Kɔbi lili.

Hosea 5:2

Na bina ekpidi áya na Sitim ɔma únwini ubu gbion, nsu ndubo-mii kɔtu bɔni ƒui kede kede.

Hosea 7:1

“Na uwi biala na nnii mɔɔbwi mina kadi bekyuli Israelƒuɔ lɛsiku bana lɛlɛ lɛni na beeƒi kudɔ ni, kalala ku ɔkɔ bɔnyi ku ekpidi lidu bamba kani na mɔɔnu. Na beyune baabwɛ teeduo bekyuli kɔduli na bakɛ lilu lɛlɔ ƒui baaví.

Mika 3:9

Anwuɔsu binu kenye kani na nda líboku amii Israelƒuɔ batɔnkune! Bikisi litemi lɛlɔ bɔdi ulu siin lɛlɔ na biinwíni litemi geen lɛmmɔ taalɛ.

Mika 7:2

Naaanu ukyuli ɔdi na ɔsiaku Katɔti kama siin. Na ɔdi lɛnɔ ulábla lɛla lɛbuni lɛdi. Ulikplu ku kalala kani nkya ukyuli biala na kalɛ na bebile bana bakpana ngba lɛlɔ kagyumana kani na ɔdi biala unye.

Seƒania 3:3

Nwuna bakutine ƒui bénwini bagyata bani mɔɔkwanyi, na nwuna litemi batɛne lɛnɔ bénwini bebuo bani muuƒie bana bakpana taakun usien na asɔ alanu lɛla lɛdi si kadi kégye.

Marko 14:1

Kébu emeyi anyɔ asa na Yudaƒuɔ badi bana emeyi kedee ani baalɔ Kukpi Lili Bɔvia Limeyi ku Bodobodo Ɔni Néteƒu Limeyi. Na bakpane benengu ku ɔda bubo ala batinane badi bakya baawia ulu ɔni lɛlɔ basia na bɔbɛ kemmo na beƒie Yesu na badu-nwu.

Yohane 11:47

Anwuɔsu Ƒarisiƒuɔ ku bakpane benengu bása ku Yudaƒuɔ batɔnkune bammɔ na béye lɛlɔ banini, “Bi na ɔlɛka bɔbla? Bɛnu akɔla budie taatina ani udu na ukyuli ɔmɛni ɔdaku bɔbla!

Batalane Kabla 4:24

Amu na baƒɔtaadine bamɛni ƒui bása lisu na bákpali Unwoti banii, “O Ati, awɔ nédie katɔ ku kalɔ ku ɛpu ku ala ani ƒui nkya-nya kemmo.