Hosea 6:1 - Katɔti Ɔku Kedee

¹ Ɔmmɔ kama ni, Israel kadi bekyuli bammɔ básu banini, “Bɛya na bɔsɔ bunwini busie Unwoti Katɔti kudɔ. Anwu nébo-bu ɔ́kya ɔlɛ, nsu anwu kani ndubo-bu bɔbwi. Ɔ́ya na bɔ́ƒɔ lɛlɛ, nsu ɔdubo-ni bunyimi bute-bu na likpi ƒui.

Hosea 6:1 ပူးပေါင်းရင်းမြစ်များ

Ala Alɛdi 2 30:6

Amu na Hesekia batu bani na ɔ́tala mmɔ báyu ulu linyesia ɔku ɔmɛni bésienku Israel kesii biala. Na ɔku ɔmmɔ kenye kaasu kanini, “Israel kadi bekyuli, ka kuli kɔ́dia-bu na bɔ́lɛ Asiria baga enu kemmo na kekpo kéteƒie-bu ƒui ni, bɛya na ɔƒɛni anwu bunwini bubo Unwoti Katɔti ɔni na bula bati kuuku Abraham ku Isak ku Yakob bákpa kudɔ. Na si bɛ́bla ɔmɛni ni, ɔdubɔda kɔnyi buti bɔkya-bu ɔya.

Hiob 16:9

Unwoti úti kɔnyi ɔ́kya-mi na ɔ́duli-mi ɔ́va kalɔ. Na unye ɔɔnu-mi ɔnusɛ aani nwuna ukisine kalɛ.

Hiob 22:23

Geen ni, sɔku lɛlɔ te Katɔti ku lɛlɔ kalɔ buboku na ƒula keyi kayɔ na ala adianku-ɔ. Die ƒula lɛlɔ ƒui atu.

Hiob 34:29

Na ina bunye na únye ɔ́nu na útakpete-ma muedi ni, kadi bekyuli bamani, munuu ɔma ndubɔkana na udie Katɔti bɔƒiɔ bɔdi? Na si bɔbɛla na ɔ́bɛla nwuna anumi ni, ɔma ndubɔnu-nwu? Anwu kani mɔɔdi bekyuli ku kadi ƒui lɛlɔ.

Hiob 5:18

Ɔsika si ina ɔ́ya na ɔ́ƒɔ ɔlɛ ni, anwu kani ndubo-nwu bɔmana.

Kɔgya 30:7

O Unwoti, uwi ɔni na ábla-mi lɛƒɔndia ni, mina kenyekɔ káda kalɔ kpakplaa aani kɔbi. Nsu uwi ɔni na édie ƒula anumi na mina lɛlɔ blii ni, lɛ́yia geen.

Kɔgya 6:2

Unwoti, nu-mi kɔnyana! Kya-mi ɔkplu, ɔsika ɔyikun ina blii suɛ ɔdi ɔsɔ uuubo-mi.

Kɔgya 71:20

Aya na líbo abi geen na ala ékpoku-mi, nsu awɔ kani ndubudie-mi na lɛlɛ kesii kani nkya aani ubu kemmo na naaasɔ naaakya mmɔ. Mmomu adubɔya na lɛsɔ lɛlɛ libo mbelie kanwaadikɔ na lɛsɔ lɛkɛ ɔyikun.

Etemila 3:3

Uwi ɔni baadú lɛla lɛdi ɔkya, na uwi ɔni na baabwi lɛnɔ ɔkya. Na uwi ɔni na baabwɛ lɛnɔ ɔkya, na uwi ɔni na baatú lɛnɔ ɔkya.

Yesaia 17:7

Uwi ɔmmɔ ni, bekyuli badubunwini banu bana Udiene Israel Katɔti ɔni nse kedee.

Yesaia 2:3

Bekyuli badubɔsi kɔlɔ pii lɛlɔ bebo na babasu banini, “Bɛya na bɔkɔ busie Unwoti Katɔti kɔbi lili na Yakob Katɔti kakpakɔ, na ɔtina-bu nwuna lilu na bɔsia-ni lɛlɔ.” Ɔsika Sion mmɔ na badubɔtina-bu ala, na bunu Unwoti litemi bɔsiku Yerusalem.

Yesaia 30:22

Na uwi ɔmmɔ ni, bɛdubɔnu bina baƒiɔ bani na bɛ́vɔ, ku bani na bɛ́nwi na bɛ́kwaa-nya ku sika ugyiedi aani kebu alakpi ani muusé lɛlɔ na bibo-nya biwiakun.

Yesaia 30:26

Kɔbuli kɔdubo buteekeye nwaa aani ɔƒɛ, na ɔƒɛ bukeye bɔdubo katɔ bɔkɔ geen akpa maatɛ aani emeyi maatɛ ɔƒɛ bukeye na básala. Katɔti ɔdubɔmana nwuna bekyuli alɛbi ani na báƒɔ na ekpi, na udie ɔgbankpi ɔmmɔ bana lɛlɔ.

Yesaia 55:7

Bɛda bina kalala ku likyulikpi ala bɔbla bɛya, na binwini kama bɛkya-nya na Unwoti ɔdubuti-nya ƒui ɔkyiɛ-mii.

Yeremia 3:22

“Ndubo-ma bɔsu nnini, ‘Binwini bibo na lɛbwi-mii, na kalɛ na bɛ́lɛ-mii kama ɔsu.’ “Na mmɔ na badubɔsu banini, ‘Bɔdubunwini bubo, ɔsika awɔ ndi Unwoti bula Katɔti.

Yeremia 30:12

Unwoti ɔnini, “Mina kadi bekyuli, bɛ́ƒɔ ɔlɛ na bɛɛyɔ́ bikpi.

Yeremia 30:17

Ukyuli biala ulawia ka udie-ɔ kakpana na ɔɔɔdaku-ɔ lɛda lɛnɔ si lɛla lɛdi mɔɔlɛ́ku-ɔ. Nsu ndubo-mii bɔbwi ƒui bɔsiku bina lɛlɛ lɛni nda-mii kudɔ na lɛlɔ lɛsɔ lɛbla-mii sɛɛn na bɛsɔ bɛkɛ bina ɔlɔkplu.”

Yeremia 33:6

“Kama ƒui na limeyi lɛdi lɛlɔ ni, ndubo mɛni bɔklibi na lɛbwi bekyuli bammɔ ƒui na lɛya na belie ku keyi buɛɛ kani neeebo kawɔlɔkɔ.

Yeremia 50:4

Unwoti ɔnini, “Amii Israel ku Yuda kadi bekyuli, uwi ɔni na ala amɛni adubɔlɛ ni, bɛdubo buwulo na bɛsɔ binwini bisie kalɔ lɛlɔ na bɛkpa-mi bina Unwoti ku Katɔti.

Yeremia 50:5

Bɛdubo Sion ɔma ulu buye na bibo bibasalaku-mi na bunyimi lɛla lɛwɔdi lɛni na bɛsɔ bilayiƒala.

Kɔnyana Buwulo 3:11

Na ɔ́tu úbada-mi, na ɔ́ni-mi ɔtɔlɔku ulu lɛlɔ útáduli-mi kɔkɛ kɔkɛ.

Hosea 11:10

“Mina kadi bekyuli badubɔsi ɔƒɛ kanukɔ bebo na babasiaku ami bana Unwoti kama ku bɔyia si lɛ́kwanyi aani gyata.

Hosea 12:6

Anwuɔsu binwini bibo bina Katɔti kudɔ na biwi lɛlɔ buɛɛ na biti bina anu ƒui bɛsia-nwu lɛlɔ. Bɛsu litemi geen na bɛdi nwuna litemi lɛlɔ siin na bɛyɔ-nwu.

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Hosea 14:4

“Israelƒuɔ, amii néni-mi, nsu mina kɔnyi kɔ́yɔ-mi. Ndubo-mii bɔbwi na lɛyɔ-mii na bɔyɔ bɔmmɔ buuubo kawɔkɔ.

Hosea 3:5

Nsu kama ƒui ni, Israel ɔdubɔsɔ unwini usie nwuna Unwoti Katɔti ku nwuna Ɔga Dawid kudɔ. Badubusie Unwoti kudɔ ku bɔyia ku ɔbu. Na emeyi ekplodi ammɔ kemmo ni, badubɔnu nwuna lɛƒɔndia.

Lewiƒuɔ Ɔda Bubo 14:48

“Nsu si ɔkpane ɔmmɔ úbanu kaduli kammɔ na butili bɔmmɔ bɔ́sɔ bútegyingya bútaƒɔ kaduli kani awodu básɔku bákwa mmɔ lɛlɔ ni, ɔkpane ɔdubute kati ka kaduli kammɔ kabla sɛɛn, ɔsika butili bɔmmɔ bɔ́sa.

Seƒania 2:1

Amii kadi bekyuli bani na kɔƒa ala bɔbla búyi-mii akɔ ni, bibo bibasala mɛni asa na uwi ukpidi ɔmmɔ udu.

Lɛkpa Ulu 32:39

“Bɛnu! Ami lɛti ndi Katɔti, na ɔdi ɔsɔ uuubo. Ami mbo ngba ku kukpi lɛlɔ ɔyikun. Na muudie lɛlɛ teeboku na mɔɔbwi-ni lɛnɔ. Na lɛla biala liiibo na linye litile lɛla lɛni mɔɔbla kenye.

Samuel 1 2:6

Unwoti mɔɔyá na ukyuli uukpi na anwu kani mɔɔyá na ukyuli uulie ngba. Anwu mɔɔyá bekyuli beeduo kekpine. Na anwu kani mɔɔgyila-ma taasiku kekpine.

Samuel 1 7:3

Limeyi lɛdi ni, Samuel ɔ́su Israelƒuɔ ƒui ɔnini, “Si bɛɛyɔ́ ka binwini udu na biti lɛlɔ bite Unwoti bɔdi ni, amu ɔlɛka bidie bɛtina nwaa na bina ɔbladu kemmo. Na bɛyila baƒiɔ bani na bɛ́vɔ bíte lɛlɔ udu. Na bɛyila Astarot baƒiɔ bani lɛnɔ bɛ́vɔ mmɔ udu. Binwini kama bɛkya baƒiɔ bammɔ ƒui na biti bina kayi bite Unwoti ƒui kede kede. Na bitaakya lili kalɔ teete anwu lɛti pɛ na ɔda-mii udie Ƒilsitiƒuɔ enu kemmo.”