Hosea 6:7 - Katɔti Ɔku Kedee

⁷ “Nsu aani Adam ni, bíbile mina bunyimi bɔni na línyimiku-mii. Na bítadi mina litemi lɛlɔ.

Hosea 6:7 ပူးပေါင်းရင်းမြစ်များ

Ala Kalɔ Buse 3:11

Mmɔ na Katɔti úye-nwu ɔnini, “Ɔma násu-ɔ ɔnii akɛ kasɔngya? Munuu kugyii kɔni lɛlɔ ebi na líbo-ɔ ɔda nnii tadi mmɔ ni, aku na átádi?”

Ala Kalɔ Buse 3:6

Amu ka uleku ɔmɛni ɔ́nu ɔ́ti ka kugyii kɔmmɔ ebi adia bɔdi, na aadia bɔnu, na aayá na ukyuli ɔɔdá anu ɔsu ni, úde adi na ɔ́di. Na úde ɔdi úte ɔgyani ɔni nkya mmɔ lɛnɔ na ɔ́di.

Baga 2 17:15

Béni nwuna ɔda bubo, na bátadi bunyimi bɔni na únyimiku bana bati kuuku lɛlɔ ku kalɛ na ɔ́lɛ-ma kpakplaa mmɔ lɛlɔ. Na basia baakpá baƒiɔ bani neeebo kɔsia. Ɔmmɔ ɔsu ama lɛnɔ bátalɛ kɔsia kɔdi. Na básiaku kadi bamba bekyuli bani náka bámana-ma baatɛya bana ablala ina ka Unwoti ɔ́su-ma ɔnini, “Bitabla ala ani na baabla.” Nsu ala ani lɛlɔ geen na Unwoti úbo-ma ɔda ka batabla ni, anya basia baabla.

Hiob 31:33

Ńteti mina ekpidi adi ńtabɛla bekyuli kalɛ na badi baabɛla bana ekpidi taakya kayi kemmo banii ɔdi utati.

Yesaia 24:16

Binu bumwi lɛnu lɛni nda ɔ́siku kayawi kawɔlɔkɔ ekpo ekpo ƒui, úte Unwoti ɔni muukeye na use siin. Nsu bɔbuɛ muute lɛlɔ, ɔsika lɛlɔ kemmo kaanwá-mi ku kɔnyana, na bani na bátaƒɔ bátadi bana taƒɔ tadi ku ulikplu ala bɔbla ɔsu.

Yesaia 24:5

Bekyuli bébile kayawi kammɔ na keesé lɛlɔ. Bátadi ɔda bubo bɔmmɔ lɛlɔ, na báta bénye litemi lɛmmɔ lɛlɔ, na bébile Katɔti bunyimi bɔni nnye nte uwi ƒui mmɔ.

Yesaia 48:8

Ɔ́si kukuuku ƒui bina atu étebimi tɔ na binu lɛla lɛdi kalɔ. Na ɔ́si uwi ɔni na báwɔ-mii ni, ngyi-mii kalɛ na bɛ́lɛ-mi kama na bɛ́ta binye-mii lɛlɔ.

Yeremia 3:7

Lɛ́nu ɔmɛni lɛ́ti ka Israel lɛga kadikɔ kammɔ ƒui bálɛ-mi kama na bábla ekpidi pii, nsu ina amu mina anu asia ka badubunwini na bana ɔbladu buɛ kama bebo-mi kudɔ na bébulo, anwuɔsu ami lɛnɔ lɛ́nyonu-nwu na lídie-nwu ulu na ɔ́lɛ-mi kesii. “Na ɔnwani ulekubi Yuda lɛnɔ ɔ́nu ɔmɛni, nsu útabla-nwu lɛla lɛdi iye ukpoku-nwu muedi. Mmomu mɔɔnu ka anwu lɛnɔ úse kalɔ uulie ngba bukpidi bɔmɛni na ɔɔlɛ́-mi kama.

Yeremia 31:32

Na ulése aani kalɛ na línyimiku bana bati kuuku na uwi ɔni na lɛ́da-ma kɔnu kɔnu na lɛ́tɔnku-ma lɛ́lɛku Egyipte kalɔ lɛlɔ. Na ina ami ndi bana Katɔti muedi ni, bátadi bunyimi bɔmmɔ lɛlɔ.

Yeremia 34:18

“Na bunyimi bɔmɛni ɔdi bɔbla kemmo ni, bɛ́du ɔmantɛ akɔ ubi na bɛ́bwɛ-nwu kemmo akpa anyɔ. Na bisie bɛ́vi kɔkɛ kɔmmɔ ntɛ na bɛ́su bɛnii ami nnye bina bunyimi bɔmɛni kama ka bɛdubute bina banwani bɔnwuna. Nsu amii Yerusalemƒuɔ bíni na bítadi bunyimi bɔmɛni iye ami bɔdi bɔni na línyimiku Israel lɛlɔ. Anwuɔsu lɛla lɛni na bɛ́bla ɔmantɛ akɔ ubi ɔmɛni ni, ani kani na ndubo-mii bɔbla.

Yeremia 5:11

Yuda ku Israel bálɛ-mi kama ulu biala lɛlɔ.’

Yeremia 9:6

Ukyuli biala ɔɔwia ka ɔkɛ ɔkpanadi lɛlɔ kɔsia. Na ɔdi biala uláwia ka ɔƒɔ enu ɔnii ami ndi Unwoti.

Hosea 5:7

Bátadi Unwoti litemi lɛlɔ, na bátáwɔ basɔnɔbi béyile kɔduli. Anwuɔsu kɔbuli kɔwɔdi limeyi kadikɔ na ama ku bana mmo ƒui bɔdubo udu bɔyii kede kede ƒui.

Hosea 8:1

“Vwi kakpɛɛ na ebo Israelƒuɔ ɔda na ete-ma bɔti anii bekisine bakɛ bana eli baatú-ma na badubo bebéyu-ma batu aani kasangbii ka bébile mina bunyimi na báta bénye mina ɔda bubo lɛlɔ ɔsu.

Romaƒuɔ 5:14

Nsu ɔ́si Adam uwi úbalɛ Mose uwi ni, kukpi kɔ́di bayawine ƒui lɛlɔ ku bani na bátabla likpidi lɛdi muedi aani kalɛ na Adam útadi Katɔti ɔda bubo lɛlɔ. Na Adam ɔmɛni unye ute ukyuli ɔni mebo.

Lɛkpa Ulu 31:20

Na ndubuti-ma busienku kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mmɔ lɛlɔ aani kalɛ na líse kenye líte bana bati kuuku. Na adila biala na baawia ni, ndubo-ma bute, na badi bemo ku ebiti. Nsu ɔmɛni kama ƒui badubo kama bunwini bɔkya-mi na batákpa kadi bamba baƒiɔ. Na badubo-mi buni na bata benye mina ɔda bubo lɛlɔ.

Hebriƒuɔ 8:9

Na ulése aani kalɛ na línyimiku bana bati kuuku na uwi ɔni na lɛ́da-ma kɔnu kɔnu na lɛ́tɔnku-ma lɛ́lɛku Egyipte kalɔ lɛlɔ. Ɔsika bátadi lɛla lɛni na línyimiku-ma lɛlɔ. Anwuɔsu línwini kama lɛ́kya-ma.